WAHI 11:3 - KITABI HABARI MOPIOHE

³ Wau̒ mamolao mai duulota sakusii-U̒ tapakepake boo̒ limilimi, wau timongolio mamopo malalumu habari lo Allahu Taa̒ala ngotilonggadu ngolihu dulo hetuto wolomo pulu hui mola.”

WAHI 11:3 ပူးပေါင်းရင်းမြစ်များ

ILOOWALI 37:34

Tei Yako malo ngedenga pakeyangilio kalana mooloolo wau helomake pakeyangi ilopate. Hei̒lo dula-dulaheelio mola hiheolio hehili yongalio walai̒o boito.

OLUO LO SAMUEL 3:31

Lapatao̒ tei Dauda lopoa̒hu olei Yoab wau tahidudua̒ olio alihu mongaidinga pakeyangi limongolio, wau momake kaingi ilopatea wau mohilimutao̒ olei Abner. Wau tou̒ lodepita milate, ti Olongia Dauda lohihilao lonao̒ towulea bulua lomilate.

BOHULO MONGO OLONGIA 21:27

Lapatao̒ tei Elia yilapato lobisala, tei Ahab malo ngaidinga pakeyangilio wau lomake mao̒ kaingi kado odelo tuoto ololee̒lio, lapatao̒ lopuasa. Penu boli motuluhe olo tio helomake kaingi kado, wau wonu monao̒, bayalio wunu-wunula tulusi.

OLUO MONGO OLONGIA 19:1

Tou̒ ti Olongia Hiskia loo̒dungohe podulohu lo tatoulota boito, tio malo ngaidinga pakeyangilio wau lomake kaingi kado tuotio siluukali lohilao, lapatao̒ lonao̒ mota ode Bele lo Eeya.

BOHULO TAWARI 21:16

Tei Dauda loo̒onto mola malai̒kati laya-layango to wolota lo hulungo wau huta. Wolo wamilo to uluu̒, malai̒kati boito dapa-dapato u mopobinasa Yerusalemu. Yi tei Dauda wau mogo tau̒wa ulipu, tatou̒ boito donggo hipakea kado tuotio hilee̒ea, losujudu lomola ode huta.

NEHEMIA 9:1

To boitolo, ulipu lo Isirai̒lu lotia̒mbu mao̒. Tmongolio helopuasa u lopobiloheo̒ ololee̒e to duduu-sawaalo limongolio. Timongolio helo pohalahe batanga lonto ngoa̒amila tau deli. Odelo tuoto ilodungga lou̒ suukali, timongolio helomake kaingi kado wau helo mua̒yadeo̒ huta to lunggongi mongolio. Lapatao̒ timongolio tilimihula mola wau helongaku totoonulalo dusa limongolio wau dusa loluuhuru limongolio.

AYUBA 16:15

Wau̒ lomake kado tuotio siluukali lohilao, wau lotihuloa̒ to peaahuo̒ sababu ilolaahelio.

JABURU 69:11

Watotia hilumoyongo wau lopuasa, bo timongolio helohina olo watotia.

YESAYA 22:12

Tou̒ boito Eeya Taa Laba-labaalo molanggato wau Laba-labaalo kawasa mopoa̒hu olimongoli humoyongo wau mohilimuta, monguluhe lunggongo wau momake kaingi kado.

YEREMIA 1:10

To dulahee botie Wau̒ mongohi mai olemu kawasa ode babaa-ngusawalo wau yiyii-laidiaalo – kawasa u mopolohubu wau mopoa̒ntulu, u mopowulide wau mopobinasa, u momongu wau mopomulo.”

HIYONGO MOPOILAALO SUUSA 2:10

Mongo panggola lokota hulo-huloa̒a hipoo̒yonga tohuta; timongolio hemo pomua̒ayade peaahuo̒ toitaato lunggongo, wau lomake kaingi yute tuotio ilopatea. Mongo dulahu olo lotidungu demola huta.

YEHESKIEL 4:6

Lapatao̒ uito, potibalatolo motiyintili ode olowala wau laasailo mao̒ hukuumani to totala lo Yehuda wopato pulu hui mola hiheolio, ngohui mopobayahe ngotaunu hukuumani limongolio.

DANIALI 12:7

Taa uwewo boito maa lomintaa̒ mola uluu̒lio mohu-mohualia ode hulungo. Ilodungohe lowatia tio lotadia domi Allahu Taa̒ala taa kakaali wau loloi̒ya, “Totoonulalo u yilowali maa pohu-pohutu ngotilonggadu tolo taunu wau ngoputu. Lapatao̒ polongalinaaya umati lo Allahu Taa̒ala mopaluto, yi mopalutao̒ olo totoonulalo u yilowali u moo̒linggolabe boito.”

DANIALI 7:25

Tio mamobisala moluwali Allahu Taa̒ala Taa Laba-labaalo molanggato wau modeehe umati lo Allahu Taa̒ala. Tio mamo tolopani molomelo bubuu-too̒waalo wau popoo-tihungguwalo agama umati lo Allahu Taa̒ala, wau timongolio makawasaalio ngotilonggadu tolo taunu wau ngoputu.

