YAHYA 1:51 - KITABI HABARI MOPIOHE

⁵¹ Uali Isa poli, “Otutu, pomalacayalo, yio̒ mamoo̒onto mola hulungo mohuo̒, wau mamaa-lai̒katiyala lo Allahu Taa̒ala laahe bootula to Walao̒ Manusia.”

YAHYA 1:51 ပူးပေါင်းရင်းမြစ်များ

ILOOWALI 28:12

Lapatao̒ tio maloo̒ tohiilopo deu̒ tio loo̒onto tutua̒du tuwau utihu-tihula todunia wau huudio loo̒oma mola hulungo wau mamaa-lai̒katiyalo laahe bootula to tutua̒du boito.

YEHESKIEL 1:1

To dulahu olimolio hulala opatio to taunu otolo pulu, to delomo taunu olimolio tumulalo mai ti Olongia Yoyakhin bilintai̒o mota ode polayahu, watia, Iimamu Yeheskiel walae̒e Busi, woluo tobiihu Dutulaa Kebar to Babel wolo tau-tauwalo polayahu lo Yahudi wewolio. Debolo hulungo lohuo̒olo mola wau watia loo̒toduo mai bibilohu pasali lo Allahu Taa̒ala. Watia loo̒dungohe Eeya lotahuda mai odelaatia wau watia lolaasa lolotolo lomola wolo kawasaa-Lio.

JAKARIA 13:7

Eeya Taa Laba-labaalo kawasa lotahuda, “Pobongulo mola, wuu wamilo, wau tuhuwalo diiti tahe mokalaja duo̒lo-U̒! Pateaalo tio mate-mateelo mao̒, yi hihii-mbaawaalo mamo bubuua̒yawa. Wau̒ mamoluhu umati-U̒,

MATIUSI 25:31

“Wonu bolo Walao̒ Manusia meidungga odelo Olongia dedeeloa mai wolo ngoa̒amila malai̒kati-Lio, Tio mamo tihuloa̒a toitaato tambati huhuloaa-Lio u lailaio̒.

MATIUSI 26:24

Memangi Walao̒ Manusia maamate debo odelo u tulatulade todelomo Kitabi. Bo matopotala taa u mohiyanati Walao̒ Manusia! Lebe mopiohu tau boito wonu tio diila pilotutulio mai sama-samaata!”

MATIUSI 3:16

Lapatao̒ yilihualio, ti Isa hua̒a yilumualai lonto taluhu todutulaa boito. Debolo hulungo lohuo̒olo mola wau ti Isa loo̒onto Rohullah lotuhutai debo odelo bulungi poombo ode yitaa-Tio.

MATIUSI 4:11

Mapulitio Ibilisi lololaa mao̒ li Isa, wau mamaa-lai̒katiyalo lonao̒ mai lohinta li Isa.

MATIUSI 8:20

Ti Isa lolametao̒, “Saligala oliyango, wau bulungi obeelealio, bo Walao̒ Manusia diila otambati u poti balatalo.”

MATIUSI 9:6

Bo botia Wau̒ mamopo bukuti mai olemu deu̒ todunia botie Walao̒ Manusia okawasa mongambungu dusa.” Lapatao̒ ti Isa lotahuda mao̒ ode taa didu mowali monao̒ boito, “Pobongulo, bintaa̒lo amongumu wau pohualingolo!”

MARKUSI 1:10

Odito ti Isa yilumualai lonto dutula boito, Tio loo̒onto mola hulungo lohuo̒ wau Rohullah lotuhutai debo odelo bulungi poombo ode yitaa-Tio.

MARKUSI 14:62

“Wau̒lo Tio,” tametao̒ li Isa, “wau timongoli ngoa̒amila mamoo̒onto Walao̒ Manusia motihuloa̒a to ambahu olowala lo Allahu Taa̒ala Taa Laba-labaalo kawasa wau dungga-dungga mai todelomo heengo monto hulungo!”

LUKASI 2:13

Debolo malai̒kati boito diludua̒ lo malai̒kati dadaata wewolio, tahi pomujia Allahu Taa̒ala. Timongolio loloi̒ya,

LUKASI 2:9

Debolo malai̒kati lo Eeya lopobilohei batanga olimongolio wau tinela u mobaango lonto Eeya tinetinela loo̒baangai olimongolio, wau timongolio mailoohe daa̒.

LUKASI 22:43

Malai̒kati ngota malonao̒ mai ode o-Lio wau lopoo̒ lotolao̒ o-Lio.

