YAHYA 1:29 - KITABI HABARI MOPIOHE

²⁹ Loloombulio mola, tei Yahya loo̒onto li Isa lonao̒ mai ode olio. Tulusi tei Yahya loloi̒ya mao̒, “Bilohi, boi-boitolo Walao̒ Himba lo Allahu Taa̒ala tamo luluto dusa lodunia.

YAHYA 1:29 ပူးပေါင်းရင်းမြစ်များ

PILOTIMUA̒TA 28:38

Polomu hulawa boito musi popohulia mao̒ lei Haruna totau̒lio alihu Wau̒, Eeya ohilaa mololimo ngoa̒amila dewo udilelo mai taulo Isirai̒lu ode Olau̒, eleponu tou̒ modelo mai dewo boito timongolio malohutu totala.

YESAYA 53:10

Eeya mokahandaki deu̒ tio modutolo, wau mohudu batanga odelo bake polulutaa dusa. Yi tio mamohayaa̒a mola umulu wau moo̒onto waliilio mai motimbulude olio kahandaki lo Eeya mamomata mai.

YESAYA 53:11

Sababu uito Eeya lotahuda, “Lapatio mao̒ modutolo sikisa, tio masanangi tutu wau olulia lohilao. Wato-U̒ boito, tamopo sanangi hilaa-U̒, malomanta mao̒ hukuumani lotaa dadaata; domi tio Wau̒ mamo ngambungu mai olimongolio.

YESAYA 53:7

Tio pilohutulio lou̒ diila omanusia, bo bilantalio wolo sabali. Tio diila lomuo̒ tunggilio debo odelo walao̒ himba u dilelo ode pongolotalo meaambo tiilo lohimba u iluluhe lambutio.

HOSEA 14:2

Muli pohualingolo ode Eeya Allahu Taa̒alaamu, wuu bangusa lo Isirai̒lu! Dusamu maa loo̒sababu olimongoli leihuluto wau lodehu.

IMAAMATI 10:17

“Yilongola bake pongambungualao dusa boito diila tilameli mongoli totambati u mantali? Bake boito mantali daa̒; Eeya malongohi mai olemu, alihu dusa umati lo Isirai̒lu ambunguolo.

JAKARIA 13:1

Eeya Taa Laba-labaalo kawasa lotahuda, “To dulahee boito mamo pentelai butu lotaluhu tuwau u mopo mantali walimai lei Dauda wau ulipu lo Yerusalemu monto dusa wau polotubowa balaahala u mapilohutu limongolio.

YIA̒APO 18:1

Eeya lotahuda mai odelei Haruna, “Yio̒, mongo walau̒mu wau tau-tauwalo Lewi musi momanta mao̒ akiibati totoo-talawaalo uilowali todelomo Kema-U̒, bo wambao̒ yio̒ wau mongo walau̒mu wambai̒o tamusi momanta mao̒ totala todelomo kalaja lomongo iimamu.

YIA̒APO 18:23

Tumulalo mai botia bo taulo Lewi tamowali mongulusi Kema-U̒ wau momanta mao̒ polupolu tokalaja boito. Wuu̒du boito pohu-pohutu olo ode waliimu mola dilumutu ohiheo-hiheolo mao̒. Taulo Lewi diila owariisani to Isirai̒lu,

YIA̒APO 21:9

Yi tei Musa malohutu mao̒ tulidu lonto tombaha wau ntilangio mola toitaato wolihi ngoputu. Timii̒du taa u tilopango tulidu, mowali moluli wonu momilohe tulidu tombaha boito.

MATIUSI 1:21

Ti Maria mamotutu mai talolai̒ kikiia̒ ngota. Talolai̒ boito musi unteemu mao̒ Isa, sababu Tio mamopoa̒ahu umati-Lio monto duduu-sawaalo limongolio.”

MATIUSI 20:28

Tutuuwauwa debo odelo Walao̒ Manusia boito olo; Tio dungga-dungga mai diila mei̒baaya, bo mai momaya, wau mohudu nyawa-Lio u mopo lopato totaa dadaata.”

YAHYA 1:35

Loloombulio mola tei Yahya woluo totambati boito poli wolo taduulota murilio.

YAHYA 1:36

Tou̒ tio loo̒onto li Isa yilumaodeo̒, tio maloloi̒ya, “Bilohi! Tioolo Walao̒ Himba lo Allahu Taa̒ala.”

YAHYA 1:43

Loloombulio mola ti Isa lolantu mao̒ u monao̒ ode Galilea. Tio lodunggaya wolei Pilipus wau lotahuda mao̒ olio, “Dulo dudui̒ mai Wau̒!”

