YAHYA 11:26 - KITABI HABARI MOPIOHE

²⁶ Wau taa tumu-tumulo wau palacaya ola-U̒, diilalo mate ohiheo-hiheolo mao̒. Wolo yio̒ palacaya tosua̒li boito?”

YAHYA 11:26 ပူးပေါင်းရင်းမြစ်များ

MATIUSI 26:53

To lantobumu Wau̒ diila mowali mei̒ tulungi mai li Paapa-U̒, wau Tio wolo molamemeto mamolao mai lebe lou̒ ngodusingi pasukani suludadu lo malai̒kati?

MATIUSI 9:28

Tou̒ ti Isa tilumuwoto ode delomo bele, tapitoo̒ duulota boito lonao̒ mai ode o-Lio. Ti Isa lohintu mao̒ olimongolio, “Wolo timongoli palacaya deu̒ Wau̒ mowali mopoo̒luli mao̒ olimongoli?” “Palacaya, Paaa̒!” tametao̒ limongolio.

MARKUSI 9:23

“Wolo heloi̒yamu? Wonu ti Paaa̒ mowali?” tametao̒ li Isa. “Ngoa̒amilalo mowali, asali tau palacaya!”

YAHYA 10:28

Wau̒ mongohi mai olimongolio tutumulo ututuulio tutu wau ohiheo-hiheolo mao̒, wau u ohiheo-hiheolo mao̒ timongolio diila tabinasa. Diaaluo penu boli ngotaa mao̒ tamowali molambata olimongolio monto ola-U̒.

YAHYA 14:10

Pilipus! Wolo yio̒ diila palacaya, deu̒ Wau̒ tuwau woli Paapa wau ti Paapa tuwau wola-U̒? Wolo umapilo tahuda-U̒ mai olemu, diila lonto ola-U̒ lohihilao. Ti Paapa-U̒ tadebo tuwau wolau̒, Tiolo tamohutu mai ngoa̒amilalo boito.

YAHYA 4:14

“bo taa mongilu taluhu u mawohi-U̒ mai madiilalo mototoa̒ngo poli ohiheo-hiheolo mao̒. Sababu tahulu u mawohi-U̒ boito mamowali mato lotaluhu todelomo batangalio u mopentelai ode bulemengio wau mongohi olio tutumulo ututuulio tutu wau ohiheo-hiheolo mao̒.”

YAHYA 5:24

Otutu banali totoonulalo tahudaa-U̒ botie: Taa umopoo̒ tuotao̒ totoonulalo tahudaa-U̒, wau palacaya o-Lio talolao mai ola-U̒, o tutumulo ututuulio tutu wau ohiheo-hiheolo mao̒. Tio diila tahukuu-maniyolo; tio malo lopato lonto opopate wau loo̒tapu tutumulo.

YAHYA 6:47

Ototai mao̒: Taa u palacaya, o tutumulo ututuulio tutu wau ohiheo-hiheolo mao̒.

YAHYA 9:35

Ti Isa loo̒dungohe deu̒ tau boito mailinggi limongolio lonto bele potabiaalo. Tio malo lolohe tau boito lapatao̒ lotahuda olio, “Wolo yio̒ palacaya to Walao̒ Manusia?”

ROMA 8:13

Sababu wonu timongoli tumumulo modudua̒ pii̒li lomanusia, yi timongoli maamate; bo wonu wolo kawasa lo Rohullah, timongoli tulusi wambao̒ mopopate totoonulalo huhutuumu u odusa, yi timongoli matumumulo.