YAHYA 1:45 - KITABI HABARI MOPIOHE

⁴⁵ Tei Pilipus lodunggaya wolei Natanael wau loloi̒ya mao̒ olio, “Ami maloo̒ dungga tahe untee lei Musa todelomo Buku Butoo̒ lo Allahu Taa̒ala, wau tapilo habari mai lomongo nabi. Tio boito ti Isa talonto Najaret, Walae̒e Yusu.”

YAHYA 1:45 ပူးပေါင်းရင်းမြစ်များ

ILOOWALI 22:18

Ngoa̒amila bangusa todunia mamo molohone to ola-U̒ alihu Wau̒ mobalakati mai olimongolio debo odelo Wau̒ malo balakati mai waliimu – kalana yio̒ malo dungohe palenta-U̒.”

ILOOWALI 3:15

Yio̒ wau taabua boito mamo loloonua̒, waliilio mola wau waliimu mola mamo mumuusua laito. Waliilio mola mamopo toyopu lunggongumu, wau yio̒ mamo dengeta pai̒ limongolio.”

ILOOWALI 49:10

Tei Yehuda mamodihu tunggudu lo bele biluloa̒ saaha li olongia, waliilio mola mamomalenta ohiheo-hiheolo mao̒. Babaa-ngusawalo mamodelo mai doi uwajibu pomayali odeli olongia, wau mosujudu wolo taa̒luku totalulio.

YESAYA 4:2

Mamei dungga wakutuulio Eeya mohutu mao̒ timii̒du pilomulo wau bungo lo ayu mamobutu mowali leidaa̒ wau gaaga tolipu botie. To dulahee boito taulo Isirai̒lu taloa̒ahu mamolaasa meengahu wau sababu tilapulo sembo.

YESAYA 53:2

Eeya mokahandaki wato-Lio boito debo odelo tumbuo̒, u mobutu tohuta u mohengu. Diaaluo u gaaga to olio u oontonganto; diaaluo u moa̒anga u otohilaanto.

YESAYA 7:14

Botia, Eeya lohihilao mamongohi mai tuoto olemu: Ngotaalio tadulahu tabanta-bantaala mamo potutu mai ngotaalio talolai̒ tau̒nteelio Imanuel.

YESAYA 9:6

Tio momalenta odelo olongia wali mai lei Dauda, okokawasaalio udaa̒ tutu. Lipulio laito dame aamnai sontosa wau maa̒amulu; pamalentaalio dutadutaa̒a tobutoo̒ wau ua̒adili botia wau ohiheo-hiheolo mao̒. Eeya Taa Laba-labaalo kawasa tantu moponao̒ mao̒ uito.

MIKHA 5:2

Oditolio, Eeya mamopoluli umati-Lio kiluwaasa lo mumuu-suuwaalo limongolio tunggula taabua tatilantu u mowali tiilo lo takaawasa boito malo potutu mai o-Lio. Lapatao̒ uito tau-tauwalo ngobangusaalio tawoluo to polayahu mamuli potuwaulo wolo bangusa limongolio.

JAKARIA 6:12

Potunggula mao̒ olio deu̒ Wau̒ Eeya Taa Laba-labaalo kawasa lotahuda, ‘Taa u ilunte Sangi Tumbingo, maa ohaasili totambati tio woluo wau tio mamuli momongu Bele lo Eeya.

JAKARIA 9:9

Wuu ulipu lo Sion, poti wengahulo! Wuu ulipu lo Yerusalemu, pongiibodulo mola meengahu! Bilohilo! Olongiamu dungga-dungga mai wolo ohaama! Tio olongia aadili talodelo mai oa̒ahu. Bo lealeaatu odupapa lohilao tio meidungga tae̒tae̒ to kolodai, kolodai tuwau u buboto.

