YAHYA 10:25 - KITABI HABARI MOPIOHE

²⁵ Ti Isa lolametao̒, “Mapilo tahuda-U̒ mai olimongoli, bo timongoli diila palacaya. Ngoa̒amila kalaja u pilohutu-U̒ to tangguli Paapa-U̒, mongohi mai bukuti pasalii-U̒.

YAHYA 10:25 ပူးပေါင်းရင်းမြစ်များ

YAHYA 10:32

Boti Isa lotahuda mao̒ olimongolio, “Timongoli maloo̒onto ola-U̒ helohutu dadaata kalaja umopiohu, uiludu mai li Paapa ola-U̒. Monto ngoa̒amila kalaja boito, toonu umoo̒ sababu olimongoli ohilaa momai̒ ola-U̒?”

YAHYA 10:37

Wonu Wau̒ diila mohutu kalaja u pilomalentai lo Allahu Taa̒ala, diila mao̒ pomalacaya ola-U̒.

YAHYA 10:38

Bo sababu Wau̒ helohutu mao̒ uito, pomalacayalo tou̒ wolo u pilohutu-U̒ boito, eleponu timongoli diila mohuto palacaya ola-U̒. Lou̒ odito otaawa mao̒ limongoli wau mongalati deu̒ Allahu Taa̒ala debo tuwau wola-U̒, wau Wau̒ debo tuwau wolo Allahu Taa̒ala.”

YAHYA 11:47

Sababu uito tau-tauwalo Parisi wau mongo iimamu tau̒wa malohutu dudunggaya wolo Mahakama Agama. Timongolio loloi̒ya, “Wolo umusi pohutuwonto? Tau botie malohutu dadaata u moo̒linggolabu!

YAHYA 12:37

Eleponu madadaata u moo̒linggolabe hepilohutu li Isa totalu limongolio, timongolio debo diila palacaya o-Lio.

YAHYA 14:11

Pomalacayalo ola-U̒, deu̒ Wau̒ tuwau woli Paapa wau ti Paapa tuwau wola-U̒. Meaalo wonu diila, pomalacayalo sababu wolo u mapilo hutu-U̒ mai.

YAHYA 20:30

Debo donggo dadaata poli totoonulalo moo̒linggolabe wewo u hepilohutu li Isa totalu lo tahidudua̒ o-Lio, bo diila tiluladio todelomo buku botie.

YAHYA 3:2

Tou̒ huilio tuwau tio lonao̒ mai odeli Isa wau loloi̒ya mao̒, “Paaa̒ Guru, otaawa lamiaatia ti Paaa̒ tailao mai lo Allahu Taa̒ala. Sababu diaaluo penu boli ngotaa mao̒ tamowali mohutu u moo̒linggolabe debo odelo upilohutu li Paaa̒, Wonu Allahu Taa̒ala diila wolio.”

YAHYA 7:31

Dadaata towolota lotau-tauwalo boito mapilacaya o-Lio, wau hemoloi̒ya, “Wonu Olongia Tamoo-poa̒ahua boito meidungga mai, wolo Tio mowali mohutu lebe dadaata mao̒ u moo̒linggolabe wolo tau botie?”

YAHYA 8:12

Ti Isa luli lotahuda totaa dadaata, tahuda-Lio mao̒, “Wau̒lo tilango dunia. Taa u moduduo̒ ola-U̒ diila tamonao̒ tou̒ modio̒lomo, bo o tilango tutumulo.”

YAHYA 8:24

Uito sababuulio Wau̒ motahuda mai olemu, deu̒ timongoli maamate todelomo duduu-saamu. Wau memangi timongoli maamate todelomo duduu-saamu, wonu diila palacaya deu̒, ‘Wau̒lo Tio tai̒lunte WAU̒ WOLUO’.”

YAHYA 8:56

Ti Paapamu Abraham sanangi daa̒ deu̒ tio mamoo̒onto dulahu-U̒. Tio maloo̒onto wau tio sanangi!”

YAHYA 8:58

Ti Isa lolametao̒, “Otutu Wau̒ motahuda mai olemu: tou̒ tei Abraham diipo pilotutulio mai, Wau̒ mawoluo.”

WUNGGULI LOMONGO RASULU 10:38

Otaawa limongoli deu̒ Allahu Taa̒ala malo lulaotao̒ li Isa taulo Najaret boito wau longohi o-Lio Rohullah wau kawasa. Otaawa limongoli olo deu̒ ti Isa boito malonao̒ ode tilolahepalo mao̒ helohutu u mopiohe; Tio lopoo̒luli ngoa̒amila tau tahe kiluwaasa lo Ibilisi, sababu Allahu Taa̒ala pee̒-pee̒enta wo-Lio.

WUNGGULI LOMONGO RASULU 2:22

Mongo wutato tau-tauwalo Isirai̒lu! Dungohilo wolo uiloi̒ya mai lowatia botie: ti Isa taulo Najaret boito mailohia tuugasi lo Allahu Taa̒ala ode wutato. Uito loi̒laalo daa̒ tou̒ tilolahepalo u moo̒linggolabu wau susuu-aliyaalo upolu-polutuo̒ upilohutu mai lo Allahu Taa̒ala tohuungi mongoli lotimbulude toli Isa boito. U ngoa̒amilalo boito mailotaawa lowutato lohihilao.

IBRANI 2:3

Tidiyolo mao̒ wolo oa̒ahu ulebe polu-polutuo̒ monto tataa-huliyalo boito! Wonu ito diila mopoo̒tuota to oa̒ahu boito, ito tantu diila tamolopato monto hukuumani. Sababu Eeya lohihilaolo tabohu-bohulio lopo malalumu oa̒ahu boito, wau tau-tauwalo tamulomulo lodungoheo̒ malo pobukuti u otutuulio to olanto.