WAHI 3:2 - KITABI HABARI MOPIOHE

² Sababu uito, pobongulo, wau poo̒toheeta mao̒ wolo udonggo woluo toli mongoli tou̒ uito diipo yilate sama-samaata. Sababu malotapu-U̒ deu̒ wolo u pilohutu limongoli, dipoolu penu boli tuwau mao̒ u wimu-wimumuto tutu totalu lo Allahu Taa̒ala.

WAHI 3:2 ပူးပေါင်းရင်းမြစ်များ

BOHULO MONGO OLONGIA 11:4

tilinggula tou̒ tio maa pilanggola mola timongolio loo̒pio olio helolubo ila-ila wewo. Tei Dauda, tiyamo lei Salomo, tatapu wau molotolo hilao to Eeya, Allahu Taa̒alaalio, bo tei Salomo diila debo odelo tiyamalio.

BOHULO MONGO OLONGIA 15:3

Tio diila lealeaatu lohilao tatapu wau molotolo hilao to Eeya Allahu Taa̒alaalio, tingga wewo wolei Dauda, tiyombu liyombulio.

OLUO TAWARI 25:2

Tei Amajia helohutu u loo̒sanangi hilaa lo Eeya, bo wolo hilaa udiila tio̒otutua.

AYUBA 16:5

Hilaamu mapoo̒ lotoluu̒ mai wolo potua hidala-dalaala; tataaheemu mamongohi liyango.

YESAYA 35:3

Poo̒lotolalo uluu̒ u molulupuhu, poo̒toheetalo huu̒ u moe̒etu.

YESAYA 56:10

Tahuda mai lo Eeya, “Mongo tau̒wa lo bangusaa-U̒ yito taa u hipiitoa̒a! Timongolio diila motota lolo-loolo. Timongolio debo odelo apula poo̒poo̒oyo udiila motubohu, bo tuutuluhu wambao̒ wau tohi-tohiilopo. Sanangi daa̒ timongolio tuutuluhu!

YESAYA 57:12

Bo Wau̒ mopoo̒otai olemu; osaalemu boito paaluti, wau ngoa̒amila huhutuumu diila ohuna olemu.

YEHESKIEL 34:16

U mooli malolohu-U̒, u yilapalo madeloo-U̒ mohualingo, u pilalio mapolo baniyo-U̒, u mongongoto mawunemo-U̒, bo u molingohu wau molotolo mapo binasa-U̒, sababu Wau̒ diiti tamohutu mai wolo u mopiohu.

DANIALI 5:27

tilimenga, ti Tuani lowatotia maa tilimenga wau ilodungga diila moo̒luli hilao;

JAKARIA 11:16

Sababu Wau̒ mamongohi tuugasi ngotaalio lodiiti u modaha himbala lohimbaa-U̒, bo tio diila momandungi himba u yilooli; tio diila mololohe himba u yilapalo, diila olo mohunema himba u pilalia, wau diila mongohi ua̒alo ode himba u donggo tumutumulo. Tumbao̒ tio lohihilao lolamela tapu lohimba u molingohe daa̒ wau lomahutao̒ luluu-obeyaalo binatangi boito.

MATIUSI 23:5

Ngoa̒amila u hepohutuo limongolio bo wambao̒ mopobibi totau. Timongolio sangaja momake tali lo potabiaalo u hitaanggala wau mopohayao̒ lumbai-lumbai lojumba limongolio.

MATIUSI 25:13

Tulusi ti Isa lopoo̒ pulitao̒ pohumaya-Lio boito odie, “Masababu uito poo̒daha-dahaalo mao̒, sababu diila otaawa limongoli dulahio meaalo jamulio.”

MATIUSI 25:7

Mongo dulahu mopolu lota boito malobongu, wau lopolei̒tao̒ tohe limongolio.

WUNGGULI LOMONGO RASULU 18:23

Lapatao̒ lotibiluloa̒ teto dengolo mola hiheolio, tio luli lomonggata mola lomilohe madala lo Galatia wau Prigia u helo poo̒lotolo iimani lotau-tauwalo tapalacaya.

TINGULI 3:28

Wohia mao̒ potuhata tei Yosua. Poo̒lotola mao̒ hiaalio, sababu tiolo tamaa modelo bangusa boito ode ngotuali umotihuloa̒a tolipu u iloontongamu boito.’

1 PETRUS 4:7

Totoonulalo u hitua-tuawua malembidei opopulitio, sababu uito mamusi timongoli motolo kawasa mao̒ batanga wau mopoo̒daha, alihu timongoli moo̒dua̒.

1 PETRUS 5:8

Mamusi timongoli mopoo̒daha wau motidapato! Sababu Ibilisi yito balimu. Tio debo odelo singa nao̒ mota nao̒ mai sambela hemo heuwaango mololohe mangusaalio.

WAHI 16:15

“Dungohilo! Wau̒ dungga-dungga mai debo odelo tamootao̒wa! Potisanangilo tutu taa u debo dapadapato wau modaha boo̒lio, tilinggula tio diila monao̒ lou̒ laalaala wau mowali moolito totalu lotaa dadaata!”

WAHI 2:4

Bo utie kabalatani-U̒ to olemu; Timongoli diilalo motolia̒nga ola-U̒ debo odelo u bohulio mai.

WAHI 3:1

“To malai̒kati lojamaa̒ to Sardis, tulade mola odie: Utieelo tahuli monto o-Lio taa ohuu̒wo lo opitu rohu monto Allahu Taa̒ala wau opitu poliyama boito. Otaawa-U̒ wolo upilohutu limongoli. Ualio mao̒ timongoli tumutumulo, lebe-lebe pomao̒ timongoli yilate!

WAHI 3:3

Oditolio, muli poo̒toloma mao̒ wolo u mapilo ngaajali olimongoli muloololio mai wau wolo umaa ilodungohe limongoli. Ponao̒wa mao̒ uito wau polilihulo monto duduusaamu. Wonu timongoli diila mobongu, Wau̒ mamei dungga mai debo odelo tamootao̒wa; wau diila tao̒taawa limongoli omolua wakutuulio Wau̒ meidungga mai.