WAHI 5:2 - KITABI HABARI MOPIOHE

² Lapatao̒ watia loo̒onto mola ngotaalio lo malai̒kati tamolotolo boli buheli daa̒ hemo ngibo-ngiibode wolo suala udaa̒, “Tatoonu tapaatuti momoo̒ mao̒ sesee-heliyaalo botie wau momuo̒ buku botie?”

WAHI 5:2 ပူးပေါင်းရင်းမြစ်များ

AYUBA 41:15

Debo odelo porisai leiwoludu, uitolo wuleaalio, leidembinga modetoa̒, debo odelo botu totohetio.

JABURU 103:20

Pujiaalo mola Eeya, wuu mamaa-lai̒kati lo Eeya tamolotolo boli buheli daa̒, tahemo dungohe wau hemoponao̒ palenta lo Eeya.

WAHI 10:1

Lapatao̒ watia loo̒onto mola malai̒kati ngota tamolotolo boli buheli daa̒ uwewo u lotuhutai lonto sologa. Tio yilanggube loheengo, wau duhi lobutu tuwau libu-libude to lunggongio. Bayalio tine-tinelo debo odelo mato lodulahu, wau oa̒atio wolihi tulu.

WAHI 18:21

Lapatao̒ uito, malai̒kati ngota tamolotolo boli buheli daa̒ lomintaa̒ botu tuwau – debo odelo udaa̒ lobotu hihilinga ulei̒daa̒ – tulusi pilomahulio mola ode delomo deheto wau loloi̒ya, “Odieelo mola pohuliilio kota lo Babel umasa-masahulu boito mapo mahulolio lou̒ moo̒ohuu̒ tilinggula diilalo odungga.

WAHI 5:1

Lapatao̒ watia loo̒onto mola lilibu buku tuwau to uluu̒-Lio lo tahulo-huloa̒a totambati huhuloa̒ li olongia boito. Buku boito polupolu lotulade tomohu-mohuwalialio wau mete-metelai wolo pitu seeheli.

WAHI 5:5

Lapatao̒ tala ngota towolota lomongo tau̒wa boito malo loi̒ya mai olaatia, “Diila hiyongo! Bilohi! Singa lonto suku bangusa lo Yahudi, wali mai lei Dauda tau̒daa̒, maloo̒haama. Tio mambo momoo̒ pitu seeheli wau momuo̒ buku boito.”