YAHYA 2:1

Duuhui mola lapatio mao̒ woluo potihunggu lonika tokota Kana to Galilea, wau tiilo li Isa woluo mola teto.

YAHYA 3:16

Sababu Allahu Taa̒ala odito momonu mai manusia todunia botie, tilinggula Allahu Taa̒ala longohi mai Wala-I̒o tatuwa-tuwaulo, alihu timii̒du taa palacaya o-Lio diila binasa, bo moo̒tapu tutumulo ututuulio tutu wau ohiheo-hiheolo mao̒.

YAHYA 4:42

Timongolio loloi̒ya mao̒ ode taabua boito, “Ami palacaya masaatia, diila bo kalena u pilolelemu mai olami, bo sababu ami lohihilao malo dungohe o-Lio, wau otaawa lami deu̒ Tio memangi Tamoo-poa̒ahua dunia.”

YAHYA 6:51

Wau̒lo roti u lotuhutai lonto sologa – roti u mongohi tutumulo. Taa u molamela roti botie matumumulo ohiheo-hiheolo mao̒. Roti u mawohi-U̒ ode tutumulo manusia todunia ui-uitolo tapu-U̒.”

WUNGGULI LOMONGO RASULU 8:32

Utieelo aa̒a-yatiyalo u hepilo bacalio boito, “Tio debo odelo himba u dilelolio u olotolo, debo odelo walao̒ himba udiila momembeleo̒ wonu lambutio huntingalo, odieelo mola Tio diila lolapali penu boli ngotahe mao̒.

1 KORINTUS 15:3

Wolo upilo tunggulai lowatia ode Mongo wutato yito u matilolimo mai lowatia olo. U lebe polohuna daa̒, debo odelo u tulatulade todelomo Kitabi, watia mopo tunggulai ode limongoli deu̒ ti Almasi yilate sababu totoonulalo dusanto;

2 KORINTUS 5:21

Ti Almasi diila odusa, bo Allahu Taa̒ala lohutu mai o-Lio lomanta dusanto, alihu ito muli mopiiohe wolo Allahu Taa̒ala sababu lotituwau woli Almasi.

GALATIA 1:4

Modungoheo̒ u otohilaa lo Allahu Taa̒ala ti Paapanto, ti Almasi lohudu mai batanga-Lio lowali bake ode duduu-saanto, alihu ito poa̒ahuwolo monto jamani u moleeto botie.

GALATIA 3:13

Boti Almasi lopo lopato mai olanto lonto laa̒nati butoo̒ lo agama. Tio lohutu uito lou̒ lopoluli mai batanga-Lio laa̒laa̒nati sababu ito. Sababu todelomo Kitabi tulatulade, “Malaa̒-laa̒natilo tailate ntilayango towolihi lo ayu.”

1 TIMOTIUS 2:6

Tio ngotaalio lomanusia tamalohudu batanga-Lio u lolopato ngoa̒amila tau lonto duduu-sawaalo limongolio. Woleeto Allahu Taa̒ala lopobilohu towakutu u tiluhata, deu̒ Tio ohilaa alihu ngoa̒amila tau poa̒ahuwolo.

TITUSI 2:14

Tio malo pobake batanga-Lio olanto u lolopato olanto lonto totoonulalo u hileeta, wau lopowali olanto umati tuwau talo lopato lonto dusa wau talowali miliki-Lio wambao̒, wau tamoo̒lohu mohutu u mopiohe.

IBRANI 1:3

Tiolo tamopo tinelai odudaa̒ lo Allahu Taa̒ala ulaba-labaalo mobaango; Tiolo gambali u moilaalo monto batanga lo Allahu Taa̒ala lohihilao. Tiolo olo tamolaalai otuwau lo ngoilanggubu aalamu botie wolo kawasa lotahuda-Lio ulaba-labaalo okawasa. Lapatao̒ Tio mopoluasi manusia taa u lopatolo monto duduu-sawaalo limongolio, Tio mamo tihuloa̒ tobele biluloa̒ lo pamalenta to sologa pee̒-pee̒enta wolo Allahu Taa̒ala, Tamongawasa ulaba-labaalo malaio̒.

IBRANI 2:17

Utie boliilio deu̒ Tio musi mowali motutuwau wolo mongo wuta-Tio todelomo totoonulalo sua̒li. Wau woleeto boito Tio mowali Iimamu Daa̒ taatatapu wau molotolo hilao wau odehu hilao. Wolo bubayaa-Lio boito dusa lomanusia lowali ilambungu.

IBRANI 9:28

Odito olo ti Almasi bo pee̒enta wamabao̒ pilodewo odelo bake u moluluta dusa lotaa dadaata. Tio mamuli meidungga mai tou̒ oluolio, diila mai mopoo̒ lapato pasali lodusa, bo mai mopoa̒ahu totau-tauwalo tahi pohimawa podungga-Lio mai.