DANIALI 8:14

Ilodungohe lowatia malai̒kati ungota poli lolametao̒, “Tunggula ngolihu wau ngohetuto limo lopulu hui mola poli. Ngotilonggadu uito bake lolaango wau bake dumodupo diila podewolo. Lapatao̒ uito bolo bele potobiaalo mapo nguliyolo.”

YOEL 1:13

Wuu mongo iimamu tahemomayawa tomesba, pomakeaalo mao̒ kaingi yute, wau hiyongolo mola. Tuwotolo ode Bele lo Eeya u mohilimuta oo̒onuwalo mao̒, sababu diaaluo bake lo angguru wau pale duo̒lo Allahu Taa̒alamu.

YUNU 3:5

Ulipu lo Niniwe palacaya totahuli lo Allahu Taa̒ala boito. Ngoa̒amila ulipu malolantu u mopuasa, wau ngoa̒amila tau, mopio udaa meaambo kikiio̒, helomake kaingi yute u mopobiloheo̒ deu̒ timongolio malolee̒e to duduu-sawaalo limongolio.

YUNU 3:8

Manusia wau binatangi musi momake kaingi yute. Odelo tuoto lou̒ pololee̒e yi ngoa̒amila tau musi modua̒ mola wolo otu-otutuulo mao̒ ode Allahu Taa̒ala. Timongolio musi mopoo̒ pioheo̒ pii̒liilio u moleeto wau huhutuulio u polupolu lodusa.

YIA̒APO 11:26

Duulota towolota pitu lopulu lota tau̒wa boito, tei Eldad wolei Medad, lotitolaa mao̒ to kema wau diila lonao̒ pee̒-pee̒enta wolo tawewo ode Kema lo Eeya. To kema boito Rohu malolaahei ode yitaati mongolio, wau timongolio duulota olo malo ngibo-ngiibodu debo odelo nabi.

MATIUSI 11:21

“Matopotala timongoli, Korajim! Wau matopotala olo timongoli, Betsaida! Humayaalio totoonulalo moo̒linggolabu u pilohutu tohuungi mongoli mapilohutu to Tirus wau Sidon, yi tantu tau-tauwalo mola teto malohiheo lolilihu lonto duduu-sawaalo limongolio wau helomake boo̒ lomilate wau helo podutu peaahuo̒ to lunggongi mongolio.

MATIUSI 18:16

Bo wonu diila, podelo mota ngota meaanto duulota poli. Sababu todelomo Kitabi tulatuladu, ‘Pulito ngoi̒dilio duulota meaalo toulota sakusi tapalaluwolo u mopoi̒laalo ngotaalio tapilo tulude boito ototala.’

LUKASI 10:13

“Matopotala timongoli, Korajim! Wau matopotala timongoli, Betsaida! Humayaalio mamoo̒o-linggolabeyalo u pilohutu tohuungi mongoli boito mapilohutu tokota Tirus wau Sidon, matantu tau-tauwalo mola teto malohiheo lolilihu to duduu-sawaalo limongolio, wau momake boo̒ motilimi wau mopodutu peyahuo̒ to lunggongi mongolio.

LUKASI 24:48

Matimo-timongolilo tamowali sakusi tou̒ ngoa̒amilalo boito.

YAHYA 15:27

Wau timongoli olo musi mongohi sakusi pasali ola-U̒, sababu timongoli mapee̒-pee̒enta wola-U̒ anggadu bohuliolo mai.

YAHYA 3:27

Tei Yahya lolametao̒, “Manusia diila mowali owolo-wolo wonu tio diila wohia mai lo Allahu Taa̒ala.

WUNGGULI LOMONGO RASULU 1:8

Bo timongoli mamoo̒tapu kawasa, wonu Rohullah malei dungga mai ode limongoli. Wau timongoli mamowali sakusi ola-U̒ to Yerusalemu, to ngoilanggubu Yudea, to Samaria, wau tunggula ode huudio lodunia.”

WUNGGULI LOMONGO RASULU 13:31

Lapatao̒ oduduu-laheelio mola hiheolio Tio helonao̒ mai lopobilohe batanga totau-tauwalo talonao̒ mai wo-Lio lonto Galilea ode Yerusalemu. Timongolio boitolo tamasaatia lowali mongo sakusii-Lio ode bangusa lo Isirai̒lu.

WUNGGULI LOMONGO RASULU 2:32

Ti Isa botieelo taluli pilo tumulai lonto opopate lo Allahu Taa̒ala. Ami ngoa̒amila malo sakusi lohihilao sua̒li boito.

WUNGGULI LOMONGO RASULU 3:15

Mongo wutato lomate o-Lio yila-yilateelo mao̒, lebe-lebe pomao̒ tumbao̒ Tiolo bungo lo tutumulo duo̒lo taa ngoa̒amila. Wau Allahu Taa̒ala maluli lopo tumulai o-Lio lonto opopate. Masilakusia lami lohihilao sua̒li boito.

