YAHYA 1:1 - KITABI HABARI MOPIOHE

¹ Tobohulio, tou̒ diipo dunia pilowali mai, Tahuda boito mailoluo. Tahuda woluo pee̒-pee̒enta wolo Allahu Taa̒ala. Wau Tahuda tutuuwauwa wolo Allahu Taa̒ala.

YAHYA 1:1 ပူးပေါင်းရင်းမြစ်များ

ILOOWALI 1:1

Tou̒ bohulio, wakutu Allahu Taa̒ala lolumulo lopowali mai ngoilanggubu aalamu,

JABURU 45:6

Panamu u molalito molaapata toputu lo musuumu, babaa-ngusawalo modehu totalu lo oa̒atumu.

YESAYA 7:14

Botia, Eeya lohihilao mamongohi mai tuoto olemu: Ngotaalio tadulahu tabanta-bantaala mamo potutu mai ngotaalio talolai̒ tau̒nteelio Imanuel.

YESAYA 9:6

Tio momalenta odelo olongia wali mai lei Dauda, okokawasaalio udaa̒ tutu. Lipulio laito dame aamnai sontosa wau maa̒amulu; pamalentaalio dutadutaa̒a tobutoo̒ wau ua̒adili botia wau ohiheo-hiheolo mao̒. Eeya Taa Laba-labaalo kawasa tantu moponao̒ mao̒ uito.

MATIUSI 1:23

“Tadulahu ngota mao̒mbodaa̒ wau mopotutu mai talolai̒ kikiia̒ ngota. Tau̒kikiia̒ boito mau̒nteelio ‘Immanuel’.” (Immanuel bahasa lo Ibrani u bolilio mao̒, “Allahu Taa̒ala mai wolanto”).

LUKASI 24:53

wau molo laalaaita hemo muji boli puji to Allahu Taa̒ala to Bele lo Eeya. 115

YAHYA 1:14

Tahuda malowali manusia, Tio bilubiluloa̒ to wolotanto, wau ito maloo̒onto odudaa̒-Lio. Odudaa̒ boito tilolimo-Lio odelo Walao̒ Allahu Taa̒ala tatuwa-tuwaulo. Lotimbulude o-Lio ito maloo̒onto Allahu Taa̒ala wau ponu-Lio ode olanto.

YAHYA 1:18

Diaaluo tapee̒enta mao̒ loo̒onto Allahu Taa̒ala, ngopohia Walao̒ tuwa-tuwaulo lo Allahu Taa̒ala, u tutuuwauwa wolo Allahu Taa̒ala wau mohulanga daa̒ wo-Lio. Tiolo talo poi̒laalo mai Allahu Taa̒ala to olanto.

YAHYA 1:2

Tumulalo bohulio mai Tio pee̒-pee̒enta wolo Allahu Taa̒ala.

YAHYA 16:28

Memangi asalii-U̒ lonto li Paapa-U̒, wau malei dungga mai ode delomo dunia. Bo botia Wau̒ mamololaa mao̒ dunia u mohualinga mola odeli Paapa-U̒.”

YAHYA 17:5

Paapa! Pou̒daa̒alo mai Watia botia toli Paapa, wolo odudaa̒ u mililiki lo Watia pee̒-pee̒enta woli Paapa tou̒ dunia botie diipo pilowali mai.

YAHYA 20:28

Tei Tomas malo loi̒ya odeli Isa, “Eeyau̒ wau Allahu Taa̒alau̒!”

YAHYA 8:58

Ti Isa lolametao̒, “Otutu Wau̒ motahuda mai olemu: tou̒ tei Abraham diipo pilotutulio mai, Wau̒ mawoluo.”

ROMA 9:5

Timongolio yito wali mai linenemoyanto. Ti Almasi odelo pohuli lomanusia asalii-Lio mai lonto bangusa limongolio. Tio lebe lailaio̒ wolo ngoa̒amilalo. Ilopujiaalo mola Allahu Taa̒ala u ohiheo-hiheolo mao̒! Amin.

EPESUS 3:9

wau olo alihu motimbuludei olaatia ngoa̒amila tau motota mao̒ woloolo mola Allahu Taa̒ala, Talopowali ngoilanggubu aalamu botie, moponao̒ lanjana-Lio u anggadu muloololio mai daa̒ hitua-tuawua u milakusudu hetuuo̒lo duo̒lo dunia.

PILIPI 2:6

To dasalilio Tio tutuuwauwa wolo Allahu Taa̒ala, bo Tio diila molaasa deu̒ owowoluwoa-Lio u ilahi boito musi poti bintengia-Lio.

KOLOSE 1:15

Ti Almasi yito bayahu u moi̒laalo monto batanga lo Allahu Taa̒ala udiila oontonga; Ti Almasi yito Walao̒ tamohuhula daa̒, lebe polohuna daa̒ lotoonula u pilowali mai.

KOLOSE 1:17

Tou̒ totoonulalo u hitua-tuawua dipoluo, ti Almasi maleimulo mai woluo. Wau sababu Tiolo olo yi totoonulalo u hitua-tuawua tinggai woluo to tambatilio.

