YAHYA 10:27 - KITABI HABARI MOPIOHE

²⁷ Hihii-mbaa-U̒ modungohe sualaa-U̒. Otaawa-U̒ timongolio, wau timongolio modudua̒ ola-U̒.

YAHYA 10:27 ပူးပေါင်းရင်းမြစ်များ

BOHULO MONGO OLONGIA 18:21

Lapatao̒ tei Elia lohimbide mota ode ulipu boito wau loloi̒ya mao̒, “Tunggula omolua timongoli motohilaa debo ohilao duluo? Wonu Eeya boito Allahu Taa̒ala, tubowalo Eeya! Wonu Baa̒l boito Allahu Taa̒ala, tubowalo Baal!” Ulipu tahi aambua teto malo tipoo̒oyo wambao̒.

YESAYA 66:22

Debo odelo hulungo bohu wau dunia bohu mamoo̒ taahangi sababu kawasaa-U̒, odito olo walimu mola wau tanggulumu matatapu turusi.

MATIUSI 16:24

Lapatao̒ ti Isa lotahuda ode tahidudua̒ o-Lio, “Taa u mohuto modudua̒ ola-U̒, musi momalonga polohuna daa̒ batangalio lohihilao wau momota salipulio, wau tulusi modudua̒ ola-U̒.

MATIUSI 17:5

Tou̒ tei Petrus donggo hemobisala, heengo u motilango daa̒ malo henggubei olimongolio wau lonto heengo boito dungo-dungohei suala lotahuda mai, “Tabotieelo Walau̒u-U̒ tapilonu-U̒. Tio moo̒sanangi hilaa-U̒. Podungoheo̒ o-Lio!”

MATIUSI 25:12

Bo tibulentiti lai̒ boito malo lametai, ‘Wau̒ diila moo̒taawa woli mongoli.’ ”

MATIUSI 7:23

Bo Wau̒ mamolametai, ‘Wau̒ diila moo̒taawa woli mongoli! Pohinggi mao̒ monteea, timongoli tahi pohutua u moleeto!’ ”

MARKUSI 10:21

Ti Isa lomiloheo̒ tau boito wolo ponu tulusi lotahuda mao̒, “Bolo tuwau sua̒li poli u palaluwomu. Ponao̒lo mota potalia mao̒ ngoa̒amila milikiimu; wohia mao̒ doili ode taa mosikini, wau yio̒ mamoo̒tapu halata tosologa. Lapatao̒ uito ponao̒lo mai wau dudui̒ Wau̒.”

MARKUSI 8:34

Lapatao̒ ti Isa lotiangai taa dadaata tawoluo teto pee̒-pee̒enta wolo tahidudua̒ o-Lio. Tulusi Tio lotahuda mao̒ ode limongolio, “Taa motohilaa modudua̒ ola-U̒, mamusi molipatao̒ u polohuna daa̒alio lohihilao, lapatao̒ momota salipulio, wau tulusi modudua̒ ola-U̒.

LUKASI 13:27

Boti Tuani boito mamoloi̒ya poli, ‘Diila otaawa lowatia timongoli lonto utoonu. Pohinggi mao̒ monteea, timongoli tahipo hutua u moleeto!’

LUKASI 9:23

Lapatao̒ ti Isa lotahuda mao̒ totaa ngoa̒amila tawoluo teto, “Tamotohilaa moduduo̒ ola-U̒, musi molipatao̒ polohuna daa̒ lo batangalio lohihilao, momota salipulio timii̒du dulahu, wau tulusi moduduo̒ ola-U̒.

YAHYA 10:14

Wau̒lo diti tamopiohu. Tutuuwauwa debo odelo ti Paapa moo̒onuhe ola-U̒ wau Wau̒ moo̒onuhe li Paapa, odito olo Wau̒ moo̒onuhe hihii-mbaa-U̒ wau hihii-mbaa-U̒ olo moo̒onuhe ola-U̒. Wau̒ mohudu nyawa-U̒ ode limongolio.