1 KORINTUS 12:28

Odito olo todelomo jamaa̒, Allahu Taa̒ala malolantu mai tambati lotau tahidala-dalaala: Bohu-bohulio mongo rasulu; oluolio, mongo nabi, otolulio guguu-ruwaalo, lapatao̒ timongolio tamohutu totoonulalo u moo̒linggolabu, lapatao̒ timongolio tailohia ponu u mopoo̒luli tau, meaalo u motulungi taawewo, meaalo u motitau̒wa, meaalo u mobisala wolo bahasa hidala-dalaala u moo̒linggolabe.

2 KORINTUS 13:1

Utie yito u otolulio watia monao̒ mai mobiilohe woli mongoli. Todelomo Kitabi tulatulade, “Timii̒du palakala musi osakusi duulota meaalo toulota, bolo palakala boito saaha.”

EPESUS 4:11

Tiolo “talongohi mai totoonulalo wowohi tomanusia”; ngotayadu piludu-I̒o lowali rasulu, tawewo lowali nabi; tawewolio poli lowali Tamo pohabaria Habari Mopiohe boito, wau tawewo poli piludu-I̒o lowali guguu-ruwaalo wau tamolaalawa jamaa̒.

TINGULI 17:6

Bo tio bo mowali hukuu-maniyolo mate wambai̒o wonu osakusi duulota meaalo lebe; tahingota-ngotaawa diila mowali hukuu-maniyolo mate bo patopatoa̒a to katalaangani losakusi ngota wambai̒o.

TINGULI 19:15

“Ngotaalio losakusi wambao̒ diila motuuu̒de u mopoi̒laalo mao̒ ngotaalio potu-potuludu ototala; ngoi̒dilio duulota sakusi palaluwola to sua̒li boito.

WAHI 1:5

wau monto li Isa Almasi sakusi taa tatapu wau molotolo hilao. Tiolo tabohu-bohulio muli pilotumulai monto opopate wau Tio olo tao̒kawasa tomongo olongia lodunia. Ti Isa momonu olanto, wau wolo opopate-Lio Tio lopo lopato olanto lonto duduusaanto,

WAHI 11:2

Bo diila mao̒ tuu̒de paangio u toa̒mbahu bulemengo Bele lo Allahu Taa̒ala, sababu tayade boito mailudu ode tau-tauwalo tadiila hitootawa to Eeya. Timongolio mamoduta-dutaa̒a kota u mantali boito ngotilonggadu wopato pulaa dulo hula mola.

WAHI 11:6

Timongolio okawasa u moheu̒ta hulungo alihu diila modehu didi ngotilonggadu timongolio donggo hemo pomalalumu habari lo Allahu Taa̒ala. Timongolio olo okawasa to ngoa̒amila butu lotaluhu, u momolio̒ taluhu mowali duhu. Wau timongolio okawasa olo u molotaa̒a dunia wolo totoonulalo baala u hidala-dalaala, omolua wambai̒o otohilaa pohutuo mao̒ limongolio.

WAHI 12:6

Yi taabua boito tilumetea̒ ode huta datahu u luasi daa̒ wau delita, ode tambati u mapilo dapato Allahu Taa̒ala olio. Totambati boito tio mataalaalo hiheolio ngolihu dulo hetuto wolomo pulu hui mola.

WAHI 13:5

Binatangi boito yiluasia moloi̒ya susuu-aliyaalo u batingga daa̒ wau mohina Allahu Taa̒ala. Tio yiluasia momalenta wopato pulaa dulo hula mola hiheolio.

WAHI 19:10

Watia leidambao̒lo mola totalu lo malai̒kati boito wau ohilaa molubo olio, bo tio loloi̒ya mai olaatia, “Diila! Diila polubo olau̒, tubowalo Allahu Taa̒ala sababu wau̒ olo wato tutuuwauwa debo odelo yio̒ wau debo odelo ngoa̒amila wutatumu tadihu-dihu tio̒otutua to ososakusi li Isa!” Sababu ososakusi li Isa boitolo u loi̒lihami mai totau-tauwalo tahipo nubuwatia.

WAHI 20:4

Lapatao̒ watia loo̒onto mola totoonulalo tambati huhuloa̒ li olongia, wau tau-tauwalo tahihuloa̒a totambati huhuloa̒ li olongia boito yilohia kawasa u mopodehu hukuumani. Watia loo̒onto mola olo jiwa lotau-tauwalo tamaa hetimade lunggongio sababu timongolio helongohi sakusi pasali li Isa, wau helo pololadu tahuli lonto Allahu Taa̒ala. Tau-tauwala boito diila hipolubowa binatangi meaalo bui̒lio. Timongolio olo diila pee̒enta mao̒ lololimo tuoto lo binatangi boito tobaya meaalo to uluu̒ limongolio. Yi timongolio muli tumumulai wau momalenta odelo olongia pee̒-pee̒enta woli Isa ngotilonggadu ngolihu lotaunu mola hiheolio.