YAHYA 10:16 - KITABI HABARI MOPIOHE

¹⁶ Donggo woluo hihii-mbawaalo uwewo hakuu-U̒ olo, bo diila waiwaito todelomo himbala lohimba botie. Timongolio olo musi deloo-U̒ wau timongolio mamo dungohe sualaa-U̒. Timongolio ngoa̒amilalo mamowali ngopo himbala wolo ngota ditilio.

YAHYA 10:16 ပူးပေါင်းရင်းမြစ်များ

ILOOWALI 49:10

Tei Yehuda mamodihu tunggudu lo bele biluloa̒ saaha li olongia, waliilio mola mamomalenta ohiheo-hiheolo mao̒. Babaa-ngusawalo mamodelo mai doi uwajibu pomayali odeli olongia, wau mosujudu wolo taa̒luku totalulio.

JABURU 86:9

Ngoa̒amila bangusa tapilowali lo Eeya mamonao̒ mai, yaa Eeya, u molubo to Eeya wau momuji mola odudaa̒ lo Eeya.

TAMOO-HUTUBAWA 12:11

Loi̒ya lotaa aaripu boito debo odelo tunggudu molalito lo ngotaalio lodiiti moohimbalaawa, tunggudu u hepomakelio u moduo̒la himbalio. Himbunga lo pohumaya wau nasehati, debo odelo paku u leipantongo motoheto. Ngoa̒a̒mila boito wowohi mai lo Allahu Taa̒ala olo, diitinto tatuwa-tuwaulo.

YESAYA 11:10

Wakutuulio mamei dungga ngotaalio li olongia wali mai lei Dauda mowali bungo lopotuoto babaa-ngusawalo. Timongolio mamonao̒ mai ode olio, wau tambati biluloa̒alio mapoo-pupuujialio.

YESAYA 43:6

Pilalentaa-U̒ tilayo wau huliaalio, alihu timongolio hua̒a lopatolo. Huliilo mao̒ walau̒mu mongo lolai̒ mohualingai monto u molamingo, wau walau̒mu mongobua mohualingai monto huhuu-duwaalo dunia.

YESAYA 49:6

Eeya lotahuda mai ode laatia, “Tuugasi ulebe udaa̒ mao̒ hemohima olemu, wuu wato-U̒; yio̒ diila bo mamopo walinga labito wali mai lei Yako wau moponguli odudaa̒ susuu-kuwaalo Isirai̒lu, bo powaliyo-U̒ mai olo baango lo babaa-ngusawalo, alihu ngoilanggubu dunia poa̒ahuwolo.”

YESAYA 52:10

Eeya lopobilohei okokawasaa-Lio totalu lomato totoonulalo bangusa. Yi ngoilanggubu dunia mamosakusi osalaamati monto Allahu Taa̒alanto.

YESAYA 56:8

Odieelo mola tahuda mai lo Eeya Taa Laba-labaalo molanggato talo depita Isirai̒lu lohualingai lonto polayahu, “Wau̒ mamodelo tau-tauwalo wewo u moheehea̒ woli mongolio tamalo tia̒mbu.”

YEHESKIEL 34:12

debo odelo ngotaalio lodiiti mololohe wau mohimoa̒ hihii-mbaalio u lobubuu-ayaawa tulusi lolaalaao̒ olimongolio. Timongolio madeloo-U̒ mohualingo monto totoonulalo tambati iloololade limongolio to dulahee u modio̒lomo wau marapo boito.

YEHESKIEL 34:23

Wau̒ mamomuduo̒ ngotaalio li olongia tadebo odelo wato-U̒ tei Dauda, u mowali tuwa-tuwaulo diiti limongolio, wau tio mamolaalaao̒ olimongolio.

YEHESKIEL 34:6

Yi hihiimbaa-U̒ lowali lonao̒ ode utoonulalo mao̒ to huhuu-luduwaalo u molanggato wau to huhuu-ideyaalo. Timongolio lololadu ode ngoilanggubu dunia, diaaluo penu boli ngotaa mao̒ talo poo̒tuoto wau helo lolohe olimongolio.

