WAHI 7:2 - KITABI HABARI MOPIOHE

² Lapatao̒ watia loo̒onto mola malai̒kati ngota uwewolio yilumenetai lonto tiimuru. Tio delodelo seeheli lonto Allahu Taa̒ala tatumu-tumulo. Wolo suala daa̒ malai̒kati boito lotianga opaato malai̒kati tamaa loo̒tapu kawasa lonto Allahu Taa̒ala u mopoluusa deheto wau tudulio.

WAHI 7:2 ပူးပေါင်းရင်းမြစ်များ

OLUO MONGO OLONGIA 19:4

Ti olongia Asyur malolao ngotaalio polowilalio talailaio̒ u lohina Allahu Taa̒ala tatumu-tumulo. Dia otaawa potala Eeya Allahu Taa̒alaamu malo dungohe polohina boito, wau mamo hukuumani mai olimongolio tahe loloi̒ya mao̒! Sababu uito podua̒alo mola ode Allahu Taa̒ala ode tahidunia olanto tadonggo hitumula.”

LAHU MOLAMAHU 8:6

Powaliyalo wau̒ putu lohilaamu, diila mao̒ pongoo̒dee penu boli olita ngopohia olau̒; sababu otohilaa daa̒ boito debo odelo lotoolio lo mautu, wau napusu okawasa debo odelo opopate. Lei̒itio debo odelo lei̒to tulu u wali-walihuhu wolo moo̒tihela hapato.

YESAYA 41:2

Tatoonu talo poo̒liyoo̒ takawa-kawaasa lonto tiimuru, wau longahi olio u loo̒haama mololaalaaita? Tatoonu talohutu olio helo poo̒laaheo̒ babaa-ngusawalo, lopotaa̒aluku mongo olongia ode olio? Wamilio helohutu olimongolio lopupuulepe debo odelo peaahuo̒, panalio lopopulati olimongolio debo odelo laato hiliipo dupoto.

YEHESKIEL 9:4

“Ponao̒olo ode totoonulalo tutu lokota wau pakea mao̒ tuoto totau̒ lo timii̒du taa u molaasa suukali lohilao wau suusa sababu ngoa̒amila huhutu moo̒olonuo̒ u hepilohutu tokota boito.”

MALEAKHI 3:1

Totametai lo Eeya Taa Laba-labaalo kawasa, “Wau̒ mamolao mai utoliya-U̒ u mopodapato dalalo ola-U̒. Yi wolo tumahuo̒lo mola Wau̒, Eeya tahe lolohu olimongoli, mamei dungga ode Belee-U̒. Utoliya-U̒ tahe wooloolo limongoli boito mamei dungga mai wau mopo malalumu daantiaa-U̒.”

MALEAKHI 4:2

Bo to olimongoli taa modungohe ola-U̒, kawasaa-U̒ u mopoa̒ahu mamobutu mai debo odelo mato lodulahu, wau tinelio mowali mopoo̒oluli. Timongoli mamolopato wau meengahe debo odelo walao̒ sapi u boheli yilumualai monto lantunga.

MATIUSI 16:16

Tei Simon Petrus lolametao̒, “Ti Paaa̒ yito Olongia Tamoo-poa̒ahua Walao̒ Allahu Taa̒ala Tatumu-tumulo.”

MATIUSI 26:63

Boti Isa wambao̒ lotipoo̒oyo. Donggo pee̒entapo ti iimamu daa̒ loloi̒ya mao̒ o-Lio, “Domi Allahu Taa̒ala tatumu-tumulo, polelea mai olami wolo Yio̒ botie Olongia Tamoo-poa̒ahua, Walao̒ Allahu Taa̒ala?”

YAHYA 6:27

Diila mao̒ pokalaja u moo̒tapu mai ua̒alo u mowali mopulito wau mobunuto. Pokalajaalo u moo̒tapu mai ua̒alo udiila mowali mobunuto u mongohi tutumulo ututuulio tutu wau ohiheo-hiheolo mao̒. Ua̒alo boito mawohi mai lo Walao̒ Manusia olemu, sababu Tio mapiluduo̒ lo Allahu Taa̒ala.”

2 KORINTUS 1:22

Woleeto Allahu Taa̒ala malo posaaha mai olanto lowali hakuu-Lio wau Rohu-Lio todelomo hilaanto odelo pongaku deu̒ Tio mamongohi mai olanto ngoa̒amila upilo danti-Lio.

EPESUS 1:13

Timongoli olo malowali umati lo Allahu Taa̒ala tou̒ timongoli lodungoheo̒ tahuli lo Allahu Taa̒ala, deu̒ito-yito Habari Mopiohe umoo̒aahu olimongoli. Timongoli palacaya li Isa Almasi, sababu uito Allahu Taa̒ala longohi mai tuoto miliki-Lio toli mongoli, deu̒ito-yito Rohu-Lio upilo danti-Lio mai.

