YAHYA 1:12 - KITABI HABARI MOPIOHE

¹² Penu boli odito debo woluo olo talo lolimo o-Lio wau palacaya o-Lio: timongolio yilohia-Lio haku lowali Walao̒ Allahu Taa̒ala,

YAHYA 1:12 ပူးပေါင်းရင်းမြစ်များ

OLUO LO SAMUEL 7:24

Bangusa lo Isirai̒lu mapilowali lo Eeya umati lo Eeya lohihilao u ohiheo-hiheolo mao̒, wau Eeya yaa Eeyaau̒, mowali Allahu Taa̒ala limongolio.

YESAYA 56:5

yi tanggulumu mae̒elaalo todelomo Bele-U̒ wau towolota lo bangusaa-U̒. Uito lebe mopiohu lou̒ omongo walao̒ talolai̒ wau taabua. Timongoli wohiya-U̒ mai tanggulo ohiheo-hiheolo mao̒ u diila tao̒lipata.”

YEREMIA 3:19

Eeya lotahuda mai, “Isirai̒lu, Wau̒ motohilaa mololimo olemu odelo walau̒u-U̒, wau mongohi mai olemu lipu u moo̒sanangi, lipu u mopiohe daa̒ to ngoilanggubu dunia. Wau̒ motohilaa alihu yio̒ molanggula ola-U̒ paapa, wau diilalo molahi monto ola-U̒.

HOSEA 1:10

Bangusa lo Isirai̒lu mamowali mola dadaata wau daatalio debo odelo hungayo to deheto, tilinggula diilalo otonggade meaalo oyia̒apo. Botia Allahu Taa̒ala lotahuda ode limongolio, “Timongoli diila umati-U̒,” bo mamei dungga wakutuulio Tio mamotahuda mai ode limongolio, “Wau̒lo Allahu Taa̒ala tatumu-tumulo wau timongoli mongo walau̒u-U̒!”

MATIUSI 10:40

“Taa u mololimo olimongoli, mamo lolimo ola-U̒. Wau taa u mololimo ola-U̒, mamo lolimo o-Lio talolao mai ola-U̒.

MATIUSI 12:21

ngoa̒amila bangusa mamo tiwunela to o-Lio.”

MATIUSI 18:5

Wau taa u mololimo tau̒kikiia̒ tadebo odelo utie sababu Wau̒, boliilio mao̒ mololimo ola-U̒.”

YAHYA 1:11

Tio dungga-dungga mai odelipu-Lio lohihilao bo bangusaa-Lio diila mololimo o-Lio.

YAHYA 1:7

Tio lonao̒ mai lopo habari pasali lotilango boito, alihu ngoa̒amila tau palacaya.

YAHYA 11:52

Wau diila bo ode bangusa lo Yahudi wambao̒, bo olo u mongambu wau mopotuwau mao̒ mongo walao̒ Allahu Taa̒ala tamalo bubuua̒yawa.

YAHYA 2:23

Tou̒ ti Isa donggo to Yerusalemu tou̒ Lameyangi lo Paska, dadaata taa palacaya o-Lio sababu ngoa̒amila moo̒linggolabe u hepilohutu-Lio.

YAHYA 20:31

Bo ngoa̒amilalo botie tiluladio mai, alihu timongoli palacaya deu̒ ti Isa yito Olongia Tamoo-poa̒ahua, Walao̒ Allahu Taa̒ala, wau sababu palacaya to o-Lio, timongoli mamoo̒tapu tutumulo.

YAHYA 3:18

Taa palacaya o-Lio diila hukuu-maniyola. Bo taa diila palacaya mahi lukuumani lo Allahu Taa̒ala, sababu tio diila palacaya to Walao̒ Allahu Taa̒ala tatuwa-tuwaulo.

WUNGGULI LOMONGO RASULU 3:16

Mongo wutato maloo̒onto wau losakusi wolo u malotoduo mai totaa didu mowali monao̒ botie. Tio malowali lolotolai wau luli silehati mai sababu tio palacaya li Isa wau kawasaa-Lio. Sababu palacaya li Isa yi tau botie maluli silehati totalu lomongo wutato ngoa̒amila.

ROMA 8:14

Tau-tauwalo tadilelo lo Rohullah, deu̒yito-yitomongo walao̒ Allahu Taa̒ala.

ROMA 8:16

Rohullah pee̒-pee̒enta wolo rohunto mopoi̒laalo mai deu̒ ito yito mongo walao̒ Allahu Taa̒ala.

ROMA 8:19

Ngoilanggubu aalamu malo hiwoolola hemohima wakutuulio lo Allahu Taa̒ala mopoi̒laalo mai mongo wala-I̒o.

GALATIA 3:26

Sababu timongoli palacaya li Isa Almasi, yi timongoli lotituwau wo-Lio; wau masababu uito timongoli mowali mongo walao̒ Allahu Taa̒ala.

GALATIA 4:6

Sababu timongoli yito mongo walao̒ Allahu Taa̒ala, Allahu Taa̒ala lopoa̒hu mai Rohu lo Wala-I̒o tilumuwoto ode delomo hilaa lo Wutato wau hilaa lowatia, deu̒ito-yito Rohu u mongibode, “Paapa, oo Paapau̒.”

KOLOSE 2:6

Mongo wutato malo lolimo li Isa Almasi odelo Eeya. Sababu uito mamusi timongoli tumumulo motituwau wo-Lio,

2 PETRUS 1:4

Wolo dudelo boitolo Allahu Taa̒ala longohi mai olanto babaa-lakatiyalo upolu-polutuo̒ daa̒ wau ohalaga umapilo danti-Lio mai. Wolo babaa-lakatiyalo boito timongoli mowali molopato monto totoonulalo ilohilaa moleeto moporuusa todunia botie, wau timongoli mololimo pii̒li u ilahi.

1 YAHYA 3:1

Bilohi mao̒ malo odito ponu lo Allahu Taa̒ala olanto, tilinggula ito ilaku-Lio odelo mongo wala-I̒o. Wau memangi ito yito mongo walao̒ Allahu Taa̒ala. Uitolo sababuulio dunia u moleeto botie diila motota olanto, sababu dunia diila motota lo Allahu Taa̒ala.

1 YAHYA 3:10

Utieelo hiheedio towolota lomongo walao̒ Allahu Taa̒ala wolo mongo walao̒ Ibilisi; titaalo tita diila mohutu kahandaki lo Allahu Taa̒ala, meaalo diila motolia̒ngo wutatio, yi tio diila walao̒ Allahu Taa̒ala.

1 YAHYA 3:2

Mongo wutato tao̒tolia̒ngo! Ito botia yito mongo walao̒ Allahu Taa̒ala, bo owowoluwonto de diipo mopatato. Bo otaawanto deu̒ wonu ti Almasi meidungga mai, ito mamowali debo odelo Tio, sababu mamoo̒onto o-Lio todelomo owowoluwoa-Lio u otutuulio mao̒.

1 YAHYA 3:23

U pilomalenta-Lio mai to olanto yito: Ito musi palacaya to Wala-I̒o, deu̒ito-yito ti Isa Almasi, wau ito musi mototoo-lia̒nga, debo odelo umaa pilomalentai li Almasi to olanto.