LUKASI 22:69

Bo tumula mao̒ botia, Walao̒ Manusia mamo tihuloa̒a to ambahu olowala lo Allahu Taa̒ala Taa Laba-labaalo kawasa.”

LUKASI 24:4

Tou̒ timongolio hitihula teto wau lolingu hemo mikiilangi sua̒li boito, debolo taduulota wolo boo̒ hei̒nta-intawa tilimihulai totili limongolio.

LUKASI 3:21

Lapatao̒ ngoa̒amila tau boito yilihualio, ti Isa olo mailihualio. Wau tou̒ Tio donggo hemodua̒, hulungo lohuo̒,

YAHYA 1:50

Ti Isa lotahuda mao̒, “Yio̒ palacaya, bo sababu Wau̒ loloi̒ya mai deu̒ Wau̒ maloo̒onto olemu towalungo bungo lo ara boito? Susuu-aliyaala ulebe udaa̒ mao̒ tutu woleeto mao̒ontongamu!”

YAHYA 10:1

“Otutu banari tahudaa-U̒ botie: Taa tumuwoto ode delomo lantunga lohimba moli bala, wau diila moli huhebu, bo momia̒ata moli dalalo wewo, tau boito mototao̒wa wau tamoo-lambata.

YAHYA 10:7

Yi ti Isa pee̒entapo lotahuda mao̒, “Otutu banali tahudaa-U̒ botie: Wau̒lo huhebu duo̒lo himba.

YAHYA 13:16

Otutu banali tahuda-U̒ botie: wato ngota diila lebe udaa̒ woli tuanilio, wau utolia ngota diila lebe udaa̒ wolo talolao olio.

YAHYA 13:38

Ti Isa lolametao̒, “Otutu yio̒ iloheela lohilao mate wola-U̒? Ototai mao̒, tou̒ diipo maluo̒ de mokukuyuu̒ mai, yio̒ mapoo̒otolu loloi̒ya deu̒ yio̒ diila moo̒onuhe ola-U̒!”

YAHYA 14:12

Otutu banali tahuda-U̒ botie: Taa palacaya ola-U̒, mamohutu mao̒ wolo u mapilo hutu-U̒ mai, – tumbao̒ tio mamohutu ulebe udaa̒ poli – sababu Wau̒ monao̒ mola odeli Paapa.

YAHYA 16:20

Pomalacayalo, timongoli mahumoyongo wau mohilimuta, bo dunia mameengahu. Timongoli maa osuusawa lohilao, bo osuusamu boito mamobolia̒ mowali owengahu.

YAHYA 16:23

Todulahu boito, timongoli diilalo mohintu wolo-wolo poli ola-U̒. Pomalacayalo: Penu boli wolo upohile mola limongoli toli Paapa-U̒ to tanggulu-U̒, uito mawohi mai li Paapa-U̒ olemu.

YAHYA 21:18

Otutu banali tahudaa-U̒ botie: Tou̒ yio̒ donggo muda mai, yio̒ lohihilao lomintolo wohutamu, wau lolontale penu boli ode utoonu u otohilaamu. Bo wonu yio̒ de mapanggola mola, yio̒ mamohudu mao̒ uluu̒mu, wau taawewo tamo ngawade olemu wau modelo olemu ode utoonu udiila otohilaa nao̒omu.”

YAHYA 3:3

Ti Isa lolametao̒, “Pomalacayalo, diaaluo penu boli ngotaa mao̒ tamowali pongawaa̒ umati lo Allahu Taa̒ala, wonu tio diila muli potutuolio mai.”

YAHYA 3:5

Ti Isa lolametao̒, “Otutu banali tahuda-U̒ botie: Wonu tau diila potutuolio mai monto taluhu wau monto Rohullah, tau boito diila mowali pongawaa̒ umati lo Allahu Taa̒ala.

YAHYA 5:19

Ti Isa lolametao̒ ode tau-tauwala boito odie, “Pomalacayalo, Walao̒ diila mowali mohutu wolo-wolo, wolo kawasaa-Lio lolohilao. Tio bo mohutu wolo u iloontonga-Lio pilohutu li Paapa-Lio. Sababu wolo u pilohutu li Paapa-Lio, uito olo u pohutuo lo Walao̒.

YAHYA 5:27

Tio malohudu ode wala-I̒o haku u momutoo̒, sababu Tio Walao̒ Manusia.

YAHYA 6:26

Ti Isa lolametao̒, “Otutu, timongoli hemo lolohe ola-U̒ diila bo sababu timongoli malo ngalati makusudu totoonulalo moo̒linggolabe u hepilohutu-U̒, bo sababu timongoli malo lamela tunggula lobutuhu.

