YAHYA 10:31 - KITABI HABARI MOPIOHE

³¹ Lapatao̒ tau-tauwalo Yahudi luli lohama botu u pomai̒lio li Isa.

YAHYA 10:31 ပူးပေါင်းရင်းမြစ်များ

PILOTIMUA̒TA 17:4

Yi malo ngiibodulo mola tei Musa ode Eeya, ualio mao̒, “Wolo u musi pohutuo mao̒ lo watotia ode tau-tauwalo botie? Bilohilo timongolio ohilaa momai̒ lobotu olo watotia.”

MATIUSI 12:14

Bo tau-tauwalo Parisi lololaa mao̒ bele potabiaala boito, lapatao̒ loheeluma u momate li Isa mate-mateelo mao̒.

MATIUSI 21:35

Bo tahi pokalajawa ilengi boito malo heu̒pai tahi pomayalio lotaa ohuu̒wo lohuta boito; Tangotalio pilatelio, tawewo pilatelio yila-yilateelo mao̒, wau tawewo poli hepilai̒lio wolo botu.

MATIUSI 23:35

Sababu uito, timongoli mamoo̒tapu hukuumani sababu polomatea yila-yilateelo mao̒ u hepilohutu limongoli ode ngoa̒amila taadiila ototala tumulalo mai polomatea yila-yilateelo mao̒ olei Habel tadiila ototala tunggula polomatea yila-yilateelo mao̒ olei Jakaria walae̒e Berekhya, tapilate limongoli yila-yilateelo mao̒ towolota Bele lo Eeya wau mesba.

YAHYA 1:19

Tahidihima kawasa lo Yahudi to Yerusalemu lopoa̒hu mongo iimamu wau tau-tauwalo Lewi lonao̒ odelei Yahya wau lohintu olio, “Yio̒ botie tatoonu?”

YAHYA 10:24

tou̒ tau-tauwalo Yahudi lonao̒ mai lotia̒mbu topalito li Isa. Timongolio malo loi̒ya, “Tunggula omolua Yio̒ ohilaa mopoluli olami diila otatapua lohilao? Poleleaalo mai wolo juujulu, wonu Yio̒ otu-otutuulo mao̒ Olongia Tamoo-poa̒ahua.”

YAHYA 10:32

Boti Isa lotahuda mao̒ olimongolio, “Timongoli maloo̒onto ola-U̒ helohutu dadaata kalaja umopiohu, uiludu mai li Paapa ola-U̒. Monto ngoa̒amila kalaja boito, toonu umoo̒ sababu olimongoli ohilaa momai̒ ola-U̒?”

YAHYA 11:8

Timongolio lolametao̒, “Paaa̒ Guru, botiboti mola tau-tauwalo Yahudi ohilaa momai̒ li Paaa̒ wolo botu wau botia ti Paaa̒ ohilaa poli mohualinga mola odito?”

YAHYA 5:18

Tahuda boito maloo̒ sababu to tahidihima kawasa lo Yahudi lebe mao̒ hipo tolopania u momate o-Lio mate-mateelo mao̒. Timongolio lohutu uito, diila bo sababu u Tio lolambanga wuu̒du lo agama tomimbihu dulahu Saabati, bo olo kalana Tio malo tahuda deu̒ Allahu Taa̒ala boito ti Paapa-Lio; boliilio mao̒ Tio mopo tutuuwauwa batanga-Lio wolo Allahu Taa̒ala.

YAHYA 8:59

Lapatao̒ tau-tauwalo Yahudi boito lohama botu u pomai̒lio o-Lio; boti Isa loluuo̒ batanga-Lio, tulusi lonao̒ lololaa mao̒ Bele lo Eeya.

WUNGGULI LOMONGO RASULU 7:52

Wolo woluo nabi tadiila ilalinaya linenemoya limongoli? Timongolio helomate mongo utolia lo Allahu Taa̒ala yila-yilateelo mao̒ u muloololio mai daa̒ malopo malalumu deu̒ Wato lo Allahu Taa̒ala tao̒tutu boito madungga-dungga mai. Wau botia timongoli lohiyanati wau lomate yila-yilateelo mao̒ Wato lo Allahu Taa̒ala boito.

BOHULO SEMUEL 30:6

Tahidudua̒ olei Dauda siluukali daa̒ sababu timongolio maa iloolia lowalao̒ wau dile limongolio. Sababu uito timongolio mamomai̒ olei Dauda wolo botu. Oditolio tei Dauda todelomo ileepita daa̒, bo hilaalio luli piloo̒ lotoolai lo Eeya Allahu Taa̒alaalio.