YAHYA 10:11 - KITABI HABARI MOPIOHE

¹¹ Wau̒lo diti tamopiohu. Diti tamopiohu mongohi nyawalio ode hihii-mbalio.

YAHYA 10:11 ပူးပေါင်းရင်းမြစ်များ

OLUO LO SAMUEL 24:17

Tei Dauda loo̒onto malai̒kati tadonggo hemomate mateelo mao̒ ulipu boito, tulusi tio loloi̒ya ode Eeya, “Watoiaalo tai̒lodusa sababu watotia tahe lohutu totala boito. Bo ambunguolo tingga wolo totala lobangusa tamarapo boito? Ambunguolo hukuu-maniyalo mai watotia wau ngaalaa̒ lowatotia!”

JABURU 23:1

Jaburu lei Dauda. Eeya debo odelo ngotaalio lodiiti to olau̒, wau̒ diila ilodiaaa̒.

JABURU 80:1

Duo̒lo diriheni lopolemboa̒ tamoolahua. Lodudua̒a lahu: Bunga baakungi. Jaburu lei Asap.

YESAYA 40:11

Debo odelo ngotaalio lo diiti Eeya molaalai himbalaa-Lio; Eeya lohihilao longambu olimongolio. Mongo walao̒ himba piludu-I̒o, wolo mopiohu hilao lodelo mongo tiilolio.

YESAYA 53:6

Ito ngoa̒amila yilapalo debo odelo himba, tinggai hipololohe dalalio lohihilao. Eeya malo pomanta to olio ololeetonto ngoa̒amila.

YEHESKIEL 34:2

“Wuu manusia panaa, dinia wolo moo̒ohuu̒ mongo olongia lo Isirai̒lu, wau potunggula mota wolo u Wau̒, Eeya Taa Laba-labaalo molanggato lotahuda mai ode limongolio, ‘Matopotala timongoli, wuu mongo diiti lo Isirai̒lu. Timongoli bo hemo mikiilangi polohuna daa̒ lo batangamu lohihilao, diila polohuna daa̒ lo hihii-mbaamu.

YEHESKIEL 34:23

Wau̒ mamomuduo̒ ngotaalio li olongia tadebo odelo wato-U̒ tei Dauda, u mowali tuwa-tuwaulo diiti limongolio, wau tio mamolaalaao̒ olimongolio.

YEHESKIEL 37:24

Timongolio mapo tuwauwolo totibawa li olongia ngota debo odelo ti olongia Dauda tamaa momalenta u ohiheo-hiheolo mao̒. Wolo tatapu wau molotolo hilao timongolio mamodungohe bubuu-too̒o-U̒. Wau u ohiheo-hiheolo mao̒ timongolio wau waliilio mai limongolio mamoti tomele tohuta boito, huta u yiludu-U̒ mai odelei Yako wau piloti biluloa̒ linenemoya limongolio.

MIKHA 5:4

wau Tio mamo pohabari ududame. Wonu bolo suludadu lo Asyur moluhu mai lipunto wau mongantulu bintenginto, ito mamongambu mai mongo tau̒wanto tahi lotola daa̒ u moluhu olimongolio. Mongo tau̒wanto boito mamopo olaaheo̒ Asyur wolo olootolo tingolo, wau mopoa̒ahu olanto monto uluu̒ limongolio.

JAKARIA 13:7

Eeya Taa Laba-labaalo kawasa lotahuda, “Pobongulo mola, wuu wamilo, wau tuhuwalo diiti tahe mokalaja duo̒lo-U̒! Pateaalo tio mate-mateelo mao̒, yi hihii-mbaawaalo mamo bubuua̒yawa. Wau̒ mamoluhu umati-U̒,

MATIUSI 20:28

Tutuuwauwa debo odelo Walao̒ Manusia boito olo; Tio dungga-dungga mai diila mei̒baaya, bo mai momaya, wau mohudu nyawa-Lio u mopo lopato totaa dadaata.”

YAHYA 10:2

Bo taa tumuwoto moli huhebu, tio-tiolo diti lohimba.

YAHYA 15:13

Taa motolia̒nga daa̒ mongo sahabatilio tio-tiolo tamongohi mao̒ tutumulio ode limongolio.

EPESUS 5:2

Tutumuli mongoli mamusi napasiyalo wolo tolia̒ngo, debo odelo ti Almasi olo lomonu olanto. Tio lopo bake batanga-Lio olanto, odelo tuwaulio lodewo umoonu wau moo̒sanangi hilaa lo Allahu Taa̒ala.

TITUSI 2:14

Tio malo pobake batanga-Lio olanto u lolopato olanto lonto totoonulalo u hileeta, wau lopowali olanto umati tuwau talo lopato lonto dusa wau talowali miliki-Lio wambao̒, wau tamoo̒lohu mohutu u mopiohe.

IBRANI 13:20

Allahu Taa̒ala malo potumulai li Isa Eeyanto lonto opopate. Sababu opopate-Lio boito Tio masaatia lowali Diti Daa̒ de olanto, deu̒ito-yito hihii-mbaa-Lio. Opopate-Lio boito olo loposaaha mai daantia ohiheo-hiheolo mao̒ u pilohutu lo Allahu Taa̒ala wolanto.

1 PETRUS 5:4

Wau tou̒ Diti Daa̒ boito de meidungga mai, timongoli mamo lolimo makuta ulaba-labaalo mobaango, udiila tamou̒le obaangio laba-labaalo.

1 YAHYA 3:16

Wolo dalalo botieelo otaawanto dudelo lou̒ motolia̒ngo ngota timongota: Ti Almasi malohudu mai tutumu-Lio olanto. Sababu uito, ito olo musi mohudu tutumulonto ode mongo wutatonto!

WAHI 7:17

sababu Walao̒ Himba tahulo-huloa̒ tohuungo tambati huhuloa̒ li olongia boito mamowali diti limongolio. Tio mamodelo olimongolio ode butu lotaluhu u mongohi tutumulo. Wau Allahu Taa̒ala mamomaide ngoa̒amila ponu monto mato limongolio.”