YAHYA 10:10 - KITABI HABARI MOPIOHE

¹⁰ Tamootao̒wa monao̒ mai bo mai motao̒, mai momate mate-mateelo mao̒ wau mai mongantulu. Bo Wau̒ dungga-dungga mai alihu manusia moo̒tapu tutumulo – tutumulo laba-labaalo daata.

YAHYA 10:10 ပူးပေါင်းရင်းမြစ်များ

YESAYA 56:11

Timongolio debo odelo apula motula udiila pee̒enta mao̒ mobutuhu. Mongo tau̒wa boito diila moo̒ paahamu. Ngota-ngota hemohutu totoonulalo otohilaa limongolio lohihilao wau hemololohe untungilio lohihilao.

HOSEA 7:1

Eeya lotahuda mai, “Timii̒du Wau̒ ohilaa mopoo̒luli mai umati-U̒ Isirai̒lu wau moponguli mao̒ owowoluwoa limongolio, yi u iloontonga-U̒ bo ololeeto wambai̒o wau dusa limongolio. Timongolio tinggai hemo hihiimbuloa, timongolio tumuwotao̒ ode bele lotau u motao̒, wau timongolio hemo lambata to dadaa-lalaala.

MATIUSI 18:10

“Poo̒dahai! Diila mao̒ pohina tala ngota monto tau-tauwalo ukikiio botie. Sababu poo̒toloma mao̒, mamaa-lai̒katiyalo limongolio laito woluo totalu li Paapa-U̒ tosologa. [

MATIUSI 18:11

Sababu Walao̒ Manusia dungga-dungga mai mopoaahu tailapalo!]

MATIUSI 20:28

Tutuuwauwa debo odelo Walao̒ Manusia boito olo; Tio dungga-dungga mai diila mei̒baaya, bo mai momaya, wau mohudu nyawa-Lio u mopo lopato totaa dadaata.”

MATIUSI 21:13

Lapatao̒ Tio lotahuda mao̒ ode tau-tauwalo boito, “Todelomo Kitabi tulatulade deu̒ Allahu Taa̒ala lopilimani mai, ‘Bele-U̒ mau̒nteelo bele tambati podua̒alo.’ Bo he pilohutu limongoli lowali beelea lopohehu!”

MATIUSI 23:13

“Matopotala timongoli guguu-ruwaalo agama wau tau-tauwalo Parisi! Timongoli wambao̒ motihutu diila otu-otutuulo mao̒. Timongoli hemo ngabuto taa u mowali pongawaa̒ umati lo Allahu Taa̒ala. Timongoli lohihilao diila mohuto mowali pongawaa̒ umati lo Allahu Taa̒ala, wau taawewo tamohuto, hetanggua limongoli. [

MARKUSI 11:17

Lapatao̒ ti Isa helo ngaajali totau-tauwalo mota teto. Tio lotahuda mao̒, “Todelomo Kitabi tulatulade odie mola: Allahu Taa̒ala lopilimani mai, ‘Bele-U̒ mau̒nteelo bele tambati podua̒alo duo̒lo totoonulalo bangusa.’ Bo timongoli lopowali mao̒ beelea lopoheehu!”

LUKASI 19:10

Walao̒ Manusia leidungga mai u mololohe wau mopoaahu taa u yilapalo.”

YAHYA 10:1

“Otutu banari tahudaa-U̒ botie: Taa tumuwoto ode delomo lantunga lohimba moli bala, wau diila moli huhebu, bo momia̒ata moli dalalo wewo, tau boito mototao̒wa wau tamoo-lambata.

YAHYA 10:11

Wau̒lo diti tamopiohu. Diti tamopiohu mongohi nyawalio ode hihii-mbalio.

YAHYA 12:47

Taa modungohe pongaajali-U̒, bo diila modudua̒ao̒ – diila Wau̒ tamo hukuumani olio. Sababu Wau̒ dungga-dungga mai diila mai momutoo̒ dunia botie, bo mai mopoa̒ahu mao̒.

YAHYA 12:6

Tei Yudas loloi̒ya odito diila kalana tio mopoo̒tuoto taa mosikini bo sababu tio mootao̒wa. Tio helohama doi lokasi pee̒-pee̒enta wolo doi utilahu mao̒ to olio.

YAHYA 3:17

Sababu Allahu Taa̒ala lolao Wala-I̒o diila mai momutoo̒ dunia botie, bo mai mopoa̒ahu mao̒.

YAHYA 5:40

Bo timongoli diila motohilaa monao̒ mai ode ola-U̒ u moo̒tapu tutumulo ohiheo-hiheolo mao̒.

YAHYA 6:33

Sababu roti uwohi mai lo Allahu Taa̒ala yito Tio tamo tuhutai monto sologa wau mongohi tutumulo ode manusia todunia.”

YAHYA 6:51

Wau̒lo roti u lotuhutai lonto sologa – roti u mongohi tutumulo. Taa u molamela roti botie matumumulo ohiheo-hiheolo mao̒. Roti u mawohi-U̒ ode tutumulo manusia todunia ui-uitolo tapu-U̒.”

ROMA 2:21

Wutato hemo ngaajali taa wewo; naa yilongola Wutato diila helo ngaajali batanga lohihilao? Wutato hemo ngaajali tau alihu diila mao̒ potao̒, lebe-lebe pomao̒ Wutato lohihilao hemotao̒!

1 TIMOTIUS 1:15

Otutu banari loi̒ya botie – sababu uito paatuti tolimoolo wau palacayalo tio̒otutua –: “Ti Isa Almasi leidungga mai ode dunia botie u lopoa̒ahu taa odusa.” Wau watiaalo taa odusa wau tamoleeta daa̒.

IBRANI 6:17

Allahu Taa̒ala ohilaa mopo pintalai ode tau-tauwalo tahi pololimoa danti-Lio, deu̒ Tio diila tamo lomelo lanjana-Lio. Uitolo sababuulio Tio loduhengao̒ tadia todanti-Lio boito.

IBRANI 7:25

Masababu uito u ohiheo-hiheolo mao̒ ti Isa mowali mopoa̒ahu tahi ponao̒wa mai ode Allahu Taa̒ala motimbulude to o-Lio, sababu Tio tumutumulo ohiheo-hiheolo mao̒ u moo̒owoli mola polohone ode Allahu Taa̒ala duo̒lo tau-tauwala boito.

2 PETRUS 1:11

Lou̒ odito timongoli mawohia-Lio haku polupolu u tumuwoto ode bele biluloa̒ saaha li olongia u ohiheo-hiheolo mao̒ monto Eeya wau Olongia Tamopo-poa̒ahua olanto Isa Almasi.