YAHYA 10:14 - KITABI HABARI MOPIOHE

^14-15 Wau̒lo diti tamopiohu. Tutuuwauwa debo odelo ti Paapa moo̒onuhe ola-U̒ wau Wau̒ moo̒onuhe li Paapa, odito olo Wau̒ moo̒onuhe hihii-mbaa-U̒ wau hihii-mbaa-U̒ olo moo̒onuhe ola-U̒. Wau̒ mohudu nyawa-U̒ ode limongolio.

YAHYA 10:14 ပူးပေါင်းရင်းမြစ်များ

JABURU 1:6

Sababu taa modungohe deloolio wau duo̒la lo Eeya, bo taa moleeto dulu-dulunga ode obobinasa.

YESAYA 40:11

Debo odelo ngotaalio lo diiti Eeya molaalai himbalaa-Lio; Eeya lohihilao longambu olimongolio. Mongo walao̒ himba piludu-I̒o, wolo mopiohu hilao lodelo mongo tiilolio.

YESAYA 53:11

Sababu uito Eeya lotahuda, “Lapatio mao̒ modutolo sikisa, tio masanangi tutu wau olulia lohilao. Wato-U̒ boito, tamopo sanangi hilaa-U̒, malomanta mao̒ hukuumani lotaa dadaata; domi tio Wau̒ mamo ngambungu mai olimongolio.

NAHUM 1:7

Eeya boito mopiohe, Tio moduo̒la umati-Lio tou̒ timongolio suusa, Tio modaha taa u motiduo̒la to Olio.

YAHYA 10:11

Wau̒lo diti tamopiohu. Diti tamopiohu mongohi nyawalio ode hihii-mbalio.

YAHYA 10:13

Tahe wuupalio boito tumetao̒, sababu tio mokalaja duo̒lo wuupa. Tio diila momandungi hihii-mbawaalo boito.

YAHYA 10:27

Hihii-mbaa-U̒ modungohe sualaa-U̒. Otaawa-U̒ timongolio, wau timongolio modudua̒ ola-U̒.

YAHYA 17:3

Uti-utieelo tutumulo ututuulio tutu wau ohiheo-hiheolo mao̒; alihu tau motota li Paapa, tuwa-tuwaulo Allahu Taa̒ala tabanali, wau moo̒onuhe li Isa Almasi tailao mai li Paapa.

YAHYA 17:8

Mapilo tunggulao̒ lo Watia olimongolio tahuda u pilotahuda mai li Paapa olaa-Tia; wau timongolio malo lolimo mao̒. Otaawa limongolio deu̒ Watia otu-otutuulo mao̒ dungga-dungga mai lonto li Paapa wau timongolio palacaya deu̒ ti Paapaalo tamalolao mai olaa-Tia.

2 KORINTUS 4:6

Allahu Taa̒ala talo tahuda, “Mamusi monto delomo dio̒lomo mobutu mai tilango,” Allahu Taa̒ala boitolo olo tamo pobutu mai tilango boito todelomo hilaanto, alihu pikiilanginto, mowali mobaangai u momaahamu otinelo mobaango tutu lo Allahu Taa̒ala u tinetinelo tobaya li Almasi.

EPESUS 1:17

Watia lomolohone mola alihu Allahu Taa̒ala Eeyanto Isa Almasi, ti Paapa tamolaio̒, mongohi Rohu-Lio olimongoli. Rohu boito mamopowali olimongoli molinepo, wau mamopo ilaalo mai Allahu Taa̒ala olimongoli tilinggula timongoli mototaa-Lio.

EPESUS 3:19

Pohileaala dua̒ timongoli motota ponu li Almasi boito, tilinggula timongoli mopolu lopii̒li lo Allahu Taa̒ala u ngoa̒amilalo wimu-wimumuto.

PILIPI 3:8

Diila bo wambao̒ susuu-aliyaalo boito; bo tumbao̒ totoonulalo u hitua-tuawua he ilanggapu lowatia odelo susuu-aliyaalo u bo moo̒luhi wambai̒o. U mililiki lowatia masaatia botie yito lebe ohalaga: deu̒ito-yito motota li Isa Almasi, Eeyaau̒. Sababu ti Almasi, yi mailopato lowatia totoonulalo u hitua-tuawua. Ilanggapu lowatia ngoa̒amilalo boito odelo puputo wambao̒, alihu watia mowali moo̒tapu li Almasi,

2 TIMOTIUS 1:12

Uitolo sababuulio wau̒ helo dutolo ngoa̒amilalo botie, bo wau̒ debo yakini, sababu otaawau̒ tutu tatoonu taa pilalacayau̒. Wau̒ yakini deu̒ wolo u mapilo malacaya-Lio mai olau̒, Tio olo mambo modaha mai dilumutu to Dulahe Kiama.

