WAHI 3:3 - KITABI HABARI MOPIOHE

³ Oditolio, muli poo̒toloma mao̒ wolo u mapilo ngaajali olimongoli muloololio mai wau wolo umaa ilodungohe limongoli. Ponao̒wa mao̒ uito wau polilihulo monto duduusaamu. Wonu timongoli diila mobongu, Wau̒ mamei dungga mai debo odelo tamootao̒wa; wau diila tao̒taawa limongoli omolua wakutuulio Wau̒ meidungga mai.

WAHI 3:3 ပူးပေါင်းရင်းမြစ်များ

YEHESKIEL 20:43

Mola teto timongoli mamoo̒ eela mola to ngoa̒amila huhutu moo̒lonuo̒ u malo ponajisi batangamu. Yi timongoli mamolaasa motuo̒ moe̒ela mola totoonulalo uilowali mai boito.

YEHESKIEL 36:31

Timongoli mamoe̒ela mola to pii̒limu u moleeto wau huhutumu udiila paatuti boito, lapatao̒ timongoli mowali molonuo̒ wolo batangamu lohihilao sababu duduu-sawaalo wau okootolomu boito.

MATIUSI 25:13

Tulusi ti Isa lopoo̒ pulitao̒ pohumaya-Lio boito odie, “Masababu uito poo̒daha-dahaalo mao̒, sababu diila otaawa limongoli dulahio meaalo jamulio.”

MARKUSI 13:33

Oditolio timongoli musi mopoo̒ daha-dahaalo mao̒ wau eelailo mola, sababu diila otaawa limongoli omolua wakutuulio.

MARKUSI 13:36

Wonu tio debolo meidunggalo mai, diila bolo tio moo̒dungga olimongoli donggo hituluhe.

1 TESALONIKA 5:2

Sababu otaawa limongoli lohihilao lou̒ mopatato deu̒ Dulahu podudungga mai lo Eeya boito mamei dungga debo odelo tamootao̒wa meidungga tou̒ hui.

1 TIMOTIUS 6:20

Wolo umapilo malacaya olemu, dahai mao̒ uito tio̒otutua, Timotius! Walahe mao̒ totoonulalo loi̒ya udiila ohuna wau polo hahaamawa tomimbihu susuu-aliyaalo u wolo talatala tilanggula “Pongotota”.

2 TIMOTIUS 1:13

Dudui̒ mao̒ lou̒ tio̒otutua pongaajali u otutu u mailohiu̒ mai olemu. Wau mamusi yio̒ debo motidihu to iimani wau tolia̒ngo u malowali milikinto sababu lotituwau woli Isa Almasi.

IBRANI 2:1

Uitolo sababuulio ito musi lebe tio̒otutua motidihu to popoo-ngajaliyalo umai̒lo dungohento, alihu ito diila mao̒ mololaa iimaninto.

2 PETRUS 1:13

Ngotilonggadu watia tumutumulo, watia molaasa wajibu mopoe̒elai olimongoli to susuu-aliyaalo boito.

2 PETRUS 3:1

Mongo wutatuu̒ tao̒tolia̒ngo! Utieelo tuladu laatia u oluolio ode limongoli. Todelomo oluo lotulade botie, watia motolopani momongu totoonulalo pikiilangi ubelesi tolimongoli.

2 PETRUS 3:10

Bo Dulahe podudungga mai lo Eeya mamei dungga debo odelo tamootao̒wa. To Dulahe boito, hulungo mamooli wolo tingohu bulonggodu, wau uu̒u-pangowalo tohulungo mamaahu mopobu, wau dunia wolo totoonulalo uwoluo todelomio mamooli.

WAHI 16:15

“Dungohilo! Wau̒ dungga-dungga mai debo odelo tamootao̒wa! Potisanangilo tutu taa u debo dapadapato wau modaha boo̒lio, tilinggula tio diila monao̒ lou̒ laalaala wau mowali moolito totalu lotaa dadaata!”

WAHI 2:25

Bo tunggula de tou̒ Wau̒ meidungga mai, mamusi timongoli debo modudua̒ wolo umaa mililiki limongoli.

WAHI 2:5

Sababu uito, poo̒toloma mao̒ malo odito lamingio odudehu limongoli! Polilihulo monto duduusaamu, wau pohutuwalo wolo u hepilohutu limongoli tou̒ bohulio mai. Wonu diila, yi Wau̒ mamonao̒ mai ode olemu wau momahuto oa̒ato tohemu boito monto tambatilio.

WAHI 22:7

“Poo̒tuota mao̒ utie!” tahuda li Isa, “Wau̒ mahua̒a meidungga mai. Potisanangilo tutu tamodungohe loloo-iyaalo lo nubuwati todelomo buku botie!”

WAHI 3:11

Wau̒ hua̒a meidungga mai! Poo̒dahai tio̒otutua wolo u mililiki limongoli, alihu diaaluo penu boli ngotaa mao̒ tamohehu palaseni u ilohaamamu.

WAHI 3:19

Tau-tauwalo tapilonu-U̒ mai, timongoliolo tadiniyo-U̒ wau tabuboa̒a-U̒. Sababu uito mamusi timongoli osumangati, wau polilihulo monto duduusaamu.

WAHI 3:2

Sababu uito, pobongulo, wau poo̒toheeta mao̒ wolo udonggo woluo toli mongoli tou̒ uito diipo yilate sama-samaata. Sababu malotapu-U̒ deu̒ wolo u pilohutu limongoli, dipoolu penu boli tuwau mao̒ u wimu-wimumuto tutu totalu lo Allahu Taa̒ala.