YAHYA 11:11 - KITABI HABARI MOPIOHE

¹¹ Odi-oditolo tahuda li Isa. Lapatao̒ Tio luli lotahuda mao̒, “Sahabatinto tei Lajarus malei tuluhu, bo Wau̒ maamota mopobongu olio.”

YAHYA 11:11 ပူးပေါင်းရင်းမြစ်များ

OLUO MONGO OLONGIA 4:31

Tei Gehasi leimulo woli mongolio mota lopodutu mao̒ tunggudu lei Elisa towawaao̒ lowalao̒ boito, bo diaaluo tingohe meaalo tuoto uwewo deu̒ walao̒ boito tumumulai. Lapatao̒ malonao̒ tei Gehasi mota lodunggaya wolei Elisa wau loloi̒ya mao̒, “Walao̒ boito diila lobongu.”

OLUO TAWARI 20:7

Eeyaalo Allahu Taa̒ala lo mongowatotia. Tou̒ umati lo Eeya, bangusa lo Isirai̒lu, lonao̒ mai ode lipu botie, Eeya helo polahi totau-tauwalo tatou̒ boito hibiluloa̒wa tewe. Lapatao̒ Eeya longohi mai lipu botie ode wali molalei Abraham, sahabati lo Eeya, u lowali haku limongolio ohiheo-hiheolo mao̒.

PILOTIMUA̒TA 33:11

Eeya lotahuda mai odelei Musa wolo tataalua baya, debo odelo bibiisalawa wolo tamaniilio. Lapatao̒ uito tei Musi luli lohualinga mota ode kema. Bo tei Yosua walae̒e Nun, ngotaalio bohulotau tamomantua olei Musa, debo bilu-biluloa̒ todelomo kema boito.

YESAYA 41:8

Bo yio̒, Isirai̒lu, wato-U̒, umati tatilulaotu-U̒, yio̒ wali mai lei Abraham, sahabati-U̒.

DANIALI 12:2

Dadaata to wolota limongolio taa maa yilate maa muli mobongu mai; ngotayade mamoo̒lasa tutumulo u kakaali, wau ngotayade poli maa moo̒rasa ohiihina wau oliliheela hapato u kakaali olo.

MATIUSI 27:52

Kukuu-buluwaalo lohuo̒, wau dadaata umati lo Allahu Taa̒ala tamalo poowate luli bilongu-Lio mai.

MATIUSI 9:24

yi ti Isa lotahuda mao̒ olimongolio, “Lualao̒ timongoli ngoa̒amila! Walao̒ botie diila yilate; tio bo tuutuluhu.” Ti Isa bo heilii̒ya limongolio ngoa̒amila.

MARKUSI 5:39

Lapatao̒ ti Isa tilumuwotao̒ wau lotahuda ode limongolio, “Yilongola hibuluhuta wau hehiyonga? Walao̒ boito diila yilate; tio bo tuutuluhu!”

YAHYA 11:10

Bo taa monao̒ tou̒ hui meiteduo̒, sababu diaaluo baango to olio.”

YAHYA 11:12

Tahidudua̒ li Isa loloi̒ya mao̒, “Eeya, wonu tei Lajarus tuutuluhu, de tio mamoluli mai.”

YAHYA 11:13

Makusudu li Isa deu̒ tei Lajarus mailate. Bo timongolio hemo lantobu deu̒ makusudu li Isa yito tei Lajarus bo tuutuluhu biasa.

YAHYA 11:3

Mongo wutatio duulota lopohabari mao̒ odeli Isa, “Eeya, wutato mongowatotia tapilonua lo Eeya boito mongongoto.”

YAHYA 3:29

Bulentiti taabua yito hakuulio libulentiti talolai̒. Sahabati libulentiti talolai̒ boito wambao̒ tihutihula totili wau modungohe, wau tio sanangi wonu modungohe suala libulentiti talolai̒. Odito olo wolaatia. Masaatia watia sanangi daa̒.

WUNGGULI LOMONGO RASULU 7:60

Tulusi tio loti bonggohuu̒lo mola wau lomotaalo tingalahu, “Eeya, diila mao̒ pobantawa mai dusa botie olimongolio!” Tou̒ yilapato loloi̒ya mao̒ odito tio yilate.

1 KORINTUS 15:18

Uito boliilio olo deu̒ tau-tauwalo Nasara tamailate, olo diila ohalaapani.

1 KORINTUS 15:34

Pongalatilo botia, wau diilalo pohutu dusa. Patutilio timongoli musi moolito, deu̒ towolota limongoli woluo tadiipo motota lo Allahu Taa̒ala.

1 KORINTUS 15:51

Poo̒tuota mao̒ hitua-hituawua u milakusudu botie: Diila ngoa̒amilalo ito mate, bo ito ngoa̒amilalo mamobolio̒.

EPESUS 5:14

Sababu ngoa̒amila u mowali oontonga wolo mopatato, deu̒ito-yito mobaango. Uitolo sababuulio loi̒loi̒ya “Pobongulo, wuu yio̒ tatuutuluhu, wau pobongulo monto opopate! Ti Almasi mamotinelai toitaatumu.”

TINGULI 31:16

Tahuda mai lo Eeya odelei Musa, “Opopatemu diilalo mohiheo. Lapatio mao̒ yio̒ monao̒, bangusa lo Isirai̒lu diilalo tatapu wau molotolo hilao to ola-U̒ wau mamomaahe daantia u pilohutu-U̒ woli mongolio. Timongolio mamololaa mao̒ ola-U̒ mota molubo ila-ila u hetuboolo tolipu udiilalo mohiheo potuwota limongolio.

1 TESALONIKA 5:10

Tio yilate ode olanto alihu tou̒ Tio demei dungga mai – diila otaawa ito donggo hitumula, diila otaawa ito mailate – ito mowali tumumulo pee̒-pee̒enta wo-Lio.

YAKOBUS 2:23

Uito lotuuu̒de wolo ayati lo Kitabi botie, “Tei Abraham palacaya to Allahu Taa̒ala, wau sababu iimanilio boito Allahu Taa̒ala lololimo olio odelo taa lohutu kahandaki lo Allahu Taa̒ala.” Uito sababuulio tei Abraham ilunte, “Sahabati lo Allahu Taa̒ala.”