YAHYA 10:8 - KITABI HABARI MOPIOHE

⁸ Ngoa̒amila tamonao̒ mai tou̒ dipolulio Wau̒ deu̒ito-yito tamootao̒wa wau tamoo-lambata, bo hihii-mbawaalo diila modungohe suala limongolio.

YAHYA 10:8 ပူးပေါင်းရင်းမြစ်များ

YEREMIA 23:1

Eeya Allahu Taa̒ala lo Isirai̒lu lotahuda mai, “Matopotala timongoli wuu mongo tau̒wa talopo binasa wau lopo bubuua̒lawa umati-U̒! Timongoli patutilio molaalao̒ umati-U̒, bo diila pilohutu limongoli; piloluli limongoli lobubuua̒la wau tilumeteo̒. Botia Wau̒ mamo hukuumani mai olimongoli sababu loleetomu.

YEHESKIEL 34:2

“Wuu manusia panaa, dinia wolo moo̒ohuu̒ mongo olongia lo Isirai̒lu, wau potunggula mota wolo u Wau̒, Eeya Taa Laba-labaalo molanggato lotahuda mai ode limongolio, ‘Matopotala timongoli, wuu mongo diiti lo Isirai̒lu. Timongoli bo hemo mikiilangi polohuna daa̒ lo batangamu lohihilao, diila polohuna daa̒ lo hihii-mbaamu.

JEPANYA 3:3

Taduduulaa̒ lokota boito debo odelo singa u hemo heuwanga. Mongo hakimulio debo odelo sasaa-rigalaalo upola-polaango; timongolio mangowa daa̒ tilinggula penu boli tulalo ngoputu mao̒ diaaluo u leitolaa duo̒lo loombulio mola.

JAKARIA 11:16

Sababu Wau̒ mamongohi tuugasi ngotaalio lodiiti u modaha himbala lohimbaa-U̒, bo tio diila momandungi himba u yilooli; tio diila mololohe himba u yilapalo, diila olo mohunema himba u pilalia, wau diila mongohi ua̒alo ode himba u donggo tumutumulo. Tumbao̒ tio lohihilao lolamela tapu lohimba u molingohe daa̒ wau lomahutao̒ luluu-obeyaalo binatangi boito.

YAHYA 10:1

“Otutu banari tahudaa-U̒ botie: Taa tumuwoto ode delomo lantunga lohimba moli bala, wau diila moli huhebu, bo momia̒ata moli dalalo wewo, tau boito mototao̒wa wau tamoo-lambata.

YAHYA 10:27

Hihii-mbaa-U̒ modungohe sualaa-U̒. Otaawa-U̒ timongolio, wau timongolio modudua̒ ola-U̒.

YAHYA 10:5

Hihii-mbawaalo diila tamohuto modudua̒ taawewo, tumbao̒ matumateo̒ monto tau boito, sababu diila moo̒onuhe sualaalio.”

WUNGGULI LOMONGO RASULU 5:36

Sababu omoo̒omolu pee̒enta yilumenetai tei Teudas, tahe monganggapu batanga taa udaa̒, tilinggula tanu wopato hetuto lota helodudua̒ olio. Bo tio pilatelio yila yilateelo mao̒ wau ngoa̒amila tahidudua̒ olio lo bubuua̒lawa, wau oliyoi̒o olo yilooli sama-samaata.