WAHI 4:9 - KITABI HABARI MOPIOHE

⁹ Opato mahaluku boito hemo polahu lalaa-huwaalo poloi̒laalo momuji, hulumati wau sukuru to o-Lio tahulo-huloa̒a totambati huhuloa̒ li olongia boito, deu̒ito-yito Tio tatumu-tumulo u ohiheo-hiheolo mao̒. Wau tou̒ mamaa-halukuwalo boito hipolahua mola,

WAHI 4:9 ပူးပေါင်းရင်းမြစ်များ

JABURU 47:8

Allahu Taa̒ala yito Olongia to ngoilanggubu dunia, pujialo mola Eeya wolo lahu polupolu lo moa̒aluti!

JABURU 48:14

Poo̒tuotilo dingingo meeselilio, palakisailo biintengilio, alihu timongoli moo̒ wungguli mao̒ to waliimu mola:

PILOTIMUA̒TA 15:18

Yio̒lo Eeya, Olongia, tamo malenta ohiheo-hiheolo mao̒.”

YESAYA 6:1

To delomo taunu li Olongia Ujia yilate mao̒, wau̒ loo̒onto to Eeya. Eeya huluhuloa̒a toitaato kadera li olongia u molanggato wau molamahu. Jumba-Lio lolau̒be ngoilanggubu Bele lo Eeya.

DANIALI 12:7

Taa uwewo boito maa lomintaa̒ mola uluu̒lio mohu-mohualia ode hulungo. Ilodungohe lowatia tio lotadia domi Allahu Taa̒ala taa kakaali wau loloi̒ya, “Totoonulalo u yilowali maa pohu-pohutu ngotilonggadu tolo taunu wau ngoputu. Lapatao̒ polongalinaaya umati lo Allahu Taa̒ala mopaluto, yi mopalutao̒ olo totoonulalo u yilowali u moo̒linggolabe boito.”

DANIALI 4:34

Tou̒ maasa pitu lo taunu boito maa lopaluto, wau̒ yilumanggela mola ode hulungo, lapatao̒ maa longuli mai pikiirangiu̒. Yi pilujiu̒ mola Allahu Taa̒ala Taa Laba-Labaalo Molanggato. Pilopomanggau̒ wau pilopolamahuu̒ Tio taa tumu-tumulo kaakali boito. “Allahu Taa̒ala maa mowali olongia u o hiiheo-hiiheolo mao̒. Tio o kawasa ngohilayaa̒ maasa.

TINGULI 32:40

Domi Wau̒ lohihilao, Allahu Taa̒ala tatumu-tumulo, bintao̒o-U̒ uluu̒u-U̒ wau motadia:

IBRANI 7:25

Masababu uito u ohiheo-hiheolo mao̒ ti Isa mowali mopoa̒ahu tahi ponao̒wa mai ode Allahu Taa̒ala motimbulude to o-Lio, sababu Tio tumutumulo ohiheo-hiheolo mao̒ u moo̒owoli mola polohone ode Allahu Taa̒ala duo̒lo tau-tauwala boito.

IBRANI 7:8

Mongo iimamu tamololimo ngotayade mopulu boito yito taa u mowali mate. Bo modudua̒ to Kitabi, tei Melkisedek talo lolimo wowohi ngotayade mopulu boito yito taa u debo tumutumulo.

WAHI 1:18

Wau̒lo Tio tatumu-tumulo! Wau̒ mailate, bo bilohilo, Wau̒ tumutumulo u ohiheo-hiheolo mao̒. Wau̒ okawasa to opopate, wau todunia lotaamate.

WAHI 10:6

Tio lotadia domi tanggulo Allahu Taa̒ala tatumu-tumulo ohiheo-hiheolo mao̒, talo powali mai hulungo, dunia wau deheto wau totoonulalo hitua-tuawua uwoluo todelomio. Malai̒kati boito loloi̒ya, “Wakutuulio diilalo lohuduwolo.

WAHI 15:7

Lapatao̒ tala tuwau lo wopato mahaluku boito longohi ode opitu malai̒kati boito pitu tapahula hulawa upolu-polu wolo muluka lo Allahu Taa̒ala, – Allahu Taa̒ala tatumu-tumulo ohiheo-hiheolo mao̒.

WAHI 21:5

Lapatao̒ Tio tahulo-huloa̒a toitaato tambati huhuloa̒ li olongia boito lotahuda, “Botia Wau̒ mamohutu ngoa̒amilalo bohu!” Tio lotahuda olo olaatia, “Tuladelo utie, sababu tataa-heyaalo botie otutu wau mowali palacayalo.”

WAHI 4:2

Lolametolo mola watia kiluwaasa mai lo Rohullah. Tulusi watia loo̒onto mola tosologa woluo tambati tuwau huhuloa̒ li olongia, wau woluo tahingota-ngotaawa hulohuloa̒ totambati lo huhuloa̒ li olongia boito.

WAHI 4:8

Opato mahaluku boito, tinggai opolipio̒ wolomo, wau topalitio wau to ambahu delomio polupolu wolo mato. Hui wau dulahu mamaaha-lukuwaalo boito diila mopo huhe-huheli hemo polahu mola, “Mantali, mantali, mantalilo Eeya, Allahu Taa̒ala Laba-labaalo kawasa; tawoluo, tamawoluo, wau tawoluo malolaalaaita.”

WAHI 5:1

Lapatao̒ watia loo̒onto mola lilibu buku tuwau to uluu̒-Lio lo tahulo-huloa̒a totambati huhuloa̒ li olongia boito. Buku boito polupolu lotulade tomohu-mohuwalialio wau mete-metelai wolo pitu seeheli.

WAHI 6:16

To huhuu-ideyaalo wau boboo-tuwaalo boito, timongolio hiwaatia̒, “Tembaalo mai amiaatia! Popotuua̒lo mai amiaatia tobibilo-Hio lo tahulo-huloo̒ toitaato tambati huhuloa̒ li olongia, wau monto omuluka lo Walao̒ Himba boito!

WAHI 7:15

Uitolo sababuulio timongolio tilimihulao̒ totalu tambati huhuloa̒ lo Allahu Taa̒ala, wau helo tabia to o-Lio hui dulahu todelomo Bele lo Allahu Taa̒ala. Wau Tio tahulo-huloa̒ toitaato tambati huhuloa̒ li olongia boito mamei woluo woli mongolio u moduo̒la olimongolio.