YAHYA 1:3 - KITABI HABARI MOPIOHE

³ Ngoa̒amilalo pilowali mai lotimbulude o-Lio, wau monto ngoa̒amilalo uwoluo diaaluo mao̒ penu boli tuwau u pilowali mai wonu diila monto o-Lio.

YAHYA 1:3 ပူးပေါင်းရင်းမြစ်များ

ILOOWALI 1:1

Tou̒ bohulio, wakutu Allahu Taa̒ala lolumulo lopowali mai ngoilanggubu aalamu,

ILOOWALI 1:26

Lapatao̒ Allahu Taa̒ala lotahuda, “Botia Ito mamopowali manusia u mamowali debo odelo ito wau u tutuuwauwa wolanto. Timongolio mamotolo-kawasa to totoo-lawaalo, bubuu-rungiyalo, wau totoonulalo binatangi uwewo, mopio u moluamo meaalo u molinggelo, mopio udaa̒ meaalo kikiio̒.”

JABURU 102:25

Lapatao̒ watotia loloi̒ya, “Yaa Allahu Taa̒ala diila mao̒ hamaawa nyawa lowatotia to tomutaa̒ lo tutumulo watotia.” Yaa Eeya, Eeya tumutumulo ohiheo-hiheolo mao̒,

JABURU 33:6

Eeya longohi palenta, yi hulungo yilowalilo mola; mato lo dulahu, hulalo wau poliyama pilopowali wolo tahudaa-Lio.

POHUMAYA 8:30

Wau̒ woluo totili lo Eeya odelo walao̒ tai̒lo hilaa-Lio, timii̒du dulahu wau̒lo tamoo̒ sanangi tutu to Eeya; laito wau̒ hemoitohe boli moitohe totalu lo Eeya.

YESAYA 45:12

Wau̒ulo Eeya talopowali dunia, wau lopowali mai manusia u motibiluloa̒ao̒. Wolo kawasaa-U̒ Wau̒ longoa̒bu hulungo, wau lomalenta mato lodulahu, hulalo wau popoo-liyamaalo.

YESAYA 45:18

Eeyaalo talopowali hulungo, Eeyaalo Allahu Taa̒ala! Eeyaalo talopowali wau lopomoodeli dunia, pilohutu-Lio motoheeto wau debo tihutihulo. Eeya diila lopowali mai tambati u moliilo daa̒, bo tambati potibiluloa̒lo. Eeyaalo talo tahuda mai, “Wau̒ulo Eeya, wau diaaluo wewolio.

YAHYA 1:10

Tahuda woluo todunia, dunia pilowali mai lotimbulude o-Lio, bo dunia diila moo̒onuhe o-Lio.

YAHYA 1:2

Tumulalo bohulio mai Tio pee̒-pee̒enta wolo Allahu Taa̒ala.

1 KORINTUS 8:6

Bo olanto, Allahu Taa̒ala bo tuwau. Tio Allahu Taa̒ala talo powali mai totoonulalo u hitua-tuawua. Ode o-Liolo ito tumumulo. Wau Eeya bo tuwau olo, deu̒ito-yito ti Isa Almasi. Lotimbulude o-Lio totoonulalo u hitua-tuawua pilopowali, wau sababu Tioolo yi ito tumutumulo.

EPESUS 3:9

wau olo alihu motimbuludei olaatia ngoa̒amila tau motota mao̒ woloolo mola Allahu Taa̒ala, Talopowali ngoilanggubu aalamu botie, moponao̒ lanjana-Lio u anggadu muloololio mai daa̒ hitua-tuawua u milakusudu hetuuo̒lo duo̒lo dunia.

IBRANI 11:3

Sababu o iimani, yi ito mongalati deu̒ aalamu botie pilowali wolo tahuda Allahu Taa̒ala; oditolio, wolo u mowali oontonga, yilowali mai monto wolo udiila mowali oontonga.

1 YAHYA 5:1

Taa u palacaya deu̒ ti Isa yito Olongia Tamoo-poa̒ahua tapilo dantia mai lo Allahu Taa̒ala, tau boito walao̒ Allahu Taa̒ala. Taa u motolia̒ngo ngotaalio lotiyamo, motolia̒ngo walai̒o olo.

WAHI 3:14

“To malai̒kati lojamaa̒ to Laodikia, tulade mola odie: Utieelo tahuli monto Sangi Amin, Sakusi taatatapu wau molotolo hilao wau otutu, pilobutua mai lo totoonulalo hitua-tuawua u pilowali mai lo Allahu Taa̒ala.

WAHI 4:11

“Oo Eeya, oo Allahu Taa̒ala lomongo watotia! Eeyaalo wambao̒ tapaatuti mololimo poloi̒laalo momuji, hulumati wau kawasa. Sababu Eeyaalo talo powali mai totoonulalo u hitua-tuawua, wau to kahandaki lo Eeya olo totoonulalo u hitua-tuawua boito malotoduo mai wau tumutumulo.”