YAHYA 1:18 - KITABI HABARI MOPIOHE

¹⁸ Diaaluo tapee̒enta mao̒ loo̒onto Allahu Taa̒ala, ngopohia Walao̒ tuwa-tuwaulo lo Allahu Taa̒ala, u tutuuwauwa wolo Allahu Taa̒ala wau mohulanga daa̒ wo-Lio. Tiolo talo poi̒laalo mai Allahu Taa̒ala to olanto.

YAHYA 1:18 ပူးပေါင်းရင်းမြစ်များ

ILOOWALI 16:13

Ti Hagar malohintu todelomo hilaalio “Wolo otutu watia maloo̒onto Allahu Taa̒ala tahelo poo̒tuoto olaatia?” Yi tio malo langgula Eeya, tamalo tahuda mai to olio, “Allahu Taa̒ala Taa Mopoo̒tuoto”.

ILOOWALI 18:33

Lapatao̒ yilapato lotahuda odelei Abraham, Eeya malonao̒, wau tei Abraham malo hualinga ode belelio.

PILOTIMUA̒TA 23:21

Poo̒tuota mao̒ wau dungohilo tio. Diila pomalakala wolio sababu tio utoliya-U̒, wau tio diila tamo ngambungu totalaamu.

PILOTIMUA̒TA 24:10

wau timongolio loo̒onto Allahu Taa̒ala lo Isirai̒lu tihu-tihula toitaato u hitua-tuawua debo odelo wumbato monto botu nilamu, wau wahue̒nte debo odelo heengo u mobaango.

POHUMAYA 8:30

Wau̒ woluo totili lo Eeya odelo walao̒ tai̒lo hilaa-Lio, timii̒du dulahu wau̒lo tamoo̒ sanangi tutu to Eeya; laito wau̒ hemoitohe boli moitohe totalu lo Eeya.

YESAYA 40:11

Debo odelo ngotaalio lo diiti Eeya molaalai himbalaa-Lio; Eeya lohihilao longambu olimongolio. Mongo walao̒ himba piludu-I̒o, wolo mopiohu hilao lodelo mongo tiilolio.

HIYONGO MOPOILAALO SUUSA 2:12

Wolo woongolo timongolio hilumongo mohile ua̒alo to oliilolio. Debo odelo taa pilalia, timongolio loombahe to dadaa-lalaalo lapatao̒ yilate to too̒opu limaama.

YIA̒APO 12:8

Wau Wau̒ helo bisala wolio tataalua baya, wolo mopatato wau diila wolo tataapulawa. Tumbao̒ baya-U̒ maa iloontongalio! Yilongola timongoli buheli moluwali olei Musa, wato-U̒ boito?”

MATIUSI 11:27

Lapatao̒ ti Isa lobisala, “Totoonulalo u hitua-tuawua mailudu mai li Paapa ode laatia. Diaaluo penu boli ngotaa mao̒ tamotota to Walao̒ ngopohia li Paapa. Diaaluo olo tamotota li Paapa ngopohia Walao̒, wau tau-tauwala ode tatoonu Walao̒ boito mopoo̒taa mao̒ pasali li Paapa.

LUKASI 10:22

Toonulalo u hitua-tuauwa mailudu mai li Paapa to olaa-Tia. Diaaluo mao̒ penu boli ngota tamotota to Walao̒, ngopohia li Paapa. Diaaluo olo tamotota li Paapa, ngopohia lo Walao̒; wau tau-tauwala too̒lita Walao̒ boito yinao mopoo̒taa li Paapa.”

YAHYA 1:14

Tahuda malowali manusia, Tio bilubiluloa̒ to wolotanto, wau ito maloo̒onto odudaa̒-Lio. Odudaa̒ boito tilolimo-Lio odelo Walao̒ Allahu Taa̒ala tatuwa-tuwaulo. Lotimbulude o-Lio ito maloo̒onto Allahu Taa̒ala wau ponu-Lio ode olanto.

YAHYA 12:41

Tei Yesaya loloi̒ya odito sababu tio maloo̒onto odudaa̒ li Isa, wau helo bisala tomimbihu o-Lio.

YAHYA 13:23

Muri tapilonu li Isa hulohuloa̒a to ngotuwali li Isa.

YAHYA 14:9

Boti Isa lolametao̒, “Maa odito hiheolio Wau̒ pee̒-pee̒enta woli mongoli, wau debo diipo iloonuhemu Wau̒, Pilipusi? Taa u malo oonto ola-U̒, malo oonto oli Paapa. Woloolo mola yio̒ mowali moloi̒ya, ‘Pobilohe mai ti Paapa to mongowatotia’?

