YAHYA 1:17 - KITABI HABARI MOPIOHE

¹⁷ Butoo̒ Eeya tilolimonto lotimbulude olei Musa. Bo ponu wau otatapu wau olootolo hilao lo Allahu Taa̒ala piloi̒laalo lotimbulude li Isa Almasi.

YAHYA 1:17 ပူးပေါင်းရင်းမြစ်များ

ILOOWALI 22:18

Ngoa̒amila bangusa todunia mamo molohone to ola-U̒ alihu Wau̒ mobalakati mai olimongolio debo odelo Wau̒ malo balakati mai waliimu – kalana yio̒ malo dungohe palenta-U̒.”

ILOOWALI 3:15

Yio̒ wau taabua boito mamo loloonua̒, waliilio mola wau waliimu mola mamo mumuusua laito. Waliilio mola mamopo toyopu lunggongumu, wau yio̒ mamo dengeta pai̒ limongolio.”

JABURU 85:10

Otutu, Eeya dapadapato mopoa̒ahu mai taa u saale, Allahu Taa̒ala tau̒daa̒ mamo tipoo̒yo to lipunto.

JABURU 98:3

Eeya loe̒elai ponu wau otatapu wau molotolo hilao lo Eeya to Isirai̒lu, umati lo Eeya. Ngoa̒amila bangusa to ngoilanggubu dunia maloo̒onto ohohaama lo Allahu Taa̒alanto.

MIKHA 7:20

Ode umati lo Eeya, wali mai lei Abraham wolei Yako, Eeya mamo pobilohei otatapu wau olootolo hilao lo Eeya wau ponu lo Eeya udiila eenggadelio boito debo odelo u pilodanti mai lo Eeya ode loluuhuru lo mongowatotia muloololio daa̒.

YAHYA 1:14

Tahuda malowali manusia, Tio bilubiluloa̒ to wolotanto, wau ito maloo̒onto odudaa̒-Lio. Odudaa̒ boito tilolimo-Lio odelo Walao̒ Allahu Taa̒ala tatuwa-tuwaulo. Lotimbulude o-Lio ito maloo̒onto Allahu Taa̒ala wau ponu-Lio ode olanto.

YAHYA 14:6

Tametao̒ li Isa, “Wau̒lo dalalo u pongo taawalo Allahu Taa̒ala wau poo̒tapulalo tutumulo. Diaaluo penu boli ngotaa mao̒ tamowali monao̒ ode Allahu Taa̒ala, wonu diila moli ola-U̒.

YAHYA 18:37

Yi tei Pilatus lohintu mao̒ o-Lio, “Wonu odito, Yio̒ botie olongia?” Ti Isa lolametao̒, “Yio̒ loloi̒ya deu̒ Wau̒ botie olongia. Wau̒ pilotutulio wau dungga-dungga mai ode dunia wolo makusudu tuwau, deu̒ito-yito mai mongohi sakusi pasali lo obobanali. Taa monto obobanali boito mamo dungohe ola-U̒.”

YAHYA 5:45

Diila mao̒ polantobu Wau̒ mamopotala olimongoli totalu lo Allahu Taa̒ala. Tumbao̒ tamaa mopotala olimongoli yito tei Musa.

YAHYA 7:19

Diila tei Musa tamaa longohi mai papaa-lentawalo Allahu Taa̒ala ode olemu? Bo towolota limongoli diaaluo mao̒ talo dudua̒ papaa-lentawalo boito. Yilongola timongoli ohilaa momate ola-U̒ mate-mateelo mao̒?”

YAHYA 8:32

yi mao̒onuhe limongoli Allahu Taa̒ala tao̒tutu, wau masababu uito timongoli malopatolo!”

YAHYA 9:29

Otaawa lami deu̒ Allahu Taa̒ala malo tahuda odelei Musa. Bo pasali lotau boito, diila otaawa lami lonto utoonu asalii-Lio.”

WUNGGULI LOMONGO RASULU 28:23

Yi timongolio wolei Paulus lolantu mao̒ tou̒ dulahio tuwau u modunggaya. Todulahee boito ngohuntua tau lonao̒ mai ode tambati piloti biluloa̒ lei Paulus. Tumulalo mai dimodupo tunggula lolaango tei Paulus lotombangao̒ wau helo pohabari olimongolio habari pasali lou̒ woloolo mola Allahu Taa̒ala momalenta odelo Olongia. Wolo lomake aa̒a-yatiyaala lonto Buku lei Musa wau Buku lo Mongo nabi, tei Paulus helo tolopani mohutu olimongolio palacaya pasali li Isa.

WUNGGULI LOMONGO RASULU 7:38

Tei Musaalo tato huungo bangusa lo Isirai̒lu tohuta ohungaya u luasi daa̒, talowali pilo timbulude ode malai̒kati u lobibii-salawa wolio to Hui̒dee Sinai wolinene moyaanto. Tiolo talo lolimo habari utumu-tumulo u pilopo tunggulai ode olanto.

ROMA 6:14

Dusa diila mowali motolo kawasa olimongoli, sababu timongoli diilalo tumutumulo to walungo butoo̒ agama lo Yahudi bo to walungo odehu hilaa lo Allahu Taa̒ala.

2 KORINTUS 1:20

Sababu lotimbuludei o-Lio Allahu Taa̒ala malo tahuda mai “Ooo̒” ode ngoa̒amila danti-Lio. Patopatoa̒ leeto boitolo ito moloi̒ya “Amin” to Allahu Taa̒ala sababu ti Isa Almasi. Amiaatia lohutu odito alihu Allahu Taa̒ala polaio̒olo.

GALATIA 3:17

U ohilaa too̒owali mai lowatia teea yito utie: danti lo Allahu Taa̒ala mapilohutu wau silaaha mai leimulo. Butoo̒ lo agama uilohi mai wopato hetuto tolo pulu lotaunu lapatio mao̒ diila moo̒lomelo saahalio wau moluluto danti lo Allahu Taa̒ala boito.

TINGULI 33:4

Butoo̒ uilohi mai lei Musa dungohento, miliki ulaba-labaalo ohalaga ode lo bangusa botie.

TINGULI 4:44

Lapatao̒ tei Musa longohi mao̒ bubuu-too̒waalo wau wuwuu-uduwaalo Allahu Taa̒ala ode bangusa lo Isirai̒lu.

TINGULI 5:1

Tei Musa longambu mai ngoilanggubu bangusa lo Isirai̒lu, lapatao̒ loloi̒ya mao̒ olimongolio, “Mongo wutato, dungohi mao̒ bubuu-too̒waalo uwohi mai lowatia todulahee botie olemu. Pobalaajalia mao̒ bubuu-too̒waalo boito, wau dungohi mao̒ wolo tatapu wau molotolo hilao.

IBRANI 9:22

Memangi modudua̒ butoo̒ agama lo Yahudi, ngopee̒ ngoa̒amilalo u hitua-tuawua pomantaliyolo wolo duhu; wau dusa bo mowali ambunguolo wonu woluo duhu pohuwatolo.