YAHYA 6:32

Lapatao̒ ti Isa lotahuda mao̒ olimongolio, “Pomalacayalo: Diila tei Musa, boti Paapa-U̒lo tamongohi mai olemu roti u otutuulio mao̒ monto sologa.

YAHYA 6:47

Ototai mao̒: Taa u palacaya, o tutumulo ututuulio tutu wau ohiheo-hiheolo mao̒.

YAHYA 6:53

Lapatao̒ ti Isa lotahuda mao̒ olimongolio, “Pomalacayalo: Wonu timongoli diila molamelo tapu lo Walao̒ Manusia wau mongilu duhu-Lio, timongoli diila tao̒tu-otutuulo mao̒ tumumulo.

YAHYA 8:34

“Otutu banali tahuda-U̒ botie,” tahuda mao̒ li Isa ode limongolio. “Taa u mohutu dusa, taboitolo wato lodusa.

YAHYA 8:51

Otutu banali tahuda-U̒ botie, taa u moduduo̒ tahuda-U̒, ohiheo-hiheolo mao̒ diila tamaate.”

YAHYA 8:58

Ti Isa lolametao̒, “Otutu Wau̒ motahuda mai olemu: tou̒ tei Abraham diipo pilotutulio mai, Wau̒ mawoluo.”

WUNGGULI LOMONGO RASULU 10:11

Tio loo̒onto mola hulungo lohuo̒ wau u hitua-tuawua debo odelo kaingi u motanggalo wuduwudu mai ode dunia, ntaya-ntayanga to opaato tutulio.

WUNGGULI LOMONGO RASULU 7:56

“Bilohi,” loi̒ya mao̒ lei Stepanus, “Watia loo̒onto mola sologa lohuo̒ wau Walao̒ Manusia tihutihula to ambahu olowala lo Allahu Taa̒ala!”

2 TESALONIKA 1:7

Wau toli mongoli u masaatia botie dutodutolo – odito olo to lamiaatia – Allahu Taa̒ala mamongohi mai olulia todulahu Eeya Isa motuhutai monto sologa wau mopobilohei batanga-Lio wolo mamaa-lai̒kati-Lio tamolotolo boli buheli daa̒

2 TESALONIKA 1:9

Tau-tauwala boito mamololimo hukuumani obobinasa ohiheo-hiheolo mao̒, tapilo-Lio ode bulemengio monto ulawota lo Eeya wau monto kawasa-Lio udaa̒;

1 TIMOTIUS 3:16

Diaaluo penu boli ngotaa mao̒ mowali momaahu, malo odito udaa̒alio hitua-tuawua u milakusudu hetuuo̒ lo agamaanto; Tio lopo bilohei batanga todelomo rupa lomanusia, wau piloi̒laalo otutu lo Rohullah, wau iloontonga lo mamaa-lai̒katiyalo. Habarilio pilopo toliyongo towolota lo babaa-ngusawalo, wau Tio pilalacaya to ngoilanggubu dunia wau bilinta-I̒o mola ode sologa.

IBRANI 1:14

Wonu odito, otutuulio mao̒ mamaa-lai̒katiyalo boito tatoonu? Timongolio yito roroo-huwaalo tahi pomayawa to Allahu Taa̒ala, wau tai̒lahula lo Allahu Taa̒ala u momantu tau-tauwalo tamaa mololimo oa̒ahu.

YUDAS 1:14

Tei Henokh, wali opitulio lei Adamu, tou̒ muloololio mai mapee̒enta lonubuwati mai pasali lotau-tauwalo boito. Tei Henokh loloi̒ya, “Bilohi, Eeya mamei dungga mai wolo hilihu-lihua malai̒kati-Lio tamantali,

WAHI 19:11

Lapatao̒ watia loo̒onto mola sologa lohuo̒, tulusi oo̒onto mai wadala hula tuwau. Joki-Lio tai̒lunte Sangi Tatapu wau Molotolo Hilao wau Sangi Otutu. Tio aadili todelomo mopodehu hukuumani wau todelomo popaatea u pilohutu-Lio.

WAHI 4:1

Lapatao̒ uito watia luli loo̒toduo mai bibilohe. Iloontonga mola lowatia huhebu tuwau yilohuo̒ tosologa, lapatao̒ luli dungo-dungohei suala u tou̒ bohulio malo tahuda mai olaatia debo odelo tingohu torompeti. Suala boito lotahuda, “Dulo pobotulai odia. Wau̒ mamopo bilohei olemu wolo u de mamotoduo mai.”