YAHYA 10:1 - KITABI HABARI MOPIOHE

¹ “Otutu banari tahudaa-U̒ botie: Taa tumuwoto ode delomo lantunga lohimba moli bala, wau diila moli huhebu, bo momia̒ata moli dalalo wewo, tau boito mototao̒wa wau tamoo-lambata.

YAHYA 10:1 ပူးပေါင်းရင်းမြစ်များ

YEREMIA 14:15

Timonglio hipoloi̒yawa to tanggulu-U̒ deu̒ lipu botie diila tao̒dungga lo popaatea meaalo polobiti, lebe-lebe pomao̒ Wau̒ diila lopoa̒hu olimongolio loloi̒ya uito. Wau̒, Eeya, mopoo̒otai olemu, Yeremia, wolo u mapohutuo-U̒ wolo mongo nabi tadiila yilawo-U̒ mai boito. Wau̒ mamomate mateelo mao̒ olimongolio wolo popaatea wau polobiti.

YEREMIA 23:21

Eeya lotahuda mai, “Moo̒olohe daa̒ mongo nabi boito, lebe-lebe pomao̒ timongolio diila ilahulaa-U̒. To tanggulu-U̒ timongolio helo potunggula habari, lebe-lebe pomao̒ diaaluo tahuli u yilohi-U̒ ode limongolio.

YEREMIA 23:32

Wau̒, Eeya, mamoluwali mongo nabi boito mopotunggula totoo-hilopio u polupolu lo wimbulo. Timongolio mopolapalo umati-U̒ wolo wimbulo wau tabibo limongolio. Wau̒ diila lopoa̒hu mongo nabi boito. Timongolio sama-samaata diila ohuna ode umati-U̒. Wau̒, Eeya, malo tahuda mai.”

YOEL 2:9

Timongolio loluhu ode delomo kota, wau hiteteea̒ toitaato dingingo meeseliilio. Timongolio helomia̒ata mola ode delomo bebee-leyaalo; debo odelo tamootao̒wa, timongolio tilumuwoto loli tutuloa.

MATIUSI 7:15

“Poo̒daha-dahaalo mao̒ tomongo nabi paluti. Timongolio monao̒ mai ode limongoli motihutu debo odelo himba, bo tutuulio tutu timongolio debo odelo saligala mongantau.

YAHYA 10:7

Yi ti Isa pee̒entapo lotahuda mao̒, “Otutu banali tahudaa-U̒ botie: Wau̒lo huhebu duo̒lo himba.

YAHYA 3:3

Ti Isa lolametao̒, “Pomalacayalo, diaaluo penu boli ngotaa mao̒ tamowali pongawaa̒ umati lo Allahu Taa̒ala, wonu tio diila muli potutuolio mai.”

ROMA 10:15

Wau woloolo mola tau mowali modelo habari boito wonu timongolio diila yilaolio? Todelomo Kitabi tulatulade odie, “Donggo boli piohio podudungga mai lotau-tauwalo tamodelo Habari Mopiohe monto Allahu Taa̒ala!”

ROMA 16:18

Sababu tau-tauwalo tahi pohutua odito diila bo mokalaja odeli Isa Almasi Eeyanto, tumbao̒ bo uhemo potolu lohilao tou̒ wolo u otohilaa limongolio lohihilao. Wolo pipio wau tataa-heyaalo u mopiohe, timongolio hemo himbulo totau-tauwalo tadiila hitotaawa lolo-loolo.

TITUSI 1:11

Tau-tauwalo tadebo odelo uito musi pambolalo tunggilio, sababu timongolio mopo tolonggalo dadaata ngaalaa̒ wolo popoo-ngajaliyalo diila pongalo aakali. Timongolio mohutu uito bo sababu motohilaa mololohe pae̒eda udiila paatuti!

IBRANI 5:4

Diaaluo penu boli ngotaa mao̒ tamomudua̒ batangalio lohihilao mowali iimamu daa̒. Taa mowali iimamu daa̒, wonu Allahu Taa̒ala motianga olio woleeto boito – tutuuwauwa debo odelo tei Haruuna.

1 PETRUS 1:10

Oa̒ahu botieelo u tilulete wau ilimatoa lomongo nabi, wau timongolio helo laamali pasali lo balakati uilohi mai lo Allahu Taa̒ala ode limongoli.

2 PETRUS 2:1

Tou̒ yilalu mao̒ towolota umati lo Allahu Taa̒ala mailumeneto mongo nabi paluti. Odito olo to wolotamu malumenetai guguu-ruwaalo paluti. Timongolio mamopo tuwotai totoonulalo pongajali udiila otutu, umoo̒ binasa tau. Wau timongolio mamomaahu tao̒kawasa tamalo pobebasi olimongolio. Lou̒ odito timongolio mopodungga mai obobinasa tobatanga lohihilao, u mamodeehe olimongolio lou̒ molamemeto.

2 PETRUS 2:3

Sababu timongolio manjanunu, yi guguu-ruwaalo paluti boito mamosilita mao̒ totoonulalo silita olemu u kilalangilio lohihilao u moo̒tapu untungi monto olimongoli. Bo bubutoo̒ u mopodehu lohukumani to limongolio malohiheo pilopo dapato, wau obobinasa u matilantu-Lio mai olimongolio donggo hemohima olimongolio.

1 YAHYA 4:1

Mongo wutato tao̒tolia̒ngo! Diila mao̒ palacayai to ngoa̒amila tau tahi pongakua o Rohullah, bo tesiyopo timongolio u motota mao̒ wolo Rohu uwoluo toli mongolio boito asaliilio mai lonto Allahu Taa̒ala meaalo diila. Sababu dadaata nabi paluti mabolo to utoonulalo.