YAHYA 11:19 - KITABI HABARI MOPIOHE

¹⁹ Dadaata taulo Yahudi malonao̒ mai lomilohe oli Marta woli Maria u lomalongo olimongolio sababu timongolio ilopatea lo wutatio.

YAHYA 11:19 ပူးပေါင်းရင်းမြစ်များ

ILOOWALI 37:35

Ngoa̒amila mongo walai̒o, mopio mongo lolai̒ meaalo mongobua mai loliyango olio, bo tio diila mohuto liyangolo. Ualio mao̒, “Tunggula mate debo hiyongau̒ tulusi walau̒uu̒ boito.” Odi-odieelo mola tio lotilimi tulusi kalana tei Yusu walai̒o.

OLUO LO SAMUEL 10:2

Lapatao̒ malo loi̒ya ti Olongia Dauda, “Tei Nahas yito sahabatiu̒ tau̒ tatapu wau molotolo hilao. Oditolio wau̒ musi mosahabatia olo wolei Hanun walai̒o.” Sababu uito tei Dauda malolao utolia ode lipu Amon mola loliyango olei Hanun to opopate liyamolio.

BOHULO TAWARI 10:12

yi tau-tauwalo tahi buhelia tutu to wolota limongolio lonao̒ mota lohama milate lei Saul wolo walai̒o mongo lolai̒, tulusi dilelo mola limongolio ode Yabes. Timongolio lolobunga olio to walungo bungo lo ayu uleidaa̒ tuwau, lapatao̒ timongolio helo puasa pitu hui mola hiheolio.

AYUBA 2:11

Baala leidungga tobatanga lei Ayuba mai̒lo dungohe lo sahabatilio toulota, deu̒yito-yito tei Elipas lonto kota Teman, tei Bildad taulo Suah wolei Jopar taulo Naama. Timongolio malo heeluma ohilaa momilohe wau moliyango olio.

AYUBA 42:11

Ngoa̒amila tahulango wau wutato taabua lei Ayuba, wau ngoa̒amila tamoo̒taawa wolio talo hiheo, mai lobiilohe wolio lapatao̒ helohutu potihunggu pee̒-pe̒enta wolio tobelelio. Timongolio lopoi̒laalo pongolaasa limongolio u limilimi to tilolahepaalo usuusa u mapilopo dungga mai lo Eeya to olio, wau helo liyanga olio. Ngota-ngota towolota limongolio helongohi mao̒ ngojumulaa doi wau hua̒limo hulawa ngobotu odelei Ayuba.

TAMOO-HUTUBAWA 7:2

Lebe mopiohu monao̒ ode bele limilimi lou̒ monao̒ ode tambati lo potihunggu. Sababu ito musi laito motoloe̒ela mola deu̒ mautu mohima timii̒du tau.

YESAYA 51:19

Yio̒ odungga lobaala dulo dalaala; akiibati lo popaatea lipumu moa̒ntulu wau binaasa wau ulipumu mate polaangolo. Diaaluo tamodehu hilao wau moliyanga olemu.

HIYONGO MOPOILAALO SUUSA 1:16

Uito sababuulio ponu lowatia loduduulahu, diaaluo talongohi sumaangati wau loliyango. Bangusa lowatia mai̒loolia lou̒ totoonulalo u hitua-tuawua, sababu musu lebe okawaasa.

HIYONGO MOPOILAALO SUUSA 1:2

Oo̒onua tio hilumoyonga wolo hilaa suukali lohilao, ponu lobiihuto to putongi. Diaaluo penu boli ngotaa mao̒ lonto mongo tilantahio tamohuto moliyango olio. Tio hiliyaanati lomongo sahabati tamalo nguli lowali laawani.

HIYONGO MOPOILAALO SUUSA 1:21

Oo, Eeya! Dungohilo mai totoonulalo lapali u tilumoodu sababu usuusa lo watotia, diaaluo tamoliyango olo watotia. Mumuu-suwaalo watotia hiweengahe, sababu Eeya lohutu mai olo watotia tilopotala. Popo dunggalo mai dulahu u pilodanti lo Eeya botio; pohutuwalo timongolio modutolo debo odelo watotia.

