YAHYA 1:16 - KITABI HABARI MOPIOHE

¹⁶ Tio polupolu loponu: diila ohuheli-Lio, Tio mobalakati olanto.

YAHYA 1:16 ပူးပေါင်းရင်းမြစ်များ

JABURU 84:7

Tou̒ timongolio donggo nao̒nao̒ molibaya Lumbaya Baaka, tambati boito bilolio̒ limongolio mowali butu lotaluhu, didi bohulio mopodaata daa̒ olio wolo balakati.

JAKARIA 4:7

Totaibuto penu boli debo odelo udaa̒ lo hui̒dee mamohei monto talumu. Yio̒ mamuli momongu Belee-U̒, wau tosaaa̒ti yio̒ mopodutu mao̒ botu tau̒wa lopundasi to tambatilio, tau-tauwalo mamo ngiibode meengahu, ‘Donggo boli gagaalio!’ ”

MATIUSI 13:12

Sababu taa u mailoluo, mawohiyalo poli, lebe dadaata mao̒, wau tio mao̒lebealio. Bo taa diila owolo-wolo, yi ngoi̒di uwoluo to olio, tumbao̒ mahamaalo.

MATIUSI 3:11

Watia mopolihu olimongoli wolo taluhu u mopo biloheo̒ deu̒ timongoli malo lilihu lonto duduu-sawaalo limongoli; bo tamamei dunga mai lapatao̒ Watia, mamo polihu olimongoli wolo Rohullah wau tulu. Tio lebe udaa̒ mao̒ wolaatia. Penu bo modelo sapatu-Lio watia diila paatuti.

MATIUSI 3:14

Bo tei Yahya lohimontala diila lololimo hihiile-Lio boito, wau loloi̒ya mao̒, “wawaatiyalo tapatutilio lihua li Paaa̒. Botia tumbao̒ ti Paaa̒ tamalonao̒ mai ode laatia.”

LUKASI 21:15

Wau̒ lohihilao mamongohi mai tataa-heyaalo wau tinepo olimongoli, tilinggula diaaluo mao̒ penu boli ngota monto mumuusuumu mowali moluwali meaalo momaahu wolo uloi̒ya limongoli.

YAHYA 3:34

Sababu taa uilao mai lo Allahu Taa̒ala mopo tunggulai tataa-heyaalo Allahu Taa̒ala, sababu Rohullah mailohi ode o-Lio lealeaatulo mao̒.

ROMA 5:17

Sababu totala lotaa ngota, opopate loloo̒polo mola ode utoonulalo mao̒ lotimbulude totaa ngota boito. Donggo boli lebe udaa̒ mao̒ poli akibati lou̒ wolo u pilohutu lotaa ngota wewo, deu̒ito-yito li Isa Almasi. Lotimbulude o-Lio, Allahu Taa̒ala lopodaata daa̒ odehu hilaa-Lio totaa u odito daatalio, wau wolo diila ohunalio lopowali olimongolio luli lopiiohe wolo Allahu Taa̒ala; timongolio maa okawasa todunia botie motimbulude li Isa Almasi.

ROMA 5:2

Masababu ito palacaya li Isa, yi Tio lohutu olanto loo̒laasa hitua-tuawua todelomo hilao wau ponu lo Allahu Taa̒ala, wau wolo ponu boitolo ito botia hitumula. Sababu uito hilaanto meengahe sababu ito ohalapani deu̒ ito mamoo̒laasa sanangi tutu uwohi mai lo Allahu Taa̒ala!

ROMA 5:20

Talongohi mai butoo̒ agama lo Yahudi yito Allahu Taa̒ala lohihilao. Bo helebe mao̒ manusia hemo tolopani modungohe butoo̒ boito, helebe mao̒ timongolio hipohutua totala wau odusa to Allahu Taa̒ala. Bo helebe mao̒ manusia hipohutua dusa, Allahu Taa̒ala helebe mao̒ poli momonu olimongolio.

ROMA 8:9

Bo timongoli diila tumutumulo modudua̒ pii̒li lomanusia. Timongoli tumutumulo modudua̒ Rohullah – wonu, tantulio, Rohullah otu-otutuulo mao̒ dulu-dulude todelomo batangamu. Taa diila o Rohu li Almasi, tau boito diila miliki li Almasi.

EPESUS 1:23

Jamaa̒ yito batanga li Almasi, ngoa̒amilalo pilo wimumuto lo Allahu Taa̒ala ngoa̒amilalo tamopo wimumuto totoonulalo u hitua-tuawua penu boli tou̒toonu olo.

EPESUS 3:19

Pohileaala dua̒ timongoli motota ponu li Almasi boito, tilinggula timongoli mopolu lopii̒li lo Allahu Taa̒ala u ngoa̒amilalo wimu-wimumuto.

KOLOSE 1:19

Allahu Taa̒ala lohihilaolo talo kahandaki alihu totoonulalo hitua-tuawua uwoluo tobatanga lo Allahu Taa̒ala, woluo olo wolo wimu-wimumuto tobatanga lo Wala-I̒o.

KOLOSE 2:3

Ti Almasilo talomuo̒ totoonulalo tinepo wau pongotota lo Allahu Taa̒ala u muloololio mai tutuuo̒.

1 PETRUS 1:11

Timongolio helo ngimato woloolo mola wau omolua sua̒li boito mamotoduo, u milakusudu lo Rohu li Almasi uwoluo todelomo batanga limongolio. Tou̒ boito Rohu-Lio lonubuwati mai ode limongolio pasali totoonulalo polodutolo umusi olaasawa li Almasi wau pasali lo odudaa̒a-Lio umamo hunuhei lapatao̒ uito.