1 PETRUS 1:19

bo hitua-tuawua u ohalaga daa̒; deu̒ito-yito batanga li Almasi lohihilao, ulowali odelo himba u pilobake ode Allahu Taa̒ala lou̒ diila o aibu wau henteo̒.

1 PETRUS 2:24

Ti Almasi lohihilao talomanta totoonulalo dusaanto tobatanga-Lio toitaato ayu salipu, alihu ito molopato monto okokawasa lodusa, wau tumumulo modudua̒ u otohilaa lo Allahu Taa̒ala. Papaa-liyaalo li Almasi boitolo u lopoo̒luli olimongoli.

1 PETRUS 3:18

Sababu ti Almasi lohihilao yilate bo pee̒enta wambao̒, u ohiheo-hiheolo mao̒ sababu dusa lomanusia – ngotaalio tadiila ototala, yilate ode taa ototala. Ti Almasi lohutu uito alihu Tio mowali modelo olimongoli ode Allahu Taa̒ala. Tio pilatelio yila-yilateelo mao̒ delo pohuli lobatanga, bo luli pilotumulai delo pohuli lo rohu.

1 YAHYA 2:2

Lou̒ motimbulude li Isa Almasi boitolo duduu-saanto ilambungu-Lio. Wau diila bo duduu-saanto wambao̒, tumbao̒ dusa ngoilanggubu umati lomanusia olo.

1 YAHYA 3:5

Otaawa limongoli deu̒ ti Almasi meidungga mai moluluta dusa lomanusia, wau deu̒ diaaluo dusa todelomo batanga-Lio.

1 YAHYA 4:10

Utieelo tolia̒ngo: Diila ito tamalo tolia̒ngo Allahu Taa̒ala, bo Allahu Taa̒ala talomonu mai olanto wau lolao Wala-I̒o alihu motimbulude to o-Lio ito moo̒tapu ambungu monto duduu-saanto.

WAHI 1:5

wau monto li Isa Almasi sakusi taa tatapu wau molotolo hilao. Tiolo tabohu-bohulio muli pilotumulai monto opopate wau Tio olo tao̒kawasa tomongo olongia lodunia. Ti Isa momonu olanto, wau wolo opopate-Lio Tio lopo lopato olanto lonto duduusaanto,

WAHI 12:11

Mongo wutatonto maloo̒ laaheo̒ olio wolo duhu lo Walao̒ Himba boito, wau wolo habari u otutu lonto Allahu Taa̒ala u pilohabari limongolio. Timongolio iloheela lohilao mopobake nyawa limongolio tunggula mate.

WAHI 13:8

Binatangi boito matuboo lo ngoa̒amila taa utumu-tumulo toitaato dunia, ngopohia tau-tauwalo u tanggulio malei daputali tou̒ dunia diipo pilowali mai, todelomo buku taa tumu-tumulo miliki lo Walao̒ Himba umaa iloloto.

WAHI 14:1

Lapatao̒ watia lomilohe mola, tulusi iloontonga mai Walao̒ Himba boito tihutihula toitaato Huludu lo Sion. Pee̒-pee̒enta wo-Lio woluo ngohetuto lihu wopato hetuto wopato pulaa patolota tabayalio ngota-ngota hitulade tanggu-Lio wau tangguli Paapa-Lio.

WAHI 14:10

tau boito mamongilu angguru lo Allahu Taa̒ala, deu̒ito-yito angguru lomulukaa-Lio u matilua-Ngio ode delomo tapahula-Lio, lou̒ diila ililangia penu boli ngoi̒di mao̒! Ngoa̒amila tau boito masikisaa-Lio todelomo tulu wau walirangi totalu lo mamaa-lai̒katiyalo mantali wau totalu lo Walao̒ Himba boito.

WAHI 14:4

Timongolio boito tau-tauwalo tadebo hiberesia debo odelo tadiipo motota lo mongobua sababu diila loa̒awota wolo mongobua. Timongolio lodudua̒ Walao̒ Himba boito ode utoonulalo mao̒ ponao̒walio. Towolota lo ngoilanggubu umati lomanusia, timongoliolo tamaa yilopato odelo dewo u bohulio ode Allahu Taa̒ala wau ode Walao̒ Himba.

WAHI 15:3

Wau timongolio hipolahua lahu lei Musa, wato lo Allahu Taa̒ala wau lahu lo Walao̒ Himba. Odie mola tingohio, “Eeya, Allahu Taa̒ala Laba-labaalo kawasa, donggo boli udaa̒ wau linggolabio huhuu-hutuwaalo Eeya! Olongia lo totoonulalo bangusa, donggo boli aadili wau otutu huhuu-hutuwaalo Eeya!