YAHYA 10:16

Donggo woluo hihii-mbawaalo uwewo hakuu-U̒ olo, bo diila waiwaito todelomo himbala lohimba botie. Timongolio olo musi deloo-U̒ wau timongolio mamo dungohe sualaa-U̒. Timongolio ngoa̒amilalo mamowali ngopo himbala wolo ngota ditilio.

YAHYA 10:8

Ngoa̒amila tamonao̒ mai tou̒ dipolulio Wau̒ deu̒ito-yito tamootao̒wa wau tamoo-lambata, bo hihii-mbawaalo diila modungohe suala limongolio.

YAHYA 12:26

Taa u motohilaa momaya ola-U̒ musi modudua̒ ola-U̒; alihu tamoomayawa ola-U̒ mowali pee̒-pee̒enta wola-U̒ tou̒toonu Wau̒ woluo. Taa u momaya ola-U̒ mahulumatio li Paapa-U̒.”

YAHYA 21:22

Ti Isa lolametao̒, “Wonu humayaalio Wau̒ mohuto u tio debo tumutumulo tunggula odunggaa-U̒ mai, uito diila uluusanimu. Bo yio̒ poduduo̒lo mai ola-U̒!”

YAHYA 5:25

Pomalacayalo: Mamei dungga wakutuulio – tumbao̒ malei dungga wakutuulio – taamate mamo dungohe suala lo Walao̒ Allahu Taa̒ala. Wau taa modungoheo̒ matumumulo.

YAHYA 8:12

Ti Isa luli lotahuda totaa dadaata, tahuda-Lio mao̒, “Wau̒lo tilango dunia. Taa u moduduo̒ ola-U̒ diila tamonao̒ tou̒ modio̒lomo, bo o tilango tutumulo.”

YAHYA 8:43

Wolo sababuulio timongoli diila mongalati wolo upilo tahuda-U̒? Sababu timongoli diila moo̒ tahangi modungohe pongaajali-U̒.

WUNGGULI LOMONGO RASULU 3:23

Taa diila mopoo̒tuoto wolo uiloi̒ya lonabi boito, tau boito mainggilolo monto umati lo Allahu Taa̒ala wau pobinasaalio.’

1 KORINTUS 8:3

Bo taa u otu-otutuulo mao̒ motolia̒ngo to Allahu Taa̒ala, tio otaawa lo Allahu Taa̒ala.

GALATIA 4:9

Bo botia timongoli motota lo Allahu Taa̒ala, meaalo lebe tuhata mao̒, Allahu Taa̒ala motota olimongoli. Naa, yilongola timongoli mohuto muli mohualinga ode roroo-huwaala lodunia botie, u molulupuhu wau mosikini? Yilongola timongoli mohuto muli pohutulio wato lo roroo-huwaalo boito?

2 TIMOTIUS 2:19

Bo daasali motoheeto u pilohutu mai lo Allahu Taa̒ala diila mowali etuwolo. Toitaatio tulatulade utie, “Eeya moo̒onuhu tau-tauwalo miliki-Lio”, wau “Taa u moloi̒ya deu̒ tio miliki lo Eeya, tau boito musi mohuheli mohutu huhutu utalatala”.

IBRANI 3:7

Sababu uito, debo odelo tahuda lo Rohullah, “Wonu todulahe botie timongoli modungohe suala lo Allahu Taa̒ala,

WAHI 14:4

Timongolio boito tau-tauwalo tadebo hiberesia debo odelo tadiipo motota lo mongobua sababu diila loa̒awota wolo mongobua. Timongolio lodudua̒ Walao̒ Himba boito ode utoonulalo mao̒ ponao̒walio. Towolota lo ngoilanggubu umati lomanusia, timongoliolo tamaa yilopato odelo dewo u bohulio ode Allahu Taa̒ala wau ode Walao̒ Himba.

WAHI 3:20

Bilohi! Wau̒ tihutihula totalu lohuhebu wau hemongokoo̒. Wonu woluo taa u modungohe sualaa-U̒, wau momuo̒ mao̒ huhebu, Wau̒ matumuwoto modunggaya wolio; Wau̒ mamo lamela pee̒-pee̒enta wolio wau tio molamela pee̒-pee̒enta wola-U̒.