YEHESKIEL 37:22

Timongolio mapowaliyo-U̒ bangusa tuwau tohuta boito, to hihui̒-hui̒dea lo Isirai̒lu. Timongolio mapalentaa li olongia ngota, wau diilalo mobua̒ mowali dulo bangusa meaambo yilaidia.

YEHESKIEL 37:24

Timongolio mapo tuwauwolo totibawa li olongia ngota debo odelo ti olongia Dauda tamaa momalenta u ohiheo-hiheolo mao̒. Wolo tatapu wau molotolo hilao timongolio mamodungohe bubuu-too̒o-U̒. Wau u ohiheo-hiheolo mao̒ timongolio wau waliilio mai limongolio mamoti tomele tohuta boito, huta u yiludu-U̒ mai odelei Yako wau piloti biluloa̒ linenemoya limongolio.

HOSEA 1:10

Bangusa lo Isirai̒lu mamowali mola dadaata wau daatalio debo odelo hungayo to deheto, tilinggula diilalo otonggade meaalo oyia̒apo. Botia Allahu Taa̒ala lotahuda ode limongolio, “Timongoli diila umati-U̒,” bo mamei dungga wakutuulio Tio mamotahuda mai ode limongolio, “Wau̒lo Allahu Taa̒ala tatumu-tumulo wau timongoli mongo walau̒u-U̒!”

JAKARIA 2:11

To maasa boito dadaata bangusa mamonao̒ mai ode Eeya u mowali umati-Lio. Eeya mamo tibiluloa̒ tohuungi mongoli, wau timongoli mamotota deu̒ Eeya malolao mai olaatia ode limongoli.

MATIUSI 17:5

Tou̒ tei Petrus donggo hemobisala, heengo u motilango daa̒ malo henggubei olimongolio wau lonto heengo boito dungo-dungohei suala lotahuda mai, “Tabotieelo Walau̒u-U̒ tapilonu-U̒. Tio moo̒sanangi hilaa-U̒. Podungoheo̒ o-Lio!”

LUKASI 15:8

“Meaalo humayaalo mao̒ taabua ngota odoi mopulo pita doi talaa̒, tulusi iloolia ngopita – tingga wolo umaa pohutuolio? Tio mamo podei̒to tohe wau mongaa̒to belelio wau mololohe penu boli deu̒toonu tunggula motapulio doi boito.

YAHYA 10:11

Wau̒lo diti tamopiohu. Diti tamopiohu mongohi nyawalio ode hihii-mbalio.

YAHYA 10:2

Bo taa tumuwoto moli huhebu, tio-tiolo diti lohimba.

YAHYA 10:27

Hihii-mbaa-U̒ modungohe sualaa-U̒. Otaawa-U̒ timongolio, wau timongolio modudua̒ ola-U̒.

YAHYA 10:3

Tamoodahawa lantunga momuo̒ mao̒ huhebu to olio, wau hihii-mbawaalo mamo dudua̒ sualaalio tou̒ tio motiango timii̒du tanggulo hihii-mbawaalo boito wau modelo hihii-mbawaalo ode bulemengio.

YAHYA 10:4

Lapatao̒ hihii-mbawaalo boito dilelolio ode bulemengio, diti boito monao̒ totalu, wau hihii-mbawaalo boito modudua̒ olio sababu hihii-mbawaalo moo̒onuhe sualaalio.

YAHYA 10:5

Hihii-mbawaalo diila tamohuto modudua̒ taawewo, tumbao̒ matumateo̒ monto tau boito, sababu diila moo̒onuhe sualaalio.”

YAHYA 11:52

Wau diila bo ode bangusa lo Yahudi wambao̒, bo olo u mongambu wau mopotuwau mao̒ mongo walao̒ Allahu Taa̒ala tamalo bubuua̒yawa.

YAHYA 17:20

Diila bo ode limongolio wambao̒ Watia modua̒ mola. Watia modua̒ mola olo ode tau-tauwalo tamaa palacaya olaa-Tia lo ososakusi limongolio botie.