MATIUSI 10:3

Lapatao̒ tei Pilipus wau Bartolomeus, wolei Tomas, wau Matiusi, tamootagia beya wolei Yakobus walae̒e Alpeus, wau Tadeus;

MATIUSI 13:55

Diila maa Tio botie walao̒ pani lo ayu? Diila mati Maria boito tiilo-Lio; wau mongo wuta-Tio yito tei Yakobus, tei Yusu, tei Simon, walei Yudas?

MATIUSI 2:23

Lou̒ odito malo toduo mai wolo uiloi̒ya lomongo nabi pasali lo Walao̒ boito: “Tio mau̒nteelio Taulo Najaret.”

MATIUSI 21:11

“Tio Nabi Isa, lonto Najaret to Galilea,” tametao̒ lotaa dadaata tahidudua̒ li Isa.

MARKUSI 14:67

Tou̒ loo̒onto olei Petrus hemomatu wawai̒o totili lotulu, hepiloo̒ tuotio tio̒otutua baya lei Petrus wau loloi̒ya mao̒, “Diila maayio̒ olo tapee̒-pee̒enta woli Isa taulo Najaret boito?”

MARKUSI 6:3

Diila maa Tio botie walao̒ pani lo ayu, walai̒ Maria, wau wutatee Yakobus, Yoses, Yudas, wau Simon? Ooo̒, mongo wuta-Tio taabua woluo olo hibiluloa̒wa tewe.” Sababu uito timongolio diila lololimo o-Lio.

LUKASI 18:37

“Ti Isa, taulo Najaret boito, lawolawodu,” loi̒ya mao̒ limongolio ode olio.

LUKASI 2:4

Tei Yusu olo lomonggato lonto Najaret to Galilea, ode Betlehemu to Yudea, tambati pilotutua li Olongia Dauda; sababu tei Yusu wali mai lei Dauda.

LUKASI 2:48

Mongo dulaa̒-Lio olo lolinggolabu loo̒onto o-Lio. Tiilo-Lio malo loi̒ya o-Lio, “Uuti, yilongola odie huhutuu-Mu to olami? Tiyama-Mu wau tiila-Mu mahilawala hemo lolohe ole-Mu!”

LUKASI 24:27

Lapatao̒ ti Isa lotombangao̒ olimongolio wolo u tulatuladu todelomo ngoilanggubu Kitabi tomimbihu batanga-Lio tumulalo mai monto bubuu-kuwaalo lei Musa wau bubuu-kuwaalo lomongo nabi.

LUKASI 24:44

Lapatao̒ uito Tio lotahuda mao̒ olimongolio, “Utieelo susuu-aliyaalo umaa piloo̒taa-U̒ mai olimongoli tou̒ Wau̒ donggo pee̒-pee̒enta woli mongoli; deu̒ timii̒du sua̒li u tulatuladu tomimbihu tanggulu-U̒ todelomo Bubuu-kuwaalo lei Musa, lomongo Nabi, wau Jaburu, musi motoduo mai.”

LUKASI 3:23

Tou̒ ti Isa lolumula kalajaa-Lio, Tio o umulu otanu tolo pulu lotaunu. Moduduo̒ huhama lotau, Tio walae̒e Yusu, walae̒e Eli,

LUKASI 4:22

Tataa-heyaalo u yilapali-Lio mopiohe daa̒, tilinggula timongolio lolinggolabe wau lodaha o-Lio. Timongolio maloloi̒ya, “Diila bo walae̒e Yusu Tio botie?”

YAHYA 1:44

Tei Pilipus asaliilio lonto Betsaida, deu̒ito-yito tambati piloti biluloa̒ lei Andreas wau lei Petrus.

YAHYA 12:21

Timongolio lonao̒ mai odelei Pilipusi wau loloi̒ya mao̒, “Wutato, wonu mowali amiaatia ohilaa modunggaya woli Isa.” (Tei Pilipus asaliilio lonto Betsaida to Galilea.)

YAHYA 14:8

Yi tei Pilipus loloi̒ya mao̒ odeli Isa, “Eeya, pobilohe mai ti Paapa boito to mongowatotia, alihu mongowatotia molaasa sanangi.”