EPESUS 4:30

Diila mao̒ posuukalia hilaa lo Rohullah. Timongoli masilaaha-Lio wolo Rohu, lowali miliki lo Allahu Taa̒ala. Rohu boito olo debo odelo pongaku deu̒ Dulahu Polobebasi mamei dungga mai ode limongoli.

TINGULI 5:26

Wolo tingga woluo manusia tadebo tumu-tumulo lapatao̒ loo̒dungohe Allahu Taa̒ala tatumu-tumulo helo tahuda mai lonto tulu?

1 TESALONIKA 1:9

Ngoa̒amila tau boito hemobisala pasali woloolo mola timongoli lololimo olamiaatia tou̒ amiaatia omoo̒omolu lonao̒ mai ode limongoli. Timongolio helo bisala tomimbihu woloolo mola timongoli lololaa mao̒ totoonulalo balaahala wau lonao̒ mai ode Allahu Taa̒ala tuwa-tuwaulo tatumu-tumulo u motiwato to o-Lio.

2 TIMOTIUS 2:19

Bo daasali motoheeto u pilohutu mai lo Allahu Taa̒ala diila mowali etuwolo. Toitaatio tulatulade utie, “Eeya moo̒onuhu tau-tauwalo miliki-Lio”, wau “Taa u moloi̒ya deu̒ tio miliki lo Eeya, tau boito musi mohuheli mohutu huhutu utalatala”.

IBRANI 12:22

Bolii̒o mao̒, timongoli malonao̒ mai ode Hui̒de Sion wau kota lo Allahu Taa̒ala u tumutumulo, deu̒ito-yito Yerusalemu u tosologa wolo hilihu-lihua malai̒kati-Lio.

WAHI 1:3

Potisanangilo tutu taa u mopobaca wau taa u modungohe habari nubuwati lobuku botie wau taaa̒ti tou̒ wolo u tulatuladu todelomio. Sababu diilalo mohiheo ngoa̒amilalo boito mamotoduo mai.

WAHI 10:1

Lapatao̒ watia loo̒onto mola malai̒kati ngota tamolotolo boli buheli daa̒ uwewo u lotuhutai lonto sologa. Tio yilanggube loheengo, wau duhi lobutu tuwau libu-libude to lunggongio. Bayalio tine-tinelo debo odelo mato lodulahu, wau oa̒atio wolihi tulu.

WAHI 10:4

Odito opitu bulonggodu boito lotuwahu, watia ohilaa moluladeo̒, bo watia loo̒dungohei suala lonto sologa lotahuda, “Tuua̒ mao̒ wolo uiloi̒ya mai lo opitu bulonggodu boito; diila mao̒ tulade!”

WAHI 16:12

Lapatao̒ uito malai̒kati olomio loluwato mola tuango tapahulalio ode Dutula Eperat uleidaa̒ boito. Yi dutula boito mailooti tilinggula mongo olongia lonto tiimuru lowali lolibaya mao̒.

WAHI 5:2

Lapatao̒ watia loo̒onto mola ngotaalio lo malai̒kati tamolotolo boli buheli daa̒ hemo ngibo-ngiibode wolo suala udaa̒, “Tatoonu tapaatuti momoo̒ mao̒ sesee-heliyaalo botie wau momuo̒ buku botie?”

WAHI 8:3

Ngotaalio lo malai̒kati wewo, tadelodelo podupawa hulawa tuwau, lonao̒ mai wau tilimihula totalu lomesba. To olio yilohia dadaata daa̒ alama u pomuyuhuto to duduu-aawaalo lo ngoa̒amila umati lo Allahu Taa̒ala wau u podewolo tomesba hulawa uwoluo totalu tambati huhuloa̒ li olongia.

WAHI 9:14

Suala boito loloi̒ya mao̒ to malai̒kati olomio boito, “Hulia mao̒ opaato malai̒kati tapungu-pungu to Dutulaa lo Eperat boito!”

WAHI 9:4

Timongolio dilini mopoluusa huo̒yoto, meaalo totoonulalo bungo lo ayu meaalo totoonulalo pilomulo wewolio. Timongolio bo mowali moluhu tau-tauwalo u tobayalio diila o tuoto seeheli monto Allahu Taa̒ala.

BOHULO SEMUEL 17:26

Lapatao̒ tei Dauda loloiya, “Buheli tutu taulo Pilistin takaapiru boito motehengi suludadu lo Allahu Taa̒ala tatumu-tumulo!” Lapatao̒ tio lohintu mao̒ talangota lopajule, “Wolo u mawohi mao̒ ode taa umowali momate-mateelo mao̒ taulo Pilistin boito wau moluluto polohina monto Isirailu?”

BOHULO SEMUEL 17:36

Watotia malomate yila-yilateelo mao̒ singa boli boruangi, wau taulo Pilistin takaapiru boito olo mamowali motutuuwauwa debo odelo bibii-natangiyalo boito, sababu tio buheli mohina suludadu monto Allahu Taa̒ala tatumu-tumulo.