YAHYA 6:37

Ngoa̒amila tailudu mai li Paapa ode ola-U̒ mamonao̒ mai ode ola-U̒. Wau̒ diila tamopo touli boli tatoonu tamonao̒ mai ode ola-U̒.

WUNGGULI LOMONGO RASULU 15:14

Tei Simon boheli lotombangai woloolo mola Allahu Taa̒ala tou̒ bohulio helo poo̒tuoto totau-tauwalo tadiila Yahudi, wolo makusudu molulaotao̒ towolota limongolio tau-tauwalo wewo tamaa mowali umati-Lio.

WUNGGULI LOMONGO RASULU 18:10

Sababu Wau̒ pee̒-pee̒enta wolemu. Diaaluo penu boli ngotaa mao̒ tamoo̒hutu mai u moleeto olemu, sababu ngohuntua taa tokota botie yito tautau-U̒.”

WUNGGULI LOMONGO RASULU 22:14

Lapatao̒ tio loloi̒ya olaatia, ‘Allahu Taa̒ala tinene moyaanto malo lulaotai olemu alihu yio̒ motota mao̒ kahandaki-Lio wau moo̒onto li Isa, Wato lo Allahu Taa̒ala tahemohutu kahandaki lo Allahu Taa̒ala wau modungoheo̒ suala li Isa lohihilao.

ROMA 11:25

Mongo wutato! Halapuo lowatia timongoli diila mao̒ molaasa mailotota totoonulalo hitua-tuawua. Sababu woluo sua̒li hitua-tuawua u kilahandaki lo Allahu Taa̒ala, bou̒ diipo ilotaawa lotau. Wau otohilaa lowatia otaawa mao̒ limongoli; deu̒ito-yito odie: Ngotayadu monto taulo Yahudi baaa̒ngiyolo, bo pii̒li limongolio boito mapohu-pohutu bo tunggula jumulaa lotau-tauwalo tadiila Yahudi tamonao̒ mai ode Allahu Taa̒ala malei wimumuto.

2 TESALONIKA 2:13

Mongo wutato tapilonu lo Eeya! Amiaatia laito musi molapali mola oduo̒lo ode Allahu Taa̒ala tomimbihu olimongoli, sababu tou̒ bohuliolo mai Allahu Taa̒ala malo lulaota olimongoli u piloa̒ahu. Sua̒li boito lotoduo mai tou̒ wolo u kilalaja lo Rohullah olimongoli u lopowali olimongoli umati lo Allahu Taa̒ala tamantali wau masababu timongoli palacaya tohabari u otutu lonto Allahu Taa̒ala.

IBRANI 13:20

Allahu Taa̒ala malo potumulai li Isa Eeyanto lonto opopate. Sababu opopate-Lio boito Tio masaatia lowali Diti Daa̒ de olanto, deu̒ito-yito hihii-mbaa-Lio. Opopate-Lio boito olo loposaaha mai daantia ohiheo-hiheolo mao̒ u pilohutu lo Allahu Taa̒ala wolanto.

1 PETRUS 2:10

Omoo̒omolu timongoli diila umati lo Allahu Taa̒ala, bo botia timongoli yito umati lo Allahu Taa̒ala. Omoo̒omolu timongoli diila pilonu lo Allahu Taa̒ala bo botia timongoli mololimo odehu hilaa-Lio.

1 PETRUS 2:25

Omoo̒omolu timongoli debo odelo himba uilapalo, bo botia timongoli maluli dilelo-Lio u lodudua̒ Diti wau Tamoo-laalawa nyawa limongoli.

1 PETRUS 5:4

Wau tou̒ Diti Daa̒ boito de meidungga mai, timongoli mamo lolimo makuta ulaba-labaalo mobaango, udiila tamou̒le obaangio laba-labaalo.

WAHI 3:20

Bilohi! Wau̒ tihutihula totalu lohuhebu wau hemongokoo̒. Wonu woluo taa u modungohe sualaa-U̒, wau momuo̒ mao̒ huhebu, Wau̒ matumuwoto modunggaya wolio; Wau̒ mamo lamela pee̒-pee̒enta wolio wau tio molamela pee̒-pee̒enta wola-U̒.