YAHYA 18:5

“Ti Isa, taulo Najaret,” tametao̒ limongolio. “Wau̒lo Tio,” tahuda mao̒ li Isa. Tei Yudas tamoo-hiyanatia tihutihula teto woli mongolio.

YAHYA 18:7

Pee̒entapo ti Isa lohintu mao̒ olimongolio, “Tatoonu tahe lolohu limongoli?” “Ti Isa taulo Najaret,” tametao̒ limongolio.

YAHYA 19:19

To ayu salipu li Isa, tei Pilatus lei̒ tuladeo̒ odie: “Ti Isa lonto Najaret, Olongia taulo Yahudi”.

YAHYA 21:2

Tou̒ dulahee tuwau tei Simon Petrus, tei Tomas tai̒lunte Pingi, tei Natanael lonto Kana to Galilea, mongo walae̒e Jebedeus wau duulota muri li Isa tawewolio, donggo hia̒mbua.

YAHYA 6:42

Timongolio loloi̒ya mao̒, “Diila maa Tio botie ti Isa walae̒e Yusu? Otaawa lami mongo dulaa̒-Lio! Woloolo mola Tio mowali moloi̒ya deu̒ Tio malo tuhutai lonto sologa?”

YAHYA 6:5

Tou̒ ti Isa lomilohe mota ode pali-Tio, Tio loo̒onto taa dadaata hinao̒wa mai ode o-Lio. Yi Tio lotahuda mao̒ odelei Pilipus. “Tou̒toonu mowali potaliyanto ua̒alo, alihu ngoa̒amila tau botie mowali molamelo?” (

YAHYA 6:7

Tei Pilipus lolametao̒, “Roti u ngohalaga dulo hetuto doi talaa̒ diila tamoo̒ tuheta totau-tauwalo botie, eleponu ngota-ngota bo moo̒tapu ngoi̒di wambao̒.”

WUNGGULI LOMONGO RASULU 10:38

Otaawa limongoli deu̒ Allahu Taa̒ala malo lulaotao̒ li Isa taulo Najaret boito wau longohi o-Lio Rohullah wau kawasa. Otaawa limongoli olo deu̒ ti Isa boito malonao̒ ode tilolahepalo mao̒ helohutu u mopiohe; Tio lopoo̒luli ngoa̒amila tau tahe kiluwaasa lo Ibilisi, sababu Allahu Taa̒ala pee̒-pee̒enta wo-Lio.

WUNGGULI LOMONGO RASULU 2:22

Mongo wutato tau-tauwalo Isirai̒lu! Dungohilo wolo uiloi̒ya mai lowatia botie: ti Isa taulo Najaret boito mailohia tuugasi lo Allahu Taa̒ala ode wutato. Uito loi̒laalo daa̒ tou̒ tilolahepalo u moo̒linggolabu wau susuu-aliyaalo upolu-polutuo̒ upilohutu mai lo Allahu Taa̒ala tohuungi mongoli lotimbulude toli Isa boito. U ngoa̒amilalo boito mailotaawa lowutato lohihilao.

WUNGGULI LOMONGO RASULU 22:8

Lapatao̒ watia malohintu, ‘Tatoonu Ito botie, Tuani?’ ‘Wau̒lo Isa taulo Najaret boito taa ilalinayamu,’ tame-Tio mai.

WUNGGULI LOMONGO RASULU 26:9

Bohuliolo mai watia lohihilao olo ohuhama deu̒ watia musi mohutu mao̒ totoonulalo hitua-tuawua u motehengi li Isa lonto Najaret boito.

WUNGGULI LOMONGO RASULU 3:6

Bo tei Petrus loloi̒ya mao̒ olio, “Wau̒ diila odoi sama-samaata. Bo wolo uwoluo to olau̒, uito mawohiu̒ mai olemu: wolo kawasa li Isa Almasi taulo Najaret boito, ponao̒olo!”