2 TIMOTIUS 2:19

Bo daasali motoheeto u pilohutu mai lo Allahu Taa̒ala diila mowali etuwolo. Toitaatio tulatulade utie, “Eeya moo̒onuhu tau-tauwalo miliki-Lio”, wau “Taa u moloi̒ya deu̒ tio miliki lo Eeya, tau boito musi mohuheli mohutu huhutu utalatala”.

1 YAHYA 5:20

Otaawanto deu̒ Walao̒ Allahu Taa̒ala malei dungga mai wau malongohi pongotota to olanto, alihu ito motota lo Allahu Taa̒ala tao̒tutu. Ito tumutumulo motituwau wolo Allahu Taa̒ala tao̒tutu, wau tumutumulo motituwau wolo Wala-I̒o Isa Almasi. Utieelo Allahu Taa̒ala tao̒tutu, wau utieelo tutumulo u tutuulio tutu wau ohiheo-hiheolo mao̒.

WAHI 2:13

Otaawa-U̒ tou̒toonu pilo tibiluloa̒ limongoli, deu̒ito-yito totambati huhuloa̒ lo Ibilisi. Timongoli tatapu wau molotolo hilao to ola-U̒. Tumbao̒ tou̒ tei Antipas, sakusii-U̒ taatatapu wau molotolo hilao boito, pilatelio yila-yilateelo mao̒ totalumu tomalakasi lo Ibilisi, timongoli diila lomaahe deu̒ timongoli palacaya to ola-U̒.

WAHI 2:19

Otaawa-U̒ ngoa̒amila u pilohutu limongoli – Otaawa-U̒ timongoli motolia̒ngo timongotamu, timongoli tatapu wau molotolo hilao, timongoli hemo kalaja, wau timongoli sabali modutolo. Otaawa-U̒ timongoli botia lebe dadaata mao̒ helo kalaja lou̒ muloololio mai.

WAHI 2:2

Otaawa-U̒ wolo u hepohutuo limongoli: Timongoli hipo kalajawa tio̒otutua wau timongoli sabali daa̒. Otaawa-U̒ deu̒ timongoli diila mongohi hilao totaa moleeto. Wau tau-tauwalo tahi pongakua batangalio rasulu lebe-lebe pomao̒ diila, matilesi limongoli, wau lotapu limongoli deu̒ timongolio mohimbuloa.

WAHI 2:9

Otaawa-U̒ totoonulalo polodutolo limongoli; otaawa-U̒ timongoli mosikini – bo otutuulio mao̒ timongoli kaya! Otaawa-U̒ pipii-tanawalo u pilomukai̒o olimongoli lotau-tauwalo tahi pongakua batangalio Yahudi, lebe-lebe pomao̒ diila; timongolio yito umati lo Ibilisi!

WAHI 3:1

“To malai̒kati lojamaa̒ to Sardis, tulade mola odie: Utieelo tahuli monto o-Lio taa ohuu̒wo lo opitu rohu monto Allahu Taa̒ala wau opitu poliyama boito. Otaawa-U̒ wolo upilohutu limongoli. Ualio mao̒ timongoli tumutumulo, lebe-lebe pomao̒ timongoli yilate!

WAHI 3:15

Otaawa-U̒ wolo u pilohutu limongoli: Otaawa-U̒ timongoli diila mohuhulo wau diila olo mopatu. Patutilio timongoli tala tuwaulio!

WAHI 3:8

Otaawa-U̒ wolo u pilohutu limongoli. Otaawa-U̒ deu̒ diila ngoolo mao̒ lotoli mongoli; timongoli malo dudua̒ pongaajali-U̒ wau tatapu wau molotolo hilao to ola-U̒. Toli mongoli mahiluo̒-U̒ huhebu tuwau, wau penu boli tatoonu diila mowali moheu̒tao̒.