YAHYA 1:14 - KITABI HABARI MOPIOHE

¹⁴ Tahuda malowali manusia, Tio bilubiluloa̒ to wolotanto, wau ito maloo̒onto odudaa̒-Lio. Odudaa̒ boito tilolimo-Lio odelo Walao̒ Allahu Taa̒ala tatuwa-tuwaulo. Lotimbulude o-Lio ito maloo̒onto Allahu Taa̒ala wau ponu-Lio ode olanto.

YAHYA 1:14 ပူးပေါင်းရင်းမြစ်များ

JABURU 2:7

Uali olongia, “Wau̒ ohilaa mopo malalumu mola wolo u matilantu mai lo Eeya. Tahudaa-Lio olau̒, ‘Yio̒ walau̒u-U̒ talolai̒, todulahee botie Wau̒ mowali Tiyamamu.

JABURU 45:2

Tataa-heyaalo mopiohu yilumepato lonto hilaau̒, pilodewou̒ lahuuu̒ odeli olongia. Debo odelo pena ngotaalio lo pujangga tamoolato, dilau̒ dapadapato molapalao̒ sai̒ri.

JABURU 85:9

Watia ohilaa modungohe tahuda lo Eeya Allahu Taa̒ala; Eeya lodanti mai osalaamati to olanto, umati-Lio, asali ito diilalo mohutu dusa.

YESAYA 40:5

Yi odudaa̒ lo Eeya mapoi̒laalolo; ngoilanggubu umati lomanusia mamosakusi mao̒. Otutu, Eeya lohihilao malodanti mai!”

YESAYA 53:2

Eeya mokahandaki wato-Lio boito debo odelo tumbuo̒, u mobutu tohuta u mohengu. Diaaluo u gaaga to olio u oontonganto; diaaluo u moa̒anga u otohilaanto.

YESAYA 7:14

Botia, Eeya lohihilao mamongohi mai tuoto olemu: Ngotaalio tadulahu tabanta-bantaala mamo potutu mai ngotaalio talolai̒ tau̒nteelio Imanuel.

YEHESKIEL 37:27

Wau̒ mamoti biluloa̒ woli mongolio, Wau̒ mamowali Allahu Taa̒ala limongolio wau timongolio umati-U̒.

LUKASI 2:11

Todulahe botie tokota lei Dauda mapilo tutulio mai Olongia Tamoo-poa̒ahua olemu deu̒ito-yito ti Isa Almasi, Eeya.

LUKASI 2:7

Tio lopotutu mai walao̒ talolai̒ kikiia̒ ngota walai̒o tamohuhula daa̒. Walao̒ boito dilumumulio wolo kaingi, lapatao̒ pilopo wulidio totambati pongongala lo binatangi u tuatuanga laato; sababu timongolio diila loo̒tapu tambati u pohepita limongolio.

LUKASI 9:32

Towakutu boito tei Petrus wau mongo tamanilio malei tuluhu, bo debolo lobongu lomola, wau loo̒onto li Isa matine-tinela wau taduulota boito tihutihula wo-Lio.

YAHYA 1:1

Tobohulio, tou̒ diipo dunia pilowali mai, Tahuda boito mailoluo. Tahuda woluo pee̒-pee̒enta wolo Allahu Taa̒ala. Wau Tahuda tutuuwauwa wolo Allahu Taa̒ala.

YAHYA 11:40

Ti Isa lolametao̒ oli Marta, “Diila mapilo tahuda-U̒ mai olemu; Wonu yio̒ palacaya, yio̒ mamoo̒onto malo odito udaa̒ kawasa lo Allahu Taa̒ala!”

YAHYA 14:6

Tametao̒ li Isa, “Wau̒lo dalalo u pongo taawalo Allahu Taa̒ala wau poo̒tapulalo tutumulo. Diaaluo penu boli ngotaa mao̒ tamowali monao̒ ode Allahu Taa̒ala, wonu diila moli ola-U̒.

YAHYA 14:9

Boti Isa lolametao̒, “Maa odito hiheolio Wau̒ pee̒-pee̒enta woli mongoli, wau debo diipo iloonuhemu Wau̒, Pilipusi? Taa u malo oonto ola-U̒, malo oonto oli Paapa. Woloolo mola yio̒ mowali moloi̒ya, ‘Pobilohe mai ti Paapa to mongowatotia’?

YAHYA 17:22

Watia malohudu mao̒ olimongolio odudaa̒, uiludu mai li Paapa olaa-Tia, alihu timongolio mowali tuwau, tutuuwauwa debo odelo Ito olo tuwau;

YAHYA 17:24

Paapa, otohila laa-Tia alihu timongolio, tailudu mai li Paapa olaa-Tia, woluo pee̒-pee̒enta wolaa-Tia totambati Watia woluo, alihu timongolio moo̒onto odudaa̒ laa-Tia; deu̒ito-yito odudaa̒ uiludu mai li Paapa olaa-Tia; sababu ti Paapa lomonu olaa-Tia tou̒ dunia diipo pilowali mai.