HIYONGO MOPOILAALO SUUSA 1:9

Okootololio oontonga wolo mopatato bo tio diila lomandungi wolo u mamotoduo mai wolo batangalio. Laba-labaalo heebati oa̒antululio, bo diaaluo penu boli ngotaa mao̒ talo liyango olio. Yi tio lomolohone odehu hilao lonto Eeya, sababu mumuu-suulio maloo̒haama.

HIYONGO MOPOILAALO SUUSA 2:13

Oo Yerusalemu, Kota Sion u ilohilao, tuodumu debo odelo udaa̒ lo auhe daa̒. Wolo u mowali loi̒ya lowatia u mongohi pololiyango? Sababu, diila pee̒enta mao̒ woluo tahe lodutolo debo odelo yio̒. Otutu diaaluo tamowali moponguli owowoluwoamu.

LUKASI 10:39

Ti Marta owutato taabua tanggulio Maria. Ti Maria botie lotihuloo̒ titiilia li Isa Eeya helo dungohe popoo-ngajalii-Lio.

LUKASI 10:42

lebe-lebe pomao̒ u polohuna daa̒ bo tuwau. Wau ti Maria malo lulaoto u mopiohu, udiila mowali hamaalo monto olio.”

YAHYA 1:19

Tahidihima kawasa lo Yahudi to Yerusalemu lopoa̒hu mongo iimamu wau tau-tauwalo Lewi lonao̒ odelei Yahya wau lohintu olio, “Yio̒ botie tatoonu?”

YAHYA 11:1

Ngotaalio tai̒lunte Lajarus bilu-biluloa̒ to Betania pee̒-pee̒enta wolo wutatio ti Maria woli Marta.

YAHYA 11:31

Tau-tauwalo Yahudi tadonggo hipoliyanga oli Maria tobele, loo̒onto oli Maria tilimihulo wau hua̒a yilumualao̒; oditolio timongolio malo dudua̒ olio, sababu helantobu limongolio tio monao̒ ode kuubulu mola humoyongo.

YAHYA 11:33

Tou̒ ti Isa loo̒onto oli Maria hiyo-hiyongo, wau tau-tauwalo Yahudi talonao̒ mai woli Maria boito olo hehiyonga, hilaa-Lio masiluukali, wau oontonga lodehu daa̒ hilaa-Lio.

YAHYA 11:45

Dadaata tau-tauwalo Yahudi talonao̒ mai lomilohe oli Maria, palacaya toli Isa tou̒ timongolio loo̒onto u lotoduo mai boito.

YAHYA 11:8

Timongolio lolametao̒, “Paaa̒ Guru, botiboti mola tau-tauwalo Yahudi ohilaa momai̒ li Paaa̒ wolo botu wau botia ti Paaa̒ ohilaa poli mohualinga mola odito?”

ROMA 12:15

Poti wengahulo wolo tau-tauwalo tahi wengahe, wau pohiyongolo woli mongolio tahe hiyonga.

2 KORINTUS 1:4

Tio helo poo̒lotolo hilaa lamiaatia totimii̒du odungga lou̒ suukali, u ilolaasawa lamiaatia alihu wolo olootolo u tilolimo lamiaatia lonto Allahu Taa̒ala boito, amiaatia olo mowali mopoo̒ lotolo hilaa lotaa ngoa̒amila todelomo suukali.

1 TESALONIKA 4:18

Sababu uito, mamusi timongoli mopopoo̒o lotolao̒ lohilao, lou̒ momake tataa-heyaalo botie.

1 TESALONIKA 5:11

Sababu uito, mamusi timongoli debo mohu huuntula wau mopopoo̒o lotolao̒, tutuuwauwa debo odelo udonggo hepohutuo limongoli masaatia botie.

BOHULO SEMUEL 31:13

Ngoa̒amila tulalio yilimoi̒o wau yilobungio towalungo bungo lo ayu tamariska tokota boito, lapatao̒ timongolio helo puasa pitu hui mola hiheolio. 93