WAHI 2:9 - KITABI HABARI MOPIOHE

⁹ Otaawa-U̒ totoonulalo polodutolo limongoli; otaawa-U̒ timongoli mosikini – bo otutuulio mao̒ timongoli kaya! Otaawa-U̒ pipii-tanawalo u pilomukai̒o olimongoli lotau-tauwalo tahi pongakua batangalio Yahudi, lebe-lebe pomao̒ diila; timongolio yito umati lo Ibilisi!

WAHI 2:9 ပူးပေါင်းရင်းမြစ်များ

MATIUSI 4:10

Ti Isa lolametao̒, “Pohinggi mao̒ yio̒, wuu Tamoo-heingawa ode dusa! Todelomo Kitabi tulatulade: Tubowa mola Allahu Taa̒ala Eeyaamu, wau pomayaalo to Eeya wambao̒!”

LUKASI 12:21

Odieelo mola waliilio lou̒ timii̒du tahemo tolopani mowali kaya ode batangalio lohihilao, bo diila motolopani mowali kaya tomato lo Allahu Taa̒ala.”

LUKASI 22:65

Donggo dadaata tataa-heyaalo u mohina hepomukao̒ limongolio o-Lio.

LUKASI 4:18

“Rohu lo Eeya woluo to ola-U̒, sababu Tio malo muduo̒ ola-U̒ mopohabari Habari Mopiohe ode taa mosikini. Tio lalao mai ola-U̒ mopo malalumu polobebasi totaa leitawalo wau mopoo̒luli totaa pitoo̒: u mopobebasi taa hideehe

LUKASI 6:20

Ti Isa lomiloheo̒ tahidudua̒ o-Lio tulusi lotahuda mao̒, “Potisanangilo tutu timongoli tahi mosikinia, sababu timongoli yito pongawaa̒ umati lo Allahu Taa̒ala!

YAHYA 16:33

Ngoa̒amilalo botie polele-U̒ mai alihu timongoli moo̒toduo mai moa̒ahu sababu motituwau wola-U̒. To dunia timongoli mamodutolo. Bo poo̒toheeta mola hilaamu! Dunia maa ilolaahe-U̒!”

WUNGGULI LOMONGO RASULU 14:22

To kokoo-tawaalo boito timongolio helo poo̒lotolo hilaa lo tahidudua̒ li Isa wau helo nasehati to tahidudua̒ boito alihu debo palacaya li Isa. “Ito wajibu meimulopo modutolo dadaata deu̒yito ito mamoo̒ toduo mai usanangi tutu to Dunia Bohu lo Allahu Taa̒ala,” odieelo mola mongo rasulu boito helo ngaajali to tahidudua̒ li Isa to kokoo-tawaalo boito.

WUNGGULI LOMONGO RASULU 26:11

Poo̒-poo̒daata watia helo posikisa olimongolio to bebee-leyaalo potabiaalo, alihu momakusa olimongolio momaahu wolo u pilalacaya limongolio. Odito patulio hilaa lowatia olimongolio tilinggula ode kokoo-tawaalo wewo olo henilanao̒ lowatia u mohilapita olimongolio mola teto.”

ROMA 12:12

Mamusi Wutato motiwunela to Eeya wolo wengahu, posabalilo todelomo usuusa, wau poti otutuulo modua̒.

ROMA 2:17

Bo botia woloolo mola wolo Mongo wutato lohihilao? Wutato longaku lohihilao taulo Yahudi. Wutato lotiwunela tobutoo̒ agama lo Yahudi wau Wutato leengahu wumbuta lo Wutato wolo Allahu Taa̒ala.

ROMA 5:3

Wau lebe mao̒ leeto, ito olo meengahe todelomo polodutolo, sababu otaawanto deu̒ polodutolo boito mohutu tau mowali moo̒olohu,

ROMA 8:35

Wolo woluo tamowali mongabuta li Almasi momonu mai olanto? Wolo osuusa mowali mongabuta o-Lio, meaalo otootolo, meaalo polo ngalinaya, meaalo polobiti, meaalo omosikini, meaalo baala, meaalo opopate?

ROMA 9:6

Watia diila omakusudu moloi̒ya deu̒ danti lo Allahu Taa̒ala madiilalo ohuna; bo diila ngoa̒amila taulo Isirai̒lu yito umati tatilulaoto Allahu Taa̒ala.