YAHYA 18:37

Yi tei Pilatus lohintu mao̒ o-Lio, “Wonu odito, Yio̒ botie olongia?” Ti Isa lolametao̒, “Yio̒ loloi̒ya deu̒ Wau̒ botie olongia. Wau̒ pilotutulio wau dungga-dungga mai ode dunia wolo makusudu tuwau, deu̒ito-yito mai mongohi sakusi pasali lo obobanali. Taa monto obobanali boito mamo dungohe ola-U̒.”

YAHYA 2:11

Ui-uitolo bohulo moo̒linggolabe u pilohutu li Isa. Tio lohutu uito to Kana to Galilea. Wolo tuoto boito Tio lopobilohe odudaa̒-Lio. Yi tahidudua̒ o-Lio palacaya o-Lio.

YAHYA 3:16

Sababu Allahu Taa̒ala odito momonu mai manusia todunia botie, tilinggula Allahu Taa̒ala longohi mai Wala-I̒o tatuwa-tuwaulo, alihu timii̒du taa palacaya o-Lio diila binasa, bo moo̒tapu tutumulo ututuulio tutu wau ohiheo-hiheolo mao̒.

YAHYA 3:18

Taa palacaya o-Lio diila hukuu-maniyola. Bo taa diila palacaya mahi lukuumani lo Allahu Taa̒ala, sababu tio diila palacaya to Walao̒ Allahu Taa̒ala tatuwa-tuwaulo.

YAHYA 6:51

Wau̒lo roti u lotuhutai lonto sologa – roti u mongohi tutumulo. Taa u molamela roti botie matumumulo ohiheo-hiheolo mao̒. Roti u mawohi-U̒ ode tutumulo manusia todunia ui-uitolo tapu-U̒.”

YAHYA 8:32

yi mao̒onuhe limongoli Allahu Taa̒ala tao̒tutu, wau masababu uito timongoli malopatolo!”

WUNGGULI LOMONGO RASULU 13:33

uito mapilohutu-Lio olanto lou̒ luli lopo tumulai li Isa lonto opopate. Sababu todelomo Jaburu oluolio woluo tulatulade odie, ‘Yio̒olo Walau̒u-U̒, todulahee botie Wau̒ malowali ti Paapa-Mu.’

ROMA 8:3

Wolo udiila mowali pohutuo butoo̒ lo agama, sababu ito manusia molulupuhu, uito mapilohutu mai lo Allahu Taa̒ala. Allahu Taa̒ala maloo̒-laaheo̒ kawasa lodusa todelomo pii̒li lomanusia lou̒ lolao mai Wala-I̒o lohihilao, tadungga-dungga mai todelomo owowoluwoa u tutuuwauwa wolo manusia tao̒dusa, mai loluluta dusa.

ROMA 9:5

Timongolio yito wali mai linenemoyanto. Ti Almasi odelo pohuli lomanusia asalii-Lio mai lonto bangusa limongolio. Tio lebe lailaio̒ wolo ngoa̒amilalo. Ilopujiaalo mola Allahu Taa̒ala u ohiheo-hiheolo mao̒! Amin.

1 KORINTUS 15:47

Tei Adamu tabohulio pilowali mai monto huta, bo tei Adamu oluolio asaliilio mai monto sologa.

2 KORINTUS 12:9

Bo Eeya lotahuda mai, “Wau̒ momonu olemu wau uito malo tuuu̒de olemu; sababu kawasaa-U̒ tumbao̒ laba-labaalo lotolo wonu yio̒ molulupuhu.” Uito sababuulio watia lebe sanangi mopomangga totoonulalo olulupuhu lowatia, sababu wonu watia molulupuhu, yi tumbao̒ tou̒ boitolo watia molaasa ti Almasi moduo̒lai olaatia wolo olotoo-Lio.

GALATIA 4:4

Bo tosaaa̒tilio utuhata, Allahu Taa̒ala molao mai Wala-I̒o ode dunia. Wala-I̒o boito potutulio mai lotaabua ngota wau tumumula to walungo okokawasa butoo̒ lo agama.

EPESUS 3:8

Towolota lou̒ ngoa̒amila umati lo Allahu Taa̒ala, wawaatiyalo talaba-labaalo hina. Bo penu odito Allahu Taa̒ala longohi mai olaatia ponu botie: tuugasi u mopohabari totau-tauwalo tadiila taulo Yahudi Habari Mopiohe tomimbihu okokaya li Almasi udiila opulitio;

KOLOSE 1:19

Allahu Taa̒ala lohihilaolo talo kahandaki alihu totoonulalo hitua-tuawua uwoluo tobatanga lo Allahu Taa̒ala, woluo olo wolo wimu-wimumuto tobatanga lo Wala-I̒o.