WAHI 17:14

Timongolio mamopaatea moluwali Walao̒ Himba boito. Bo Walao̒ Himba boito wolo tahidudua̒ o-Lio utatapu wau molotolo hilao tamaa tiliya-Ngio wau tilulao-Tio boito mamo poo̒laaheo̒ mongo olongia boito, sababu Tiolo Eeya lou̒ totoonulalo tuani, wau Olongia lou̒ totoonulalo olongia.”

WAHI 19:7

Duloolo ito motisangi wau motiwengahu; duloolo ito momuji odudaa̒-Lio! Sababu malei dungga dulahu ponikaalo umodihu garai Walao̒ Himba boito, wau bulentiti-Lio malo tidapato tonika-Lio.

WAHI 19:9

Lapatao̒ malai̒kati boito loloi̒ya mai olaatia, “Tulade mao̒ utie: ‘Potisanangilo tutu taa tiloduo ode potihunggu lonika Walao̒ Himba boito.’ ” Lapatao̒ malai̒kati boito luli loduhengai, “Uti-utieelo habari u otutu lonto Allahu Taa̒ala.”

WAHI 21:14

Dingingo meseli lokota boito bilongulio toitaato mopulaa duluo lobotu pundasi. To boboo-tuwaalo pundasi boito hitulade tanggulo lo opulaa duluo rasulu lo Walao̒ Himba boito.

WAHI 21:27

Bo taa umohutu susuu-aliyaalo umoo̒ lonuo̒, meaalo taa u mohimbulo – limbui̒o mao̒ penu boli wolo unajisi wambai̒o, sama-samaata diila tatumuwota ode delomio. Tamaa tumuwotao̒ bo taa u tanggulio tulatulade todelomo Buku Taa Tumutumulo, buku lo Walao̒ Himba boito.

WAHI 21:9

Ngota towolota opitu lo malai̒kati boito tamaa lodihu motii̒du tataa-pahulaalo u polupolu wolo opitu baala pulitio boito lonao̒ mai ode laatia wau loloi̒ya, “Dulo! Wau̒ mamopo bilohei olemu Bulentiti, deu̒ito-yito dile taabua lo Walao̒ Himba.”

WAHI 5:6

Lapatao̒ watia loo̒onto mola Walao̒ Himba tuwau tihutihula tohuungo tambati huhuloa̒ li olongia boito, pilalito lo opato mahaluku wau ngoa̒amila tau̒wa boito. Walao̒ Himba boito oontonga debo odelo mai̒loloto. Tio o tunge pitu wau pitu mato: deu̒ito-yito pitu rohu lonto Allahu Taa̒ala u mailawo ode ngoilanggubu dunia.

WAHI 5:8

Tou̒ Walao̒ Himba boito donggo hemohutu odito, malei dambao̒lo mola opato mahaluku wau odulo pulaa pato tau̒wa boito totalulio. Timongolio ngota-ngota hidihuma kocapi wau manggo hulawa u tuatuanga alama, deu̒ito-yito duduua̒waalo umati lo Allahu Taa̒ala.

WAHI 6:1

Lapatao̒ uito watia loo̒onto mola Walao̒ Himba boito lomoo̒ seeheli bohulio towolota opitu seeheli boito. Tulusi watia loo̒dungohe tuwau towolota lo opaato mahaluku boito loloi̒ya mai, “Dulo!” Tingohu sualaalio boito debo odelo tingohu bulonggodu.

WAHI 6:16

To huhuu-ideyaalo wau boboo-tuwaalo boito, timongolio hiwaatia̒, “Tembaalo mai amiaatia! Popotuua̒lo mai amiaatia tobibilo-Hio lo tahulo-huloo̒ toitaato tambati huhuloa̒ li olongia, wau monto omuluka lo Walao̒ Himba boito!

WAHI 7:14

“Diila otaawa lowatia, Tuani. Ti Tuani lohihilao tamotota,” tametao̒ lowatia. Yi ualio mai olaatia, “Utieelo tau-tauwalo tamaa loa̒ahu loli maasa lo alinaaya ulaba-labaalo tutu. Timongolio malo moboa̒a jumba limongolio wau lohutu mao̒ lowali loputio̒ wolo duhu lo Walao̒ Himba boito.

WAHI 7:17

sababu Walao̒ Himba tahulo-huloa̒ tohuungo tambati huhuloa̒ li olongia boito mamowali diti limongolio. Tio mamodelo olimongolio ode butu lotaluhu u mongohi tutumulo. Wau Allahu Taa̒ala mamomaide ngoa̒amila ponu monto mato limongolio.”