YAHYA 17:26

Watia malo poi̒laalo tangguli Paapa ode limongolio; wau Watia madebo mohutu mao̒ odito, alihu ponu li Paapa olaa-Tia debo todelomo hilaa limongolio wau Watia motituwau woli mongolio.”

YAHYA 17:6

Watia malo poo̒taa li Paapa ode tau-tauwalo lonto dunia botie tamailudu mai li Paapa olaa-Tia. Timongolio yito miliki li Paapa, wau ti Paapa malohudu mai olimongolio ode Laatia. Timongolio malo dudua̒ tahuda li Paapa.

YAHYA 3:11

Pomalacayalo; ami mobisala bo tomimbihu wolo u otaawa lami, wau ami mongohi sakusi bo tomimbihu wolo umaa iloontonga lami; bo timongoli diila mohuto mololimo u silakusia lami.

YAHYA 6:46

Uito diila oboliilio deu̒ woluo tamaa loo̒onto li Paapa-U̒. Bo Tio tadungga-dungga mai lonto Allahu Taa̒ala, maloo̒onto li Paapa.

2 KORINTUS 4:4

Ila moleeto umotolo kawasa dunia botie moheu̒ta pikiilangi lotau-tauwalo tadiila palacaya boito. Tiolo tamo monto-montola olimongolio alihu timongolio diila moo̒onto tilango monto Habari Mopiohe boito tomimbihu odudaa̒ li Almasi, tadebo odelo bayahu lo Allahu Taa̒ala.

TINGULI 4:12

Lapatao̒ Eeya lotahuda mai ode olemu lonto tulu wau timongoli loo̒dungohe sualaa-Lio, bo diila loo̒onto o-Lio todelomo modeli penuboli woloolo mola wambao̒.

KOLOSE 1:15

Ti Almasi yito bayahu u moi̒laalo monto batanga lo Allahu Taa̒ala udiila oontonga; Ti Almasi yito Walao̒ tamohuhula daa̒, lebe polohuna daa̒ lotoonula u pilowali mai.

1 TIMOTIUS 1:17

Allahu Taa̒ala, Olongia lo totoonulalo jamani, paatuti hurumatiolo wau pujiolo laito, sababu Tiolo tao̒ hiheo-hiheolo mao̒, tadiila oontonga wau tatuwa-tuwaulo! Amin.

1 TIMOTIUS 6:16

Tiolo wambao̒ tadiila mowali kawasaalio lo opopate; Tio tumutumulo todelomo tinelo udiila mowali tahudelo boli lo tatoonu. Diaaluo penu boli ngotaa mao̒ manusia tamaa pee̒enta loo̒onto o-Lio, meaalo mowali moo̒onto o-Lio. To o-Liolo hulumati wau kawasa u ohiheo-hiheolo mao̒! Amin.

YOSUA 5:13

Tou̒ wakutu tuwau tei Yosua woluo totili lo Yerikho. Deebolo tio loo̒onto mao̒ talolai̒ ngota tihutihulo to talulio wolo wamilo upahu-pahuto. Tei Yosua lohimbideo̒ tau boito, wau lohintu mao̒, “Yio̒ botie, tamani, meaalo laawani?”

1 YAHYA 4:12

Diaaluo penu boli ngota mao̒ tapee̒enta loo̒onto Allahu Taa̒ala, bo wonu ito mototoo-lia̒nga, Allahu Taa̒ala motituwau wolanto wau ponu-Lio mowali wimu-wimumuto tutu todelomo batanganto.

1 YAHYA 4:20

Wonu ngotaalio moloi̒ya, “Watia motolia̒ngo Allahu Taa̒ala,” bo tio diila motolia̒ngo wutatio, tau boito mohimbuloa. Sababu taa udiila motolia̒ngo wutatio tailoo-ntongalio, diila pongalo aakali mowali motolia̒ngo Allahu Taa̒ala tadiila iloontongalio.

1 YAHYA 4:9

Allahu Taa̒ala malo pobilohei deu̒ Tio lomonu olanto wolo lolao mai Wala-I̒o tatuwa-tuwaulo ode delomo dunia alihu ito moo̒toduo tutumulo motimbulude to Wala-I̒o boito.

1 YAHYA 5:20

Otaawanto deu̒ Walao̒ Allahu Taa̒ala malei dungga mai wau malongohi pongotota to olanto, alihu ito motota lo Allahu Taa̒ala tao̒tutu. Ito tumutumulo motituwau wolo Allahu Taa̒ala tao̒tutu, wau tumutumulo motituwau wolo Wala-I̒o Isa Almasi. Utieelo Allahu Taa̒ala tao̒tutu, wau utieelo tutumulo u tutuulio tutu wau ohiheo-hiheolo mao̒.