KOLOSE 2:3

Ti Almasilo talomuo̒ totoonulalo tinepo wau pongotota lo Allahu Taa̒ala u muloololio mai tutuuo̒.

KOLOSE 2:9

Sababu ngoa̒amila watade lo Allahu Taa̒ala bilu-biluloa̒ toli Almasi, deu̒ito-yito to omanusia-Lio.

1 TIMOTIUS 3:16

Diaaluo penu boli ngotaa mao̒ mowali momaahu, malo odito udaa̒alio hitua-tuawua u milakusudu hetuuo̒ lo agamaanto; Tio lopo bilohei batanga todelomo rupa lomanusia, wau piloi̒laalo otutu lo Rohullah, wau iloontonga lo mamaa-lai̒katiyalo. Habarilio pilopo toliyongo towolota lo babaa-ngusawalo, wau Tio pilalacaya to ngoilanggubu dunia wau bilinta-I̒o mola ode sologa.

IBRANI 1:3

Tiolo tamopo tinelai odudaa̒ lo Allahu Taa̒ala ulaba-labaalo mobaango; Tiolo gambali u moilaalo monto batanga lo Allahu Taa̒ala lohihilao. Tiolo olo tamolaalai otuwau lo ngoilanggubu aalamu botie wolo kawasa lotahuda-Lio ulaba-labaalo okawasa. Lapatao̒ Tio mopoluasi manusia taa u lopatolo monto duduu-sawaalo limongolio, Tio mamo tihuloa̒ tobele biluloa̒ lo pamalenta to sologa pee̒-pee̒enta wolo Allahu Taa̒ala, Tamongawasa ulaba-labaalo malaio̒.

IBRANI 1:5

Diila pee̒enta mao̒ Allahu Taa̒ala helo tahuda odie penu boli ode ngotaalio lo malai̒kati, “Yio̒olo Wala-U̒; todulahe botie Wau̒ mowali ti Paapamu.” Diila pee̒enta mao̒ Allahu Taa̒ala helo tahuda odie penu boli tomimbihu malai̒kati toonu olo, “Wau̒ mamowali ti Paapa-Lio, wau Tio mamowali Wala-U̒.”

IBRANI 10:5

Uitolo sababuulio tou̒ ti Almasi tilumuwotai ode delomo dunia, Tio lobisala ode Allahu Taa̒ala, “Eeya diila mokahandaki bake wau dewo; bolii̒o mao̒ Eeya malo podapato batanga de ola-U̒.

IBRANI 2:11

Ti Isa lopo belesi manusia lonto duduu-sawaalo limongolio; wau Tio talo pobelesi, wau timongolio tapilo belesi boito pee̒-pee̒enta o Allahu Taa̒ala tuwa-tuwaulo. Uitolo sababuulio ti Isa diila loolito longaku olimongolio boito odelo mongo wuta-Tio.

IBRANI 5:5

Odito olo ti Almasi. Tio diila lomudua̒ batanga-Lio lohihilao lowali Iimamu Daa̒. Allahu Taa̒ala lohihilaolo talo mudua̒ o-Lio. Allahu Taa̒ala lotahuda mao̒ o-Lio, “Yio̒olo Wala-U̒; todulahe botie Wau̒ mowali ti Paapa-Mu.”

1 YAHYA 4:14

Amiaatia lohihilao maloo̒onto Walao̒ Allahu Taa̒ala, wau amiaatia helo pohabari deu̒ Tio yilao mai lo Allahu Taa̒ala u lowali Olongia Tamoo-poa̒ahua dunia botie.

1 YAHYA 4:9

Allahu Taa̒ala malo pobilohei deu̒ Tio lomonu olanto wolo lolao mai Wala-I̒o tatuwa-tuwaulo ode delomo dunia alihu ito moo̒toduo tutumulo motimbulude to Wala-I̒o boito.

2 YAHYA 1:7

Dadaata tamoo-himbuloa malo loo̒opo ode ngoilanggubu dunia. Timongolio yito tau-tauwalo tadiila motolo akuo deu̒ ti Isa Almasi meidungga mai ode dunia odelo ngotaalio lomanusia. Taa udebo odelo uito yito tamoo-himbuloa, wau Musu li Almasi.

WAHI 19:13

Jumba u pilomake-Lio mailomu todelomo duhu. Wau Tio ilunte “Tahuda lo Allahu Taa̒ala”.

WAHI 21:3

Lapatao̒ watia loo̒dungohe suala lonto tambati huhuloa̒ li olongia boito longiibode wolo loo̒ohuu̒, “Botia tambati biluloa̒ lo Allahu Taa̒ala yito pee̒-pee̒enta wolo manusia! Tio matumumulo woli mongolio wau timongolio mamowali umati-Lio. Allahu Taa̒ala lohihilao mawoluo mai woli mongolio wau mowali Allahu Taa̒ala limongolio.