2 KORINTUS 6:10

Eleponu hilaa lamiaatia pilopo suukalilio, bo amiaatia laito motiwengahu olo. Oontonga mao̒ amiaatia mosikini, bo amiaatia maloo̒ kaya totaa dadaata. Oontonga mao̒ amiaatia diila owolo-wolo, bo tutuulio tutu amiaatia motolo miliki totoonulalo u hitua-tuawua.

2 KORINTUS 8:2

Timongolio matilesi wolo osusuu-kaliyaalo u hibuuheta. Bo tohuungo lo osusuu-kaliyaalo boito, timongolio hiwengahe wau muura daa̒ lohilao todelomo hemongohi sadaka u motulungi taa wewo, eleponu timongolio mosikini daa̒.

2 KORINTUS 8:9

Sababu otaawa limongoli tutu deu̒ ito otolia̒ngo daa̒ li Isa Almasi Eeyanto. Tio kaya bo Tio lohutu batanga-Lio lowali mosikini ode polohuna daa̒ limongoli, alihu wolo omosikini-Lio boito, timongoli mowali kaya.

1 TESALONIKA 3:4

Tou̒ amiaatia donggo pee̒-pee̒enta woli mongoli, amiaatia malo poo̒taa mai olimongoli leimulo deu̒ ito mamodutolo. Wau uito memangi tutuulio tutu malotoduo; otaawa limongoli lohihilao uito.

1 TIMOTIUS 1:13

eleponu omoo̒omolu watia helo pitana wau longalinaya wau lohina o-Lio. Bo Allahu Taa̒ala lomonu mai olaatia, sababu tou̒ boito watia diipo palacaya, oditolio diila otaawa laatia wolo umusi pohutuo laatia.

1 TIMOTIUS 6:18

Pohilea mao̒ olimongolio u mopobilohu umopiohe, u mohutu dadaata susuu-aliyaalo umopiohu muura lohilao wau motohilaa mongohi.

WAHI 1:9

Watia, Yahya, wutatumu tango paladu woli mongoli todelomo polodutolo u ilolaasawa lotimii̒du tahidudua̒ li Almasi. Ito taaba modutolo odelo umati miliki-Lio. Watia pilomai̒lio ode pulo Patmos sababu watia helo pololadu tahuli lonto Allahu Taa̒ala, upiloo̒ toheto li Isa lotimbulude to ososakusi-Lio.

WAHI 2:13

Otaawa-U̒ tou̒toonu pilo tibiluloa̒ limongoli, deu̒ito-yito totambati huhuloa̒ lo Ibilisi. Timongoli tatapu wau molotolo hilao to ola-U̒. Tumbao̒ tou̒ tei Antipas, sakusii-U̒ taatatapu wau molotolo hilao boito, pilatelio yila-yilateelo mao̒ totalumu tomalakasi lo Ibilisi, timongoli diila lomaahe deu̒ timongoli palacaya to ola-U̒.

WAHI 2:2

Otaawa-U̒ wolo u hepohutuo limongoli: Timongoli hipo kalajawa tio̒otutua wau timongoli sabali daa̒. Otaawa-U̒ deu̒ timongoli diila mongohi hilao totaa moleeto. Wau tau-tauwalo tahi pongakua batangalio rasulu lebe-lebe pomao̒ diila, matilesi limongoli, wau lotapu limongoli deu̒ timongolio mohimbuloa.

WAHI 2:24

Bo timongoli tawewo-wewolio to Tiatira diila helo dudua̒ pongaajali u moleeta boito, wau diila helo balajali totoonulalo ilimi lo Ibilisi. Wau̒ motahuda mai deu̒ Wau̒ diila tamo duhengai olemu banta umopoo̒ buheeto olemu.

WAHI 3:9

Poo̒toloma mao̒ utie: Tau-tauwalo talowali umati lo Ibilisi boito, mohimbuloa, tahi pongakua batangalio Yahudi lebe-lebe pomao̒ diila, mapo hutuwo-U̒ tilinggula timongolio mai mosujudu totalumu. Wau mao̒taawa mao̒ limongolio deu̒ Wau̒ momonu olemu.

WAHI 7:14

“Diila otaawa lowatia, Tuani. Ti Tuani lohihilao tamotota,” tametao̒ lowatia. Yi ualio mai olaatia, “Utieelo tau-tauwalo tamaa loa̒ahu loli maasa lo alinaaya ulaba-labaalo tutu. Timongolio malo moboa̒a jumba limongolio wau lohutu mao̒ lowali loputio̒ wolo duhu lo Walao̒ Himba boito.