YAHYA 10:9 - KITABI HABARI MOPIOHE

⁹ Wau̒lo huhebu. Tatoonu tatumuwoto moli ola-U̒ mamoa̒ahu; tio tumuwoto lumualo wau moo̒tapu ua̒alo.

YAHYA 10:9 ပူးပေါင်းရင်းမြစ်များ

JABURU 95:7

Sababu Eeyaalo Allahu Taa̒alanto, ito umati tatilaala mai lo Eeya, debo odelo himba hilimbala lo Eeya. To dulahee botie dungohilo suala lo Eeya:

YESAYA 40:11

Debo odelo ngotaalio lo diiti Eeya molaalai himbalaa-Lio; Eeya lohihilao longambu olimongolio. Mongo walao̒ himba piludu-I̒o, wolo mopiohu hilao lodelo mongo tiilolio.

YEHESKIEL 36:38

Kokoo-tawaalo u masaatia loa̒antulu, de mamopulu mai wolo tuangio debo odelo Yerusalemu tou̒ duduu-laheyaalo buka tou̒ yilaalu mola, polupolu wolo hihii-mbaawaalo u podewolo. Yi otaawalo mao̒ limongolio deu̒ Wau̒ulo Eeya.”

JAKARIA 10:12

Wau̒ mamo poo̒lotolao̒ umati-U̒, timongolio mamo dungohe wau motaa̒luku boli mohulumati ola-U̒. Wau̒, Eeya, malo tahuda.”

YAHYA 10:1

“Otutu banari tahudaa-U̒ botie: Taa tumuwoto ode delomo lantunga lohimba moli bala, wau diila moli huhebu, bo momia̒ata moli dalalo wewo, tau boito mototao̒wa wau tamoo-lambata.

YAHYA 10:3

Tamoodahawa lantunga momuo̒ mao̒ huhebu to olio, wau hihii-mbawaalo mamo dudua̒ sualaalio tou̒ tio motiango timii̒du tanggulo hihii-mbawaalo boito wau modelo hihii-mbawaalo ode bulemengio.

YAHYA 10:7

Yi ti Isa pee̒entapo lotahuda mao̒, “Otutu banali tahudaa-U̒ botie: Wau̒lo huhebu duo̒lo himba.

YAHYA 14:6

Tametao̒ li Isa, “Wau̒lo dalalo u pongo taawalo Allahu Taa̒ala wau poo̒tapulalo tutumulo. Diaaluo penu boli ngotaa mao̒ tamowali monao̒ ode Allahu Taa̒ala, wonu diila moli ola-U̒.

EPESUS 2:18

Wolo lotimbulude li Almasi, ito ngoa̒amila – mopio taulo Yahudi meaalo tadiila Yahudi – wolo Rohullah u tuwau mowali modudulo odeli Paapa.