YAHYA 1:26 - KITABI HABARI MOPIOHE

²⁶ Tei Yahya lolametao̒, “Watia mopolihu wolo taluhu. Bo tohuungi mongoli woluo taa diila oonuhe limongoli.

YAHYA 1:26 ပူးပေါင်းရင်းမြစ်များ

MATIUSI 3:11

Watia mopolihu olimongoli wolo taluhu u mopo biloheo̒ deu̒ timongoli malo lilihu lonto duduu-sawaalo limongoli; bo tamamei dunga mai lapatao̒ Watia, mamo polihu olimongoli wolo Rohullah wau tulu. Tio lebe udaa̒ mao̒ wolaatia. Penu bo modelo sapatu-Lio watia diila paatuti.

MATIUSI 3:6

Timongolio mai longaku duduu-sawaalo limongolio wau tei Yahya helo polihu olimongolio to Dutulaa Yordan.

MARKUSI 1:8

Watia mopolihu olimongoli wolo taluhu, bo Tio mamo polihu olimongoli wolo Rohullah.”

LUKASI 3:16

Uito sababuulio tei Yahya loloi̒ya mao̒ ode limongolio ngoa̒amila, “Watia mopolihu olimongoli wolo taluhu, bo demaa meidungga mai Taa lebe udaa̒ mao̒ wolaatia. Penu boli bo mongua̒de tali losapatu-Lio watia diila patuti. Tio mamo polihu olimongoli wolo Rohullah wau tulu.

YAHYA 16:3

Timongolio mohutu mai uito olemu sababu timongolio diipo moo̒onuhe li Paapa-U̒ meaalo ola-U̒.

YAHYA 17:25

Paapa taa̒adili! Dunia diila moo̒onuhe li Paapa; bo Watia moo̒onuhe li Paapa; wau tau-tauwala botie motota deu̒ ti Paapa talolao mai olaa-Tia.

YAHYA 17:3

Uti-utieelo tutumulo ututuulio tutu wau ohiheo-hiheolo mao̒; alihu tau motota li Paapa, tuwa-tuwaulo Allahu Taa̒ala tabanali, wau moo̒onuhe li Isa Almasi tailao mai li Paapa.

YAHYA 8:19

“Ti Paapa-Mu boito tou̒toonu?” loi̒ya mao̒ limongolio. Ti Isa lolametao̒, “Timongoli diila moo̒onuhe ola-U̒ meaambo li Paapa-U̒. Humayaalio timongoli olo moo̒onuhe ola-U̒, maatantu timongoli moo̒onuhe li Paapa-U̒.”

WUNGGULI LOMONGO RASULU 1:5

Sababu tei Yahya helo polihu lotaluhu, bo donggo ngoolo huipo mola timongoli malihualo wolo Rohullah.”

WUNGGULI LOMONGO RASULU 11:16

Lapatao̒ watia loo̒e̒ela mola, Eeya pee̒enta lotahuda mai, ‘Tei Yahya lopolihu wolo taluhu, bo timongoli malihua-Lio wolo Rohullah.’

WUNGGULI LOMONGO RASULU 19:4

Lapatao̒ tei Paulus loloi̒ya mao̒, “Tei Yahya helo polihu tau u mopoo̒ patatai deu̒ tau-tauwala boito malo lilihu lonto duduu-sawaalo limongolio. Bo sambela uito olo tei Yahya helo poo̒taa ode tau-tauwalo Isirai̒lu deu̒ timongolio musi palacaya to Taa mamei dungga mai lapatao̒ tio, deu̒ito-yito ti Isa.”

1 YAHYA 3:1

Bilohi mao̒ malo odito ponu lo Allahu Taa̒ala olanto, tilinggula ito ilaku-Lio odelo mongo wala-I̒o. Wau memangi ito yito mongo walao̒ Allahu Taa̒ala. Uitolo sababuulio dunia u moleeto botie diila motota olanto, sababu dunia diila motota lo Allahu Taa̒ala.