YAHYA 10:32 - KITABI HABARI MOPIOHE

³² Boti Isa lotahuda mao̒ olimongolio, “Timongoli maloo̒onto ola-U̒ helohutu dadaata kalaja umopiohu, uiludu mai li Paapa ola-U̒. Monto ngoa̒amila kalaja boito, toonu umoo̒ sababu olimongoli ohilaa momai̒ ola-U̒?”

YAHYA 10:32 ပူးပေါင်းရင်းမြစ်များ

JABURU 35:12

Opopiohu lo watotia tilulia limongolio wolo u moleeto; watotia loa̒humo todelomo yilooli harapani.

TAMOO-HUTUBAWA 4:4

Otaawau̒ olo deu̒ manusia mokalaja odito tio̒opatea, bo kalana mohiihia moo̒onto tilapulo tiheedio. Ngoa̒amila boito diila ohuna wamabai̒o debo odelo tolopani mohilapita dupoto.

YEREMIA 37:18

Lapatao̒ uito watia lohintu mao̒, “Wolo ololeeto lowatia toli Baginda meaalo to tahidihuma pantungo li Baginda meaalo ulipu, tilinggula ti Baginda lei̒ potuwoto olaatia ode delomo tutupa?

MATIUSI 11:5

Taa pitoo̒ maloo̒onto, taa didu mowali monao̒ malowali lonao̒, tao̒ngongoto lo alipo u moo̒tihela hapato maloluli; taa bungolo maloo̒ dungohu, taa yilate maa tilumumulai, wau Habari Mopiohe monto Allahu Taa̒ala pilo habariilio ode tau-tauwalo tahi mosikinia.

YAHYA 10:25

Ti Isa lolametao̒, “Mapilo tahuda-U̒ mai olimongoli, bo timongoli diila palacaya. Ngoa̒amila kalaja u pilohutu-U̒ to tangguli Paapa-U̒, mongohi mai bukuti pasalii-U̒.

YAHYA 10:31

Lapatao̒ tau-tauwalo Yahudi luli lohama botu u pomai̒lio li Isa.

YAHYA 10:33

Tau-tauwalo Yahudi boito lolametao̒, “Diila bo kalana ngoa̒amila kalaja-Mu u mopiohu boito ami ohilaa momai̒ wolo botu ole-Mu, bo sababu Yio̒ hemo muayo Allahu Taa̒ala. Yio̒ ngotaalio lomanusia, wau ohilaa mopowali batanga-Mu Allahu Taa̒ala.”

YAHYA 10:37

Wonu Wau̒ diila mohutu kalaja u pilomalentai lo Allahu Taa̒ala, diila mao̒ pomalacaya ola-U̒.

YAHYA 5:36

Bo u silakusiya-U̒ lebe udaa̒ mao̒ lou̒ silakusia lei Yahya. Wolo u masaatia pilohutu-U̒ botie, deu̒ito-yito kalaja u pilotuugasi mai li Paapa ola-U̒, u mopobukuti deu̒ ti Paapa malolao mai ola-U̒.

WUNGGULI LOMONGO RASULU 10:38

Otaawa limongoli deu̒ Allahu Taa̒ala malo lulaotao̒ li Isa taulo Najaret boito wau longohi o-Lio Rohullah wau kawasa. Otaawa limongoli olo deu̒ ti Isa boito malonao̒ ode tilolahepalo mao̒ helohutu u mopiohe; Tio lopoo̒luli ngoa̒amila tau tahe kiluwaasa lo Ibilisi, sababu Allahu Taa̒ala pee̒-pee̒enta wo-Lio.

WUNGGULI LOMONGO RASULU 2:22

Mongo wutato tau-tauwalo Isirai̒lu! Dungohilo wolo uiloi̒ya mai lowatia botie: ti Isa taulo Najaret boito mailohia tuugasi lo Allahu Taa̒ala ode wutato. Uito loi̒laalo daa̒ tou̒ tilolahepalo u moo̒linggolabu wau susuu-aliyaalo upolu-polutuo̒ upilohutu mai lo Allahu Taa̒ala tohuungi mongoli lotimbulude toli Isa boito. U ngoa̒amilalo boito mailotaawa lowutato lohihilao.

1 YAHYA 3:12

Diila mao̒ potihutu ito debo odelo tei Kain, tamalowali walao̒ Ibilisi wau lomate wutatio lohihilao yila-yilateelo mao̒. Wolo sababuulio tei Kain lomate wutatio yila-yilateelo mao̒? Sababu susuu-aliyaalo u pilohutulio yito tilala, bo susuu-aliyaalo u pilohutu lowutatio boito otutu.