1 TIMOTIUS 3:16

Diaaluo penu boli ngotaa mao̒ mowali momaahu, malo odito udaa̒alio hitua-tuawua u milakusudu hetuuo̒ lo agamaanto; Tio lopo bilohei batanga todelomo rupa lomanusia, wau piloi̒laalo otutu lo Rohullah, wau iloontonga lo mamaa-lai̒katiyalo. Habarilio pilopo toliyongo towolota lo babaa-ngusawalo, wau Tio pilalacaya to ngoilanggubu dunia wau bilinta-I̒o mola ode sologa.

TITUSI 2:13

Botia ito donggo hemohima Dulahe u hehalaa-puwonto boito; to Dulahe boito dunia mamoo̒onto odudaa̒ li Isa Almasi, deu̒ito-yito Allahu Taa̒ala Taa Laba-labaalo udaa̒, wau Olongia Tamoo-poa̒ahua olanto.

IBRANI 13:8

Ti Isa Almasi debo tutuuwauwa, mopio muloolo, masaatia, wau tunggula ohiheo-hiheolo mao̒.

IBRANI 7:3

Tomimbihu olei Melkisedek botie diaaluo mao̒ tombango penu boli tou̒toonu deu̒ tio otiyamo meaalo otiilo meaalo onene moya; diaaluo olo tombango pasali pilotutua olio, meaalo opopatelio. Tio tutuuwauwa debo odelo Walao̒ Allahu Taa̒ala; tio yito iimamu tabakaa.

2 PETRUS 1:1

Mongo wutato tao̒tu-otutuulo mao̒ palacaya debo odelo amiaatia! Ti Isa Almasi, deu̒ito-yito Allahu Taa̒ala wau Olongia Tamopo-poa̒ahua olanto, lopoluasi mai olanto palacaya to o-Lio, sababu Tio helohutu u otutu. Tulade botie lonto olei Simon Petrus, ngotaalio lowato wau rasulu li Isa Almasi.

1 YAHYA 5:20

Otaawanto deu̒ Walao̒ Allahu Taa̒ala malei dungga mai wau malongohi pongotota to olanto, alihu ito motota lo Allahu Taa̒ala tao̒tutu. Ito tumutumulo motituwau wolo Allahu Taa̒ala tao̒tutu, wau tumutumulo motituwau wolo Wala-I̒o Isa Almasi. Utieelo Allahu Taa̒ala tao̒tutu, wau utieelo tutumulo u tutuulio tutu wau ohiheo-hiheolo mao̒.

1 YAHYA 5:7

Mohelu totolu sakusi: Rohullah, taluhu wau duhu – toto-totoolulo boito mongohi sakusi u tutuuwauwa.

WAHI 1:11

Suala boito lotahuda mai, “Tulade mao̒ wolo u iloontongamu, wau lawola mola buku boito ode pitu jamaa̒ deu̒ito-yito: ode Epesus, Smirna, Pergamus, Tiatira, Sardis, Piladelpia, wau Laodikia.”

WAHI 1:17

Tou̒ watia loo̒onto mao̒ o-Lio, watia leidambao̒ totalu-Lio debo odelo tailate. Bo Tio lopodutu mai uluu̒-Lio olowala olaatia tulusi lotahuda, “Diila mao̒ oohe! Wau̒lo tabohulio wau tapulitio.

WAHI 1:2

Yi tei Yahya olo helo hungguli mai ngoa̒amila u iloontongalio boito; wau utieelo dudulohuhio tomimbihu tahuli lo Allahu Taa̒ala upiloo̒ toheeto li Isa Almasi lotimbulude to ososakusi-Lio.

WAHI 1:8

“Wau̒lo tabohulio wau tapulitio,” tahuda lo Allahu Taa̒ala tawoluo, tamawoluo, wau tawoluo mololaalaaita, Taa Laba-labaalo kawasa.

WAHI 19:13

Jumba u pilomake-Lio mailomu todelomo duhu. Wau Tio ilunte “Tahuda lo Allahu Taa̒ala”.

WAHI 2:8

“To malai̒kati lojamaa̒ to Smirna, tulade mola odie: Utieelo tahuli monto o-Lio tabohulio wau tapulitio – tamailate wau luli tilumumulai.

WAHI 21:6

Lapatao̒ Tio lotahuda mai, “Mailapato! Wau̒lo tabohulio wau tapulitio; Wau̒lo Eeya monto Bohulio demola Pulitio. Timii̒du taa u mototoa̒ngo, mapelumo-U̒ wolo beebasi monto butu lotaluhu u mongohi tutumulo.

WAHI 22:13

Wau̒lo tabohulio wau tapulitio; Wau̒lo Eeya monto Bohulio demola Pulitio.”

WAHI 3:14

“To malai̒kati lojamaa̒ to Laodikia, tulade mola odie: Utieelo tahuli monto Sangi Amin, Sakusi taatatapu wau molotolo hilao wau otutu, pilobutua mai lo totoonulalo hitua-tuawua u pilowali mai lo Allahu Taa̒ala.