WAHI 11:9 - KITABI HABARI MOPIOHE

⁹ Tau-tauwala monto ngoa̒amila lipu, suku, bahasa, wau bangusa mamoo̒onto milate limongolio ngotilonggadu otolu wau ngoputu lodulahu, wau diila mopoluasi mao̒ mimii-lateyaalo boito lobungolo.

WAHI 11:9 ပူးပေါင်းရင်းမြစ်များ

WAHI 17:15

Malai̒kati boito loloi̒ya olo, “Taluhu u ilootongamu boito, tambati pilo tihuloa̒a lo tasuuntali boito, deu̒ito-yito babaa-ngusawalo, raraa-aayatiyalo, lilii-puwaalo, babaa-hasawaalo.

WAHI 11:11

Lapatao̒ otolu lodulahu wau ngoputu, medunggalo mai napasi lo tutumulo monto Allahu Taa̒ala wau muli tumuwoto ode delomo nabi duulota boito. Timongolio olo mamobongu wau timihulo, tilinggula ngoa̒amila tamoo̒onto olimongolio mowali moohe daa̒.

WAHI 10:11

Lapatao̒ watia pilalentalio, “Pee̒entapo pololadelo habari lo Allahu Taa̒ala pasali lo babaa-ngusawalo, lilii-puwaalo, babaa-hasawalo, wau mongo olongia.”

WAHI 13:7

Tio yiluasia olo moluwali umati lo Allahu Taa̒ala wau mopo olaaheo̒ olimongolio. Wau okokawasa to ngoa̒amila suku, lipu, bahasa, wau bangusa yilohilio olio.

TAMOO-HUTUBAWA 6:3

Eleponu ngotaalio owalao̒ ngohetuto lota wau tumutumula mohiheo tilinggula moo̒oma umulu panggola, bo wonu tio diila molaasa sanangi tutu wau diila olo moo̒tapu polobungalo u paatuti, yi modudua̒ huhamaau̒, tau̒nge u pilotutulio mai wau yilate boito lebe mopiohu paladio wolo tau boito.

WAHI 5:8

Tou̒ Walao̒ Himba boito donggo hemohutu odito, malei dambao̒lo mola opato mahaluku wau odulo pulaa pato tau̒wa boito totalulio. Timongolio ngota-ngota hidihuma kocapi wau manggo hulawa u tuatuanga alama, deu̒ito-yito duduua̒waalo umati lo Allahu Taa̒ala.

MATIUSI 7:2

Sababu woloololio mola timongoli momutoo̒ taawewo, odito olo Allahu Taa̒ala momutoa̒i olimongoli. Wau tuuu̒du u pomake limongoli ode taawewo, mapomake lo Allahu Taa̒ala olo ode limongoli.

YEREMIA 7:33

Mimii-lateyaalo limongolio mamowali ua̒alo bulungi wau binatangi mongantau, lou̒ diaaluo tamomuhu mao̒.

YESAYA 33:1

Matopotala mumuu-suunto! Timongolio hemolambato eleponu diila yilambatio, wau mohiyanati eleponu diila hiliyanati. Bo lapatao̒ molambato wau mohiyanati, timongolio lohihilao mamowali bake lopolo lambato wau polohiyanati.

BOHULO MONGO OLONGIA 13:22

Ito maluli lohualingai wau lolamela longilu, lebe-lebe pomao̒ Ito madilini u mohutu sua̒li boito. Sababu uito Ito mapateelio mate-mateelo mao̒, wau milate-Nto diila talobungolio to kuubulu lo ngaalaa-Nto.”

WAHI 5:9

Timongolio hemo polahu mola lahu tuwau u bohu: “Yio̒ paatuti mohama mao̒ buku boito wau momoo̒ sesee-heliilio. Sababu Yio̒ mapilatelio yila-yilateelo mao̒, wau wolo opopate-Mu, manusia monto totoonulalo suku, bahasa, lipu wau bangusa matilali-Mu ode Allahu Taa̒ala.