YAHYA 1:27 - KITABI HABARI MOPIOHE

²⁷ Tio meidungga mai lapatio mao̒ lowatia, bo u mongua̒deo̒ tali losapatu-Lio watia diila paatuti.”

YAHYA 1:27 ပူးပေါင်းရင်းမြစ်များ

ILOOWALI 14:23

deu̒ watia diila tamohama wolo-wolo monto milikiimu, tumbao̒ bola ngopata meaalo tali losandale penu boli ngoputu mao̒ diila. Lou̒ odito yio̒ diila moo̒loi̒ya, ‘Wawaatiyalo tahe lohutu olei Abram lowali kaya.’

MATIUSI 3:11

Watia mopolihu olimongoli wolo taluhu u mopo biloheo̒ deu̒ timongoli malo lilihu lonto duduu-sawaalo limongoli; bo tamamei dunga mai lapatao̒ Watia, mamo polihu olimongoli wolo Rohullah wau tulu. Tio lebe udaa̒ mao̒ wolaatia. Penu bo modelo sapatu-Lio watia diila paatuti.

MARKUSI 1:7

Tio lopohabari mao̒ habari botie, “De lapatio mao̒ lowatia, mamei dungga mai taa ulebe udaa̒ lowatia. Hiambola motidungu momuo̒ tali losapatu-Lio, watia diila patuti.

LUKASI 3:16

Uito sababuulio tei Yahya loloi̒ya mao̒ ode limongolio ngoa̒amila, “Watia mopolihu olimongoli wolo taluhu, bo demaa meidungga mai Taa lebe udaa̒ mao̒ wolaatia. Penu boli bo mongua̒de tali losapatu-Lio watia diila patuti. Tio mamo polihu olimongoli wolo Rohullah wau tulu.

YAHYA 1:15

Tei Yahya lonao̒ mai odelo sakusii-Lio, tio lopo habari: “Tabotieelo Tio tailoi̒yaau̒: Tio mamei dungga meimulo wolau̒, bo lebe mao̒ udaa̒ wolau̒, sababu tou̒ wau̒ dipoolu, tio mailoluo.”

YAHYA 1:30

Tioolo taheloi̒ya laatia mamei dungga mai lapatio mao̒ laatia, bo lebe udaa̒ wolaatia, sababu tou̒ watia diipo pilotutulio mai, Tio mawoluo.

YAHYA 10:41

Dadaata tau lonao̒ mai ode o-Lio. Timongolio malo loi̒ya. “Tei Yahya diila helohutu momoo̒-linggolabeyalo, bo ngoa̒amila uiloi̒yaalio pasali lotau botie otutu.”

WUNGGULI LOMONGO RASULU 13:25

Wau tou̒ mamembideo̒ mopulito kalajaalio, tei Yahya loloi̒ya ode tau-tauwalo, ‘Tatoonu watia botie modudua̒ huhama limongoli? Watia diila taa u heimaa limongoli. Poo̒toloma mao̒, Tau boito mamei dungga mai mobuulota wolaatia; u mongua̒deo̒ tali lo sapatu-Lio olo watia diila paatuti.’

WUNGGULI LOMONGO RASULU 19:4

Lapatao̒ tei Paulus loloi̒ya mao̒, “Tei Yahya helo polihu tau u mopoo̒ patatai deu̒ tau-tauwala boito malo lilihu lonto duduu-sawaalo limongolio. Bo sambela uito olo tei Yahya helo poo̒taa ode tau-tauwalo Isirai̒lu deu̒ timongolio musi palacaya to Taa mamei dungga mai lapatao̒ tio, deu̒ito-yito ti Isa.”