WAHI 11:2 - KITABI HABARI MOPIOHE

² Bo diila mao̒ tuu̒de paangio u toa̒mbahu bulemengo Bele lo Allahu Taa̒ala, sababu tayade boito mailudu ode tau-tauwalo tadiila hitootawa to Eeya. Timongolio mamoduta-dutaa̒a kota u mantali boito ngotilonggadu wopato pulaa dulo hula mola.

WAHI 11:2 ပူးပေါင်းရင်းမြစ်များ

JABURU 79:1

Jaburu lei Asap. Yaa Allahu Taa̒ala, bangusa tadiila motota to Eeya malo tibiluloa̒ tohuta pusaka lo Eeya. Timongolio helo ponajisi Bele lo Eeya, Yerusalemu pilopowali limongolio tuodu.

YESAYA 48:2

Eleponu odito, yio̒ lotolongaku wolo wengahu deu̒ yio̒ ulipu lokota mantali; wau deu̒ yio̒ motiwunela to Allahu Taa̒ala lo Isirai̒lu tai̒lunte Eeya Taa Laba-labaalo kawasa.

YESAYA 5:5

Odie mola mapohutuo-U̒ mao̒ wolo ilengi lo angguru-U̒ boito: Bala u momalitao̒ mapahuto-U̒, dingingo meeseli u lolilunga malo lohubuo-U̒, lapatao̒ poluli-U̒ binatangi mongantau moporuusa wau molumbe-lumbetaa̒ao̒.

YESAYA 52:1

Pobongulo, wuu Yerusalemu, pobongulo! Poo̒lotola mola hilaamu! Pomakeaalo pakeyangi lo odudaa̒amu! Wuu Yerusalemu, kota u mantali, taa najisi diilalo tumuwoto molibaya hulubangimu.

HIYONGO MOPOILAALO SUUSA 1:10

Totoonulalo halata upangolio mailambato lo mumuu-suulio. Tumbao̒ tio musi momilohe olimongolio tumuwotao̒ ode Bele lo Allahu Taa̒ala, tuwaulio lo huhutu udilini lo Eeya duo̒lo taa udiila umati-Lio.

YEHESKIEL 4:6

Lapatao̒ uito, potibalatolo motiyintili ode olowala wau laasailo mao̒ hukuumani to totala lo Yehuda wopato pulu hui mola hiheolio, ngohui mopobayahe ngotaunu hukuumani limongolio.

YEHESKIEL 42:20

Oditolio, madala Bele lo Eeya ngoa̒amila huta ngotopo tutulio wopato, tuu̒udio dulo hetuto limo lopulu lomeeteri to timii̒du biihio. Huta ngotopo boito pilalita lo dingingo meeseli tuwau u mopowalahu madala u tolomodu duo̒lo Eeya wolo madala u duo̒lo taa dadaata.

DANIALI 12:7

Taa uwewo boito maa lomintaa̒ mola uluu̒lio mohu-mohualia ode hulungo. Ilodungohe lowatia tio lotadia domi Allahu Taa̒ala taa kakaali wau loloi̒ya, “Totoonulalo u yilowali maa pohu-pohutu ngotilonggadu tolo taunu wau ngoputu. Lapatao̒ polongalinaaya umati lo Allahu Taa̒ala mopaluto, yi mopalutao̒ olo totoonulalo u yilowali u moo̒linggolabe boito.”

DANIALI 7:19

Lapatao̒ watia ohilaa motota boli lo binatangi u opaatio boito, u hihiiheede wolo uwewo; u odito moo̒tihela hapato wau u longantulu boli lolamuta mangusaalio wolo luo̒obio tombaha wau dungitio wate, wau lolumbe-lumbetaa̒ labitio.

DANIALI 7:25

Tio mamobisala moluwali Allahu Taa̒ala Taa Laba-labaalo molanggato wau modeehe umati lo Allahu Taa̒ala. Tio mamo tolopani molomelo bubuu-too̒waalo wau popoo-tihungguwalo agama umati lo Allahu Taa̒ala, wau timongolio makawasaalio ngotilonggadu tolo taunu wau ngoputu.

DANIALI 8:10

Tunge boito lowali helebe damangaa mola tunggula lotuuheta lotolio u loluhu suludadu losologa deu̒yito-yito popoo-liyamaalo, tumbao̒ dengolo to wolotalio pilomahulio mola ode huta wau yilu-yilumbetai̒o.

DANIALI 8:13

Lapatao̒ ilodungohe lowatia ngotaalio lo malai̒kati loloi̒ya ode uwewo, “Tunggula dengolo mao̒ hiheolio ngoa̒amila u oo̒onto todelomo bibilohe boito mapohu-pohutu? Tunggula omolua dusa ulei̒daa̒ boito moluloa̒ao̒ bake timii̒du dulahu? Tunggula omolua suludadu losologa wau bele potabiaalo boito lumbe-lumbetaa̒lo?”

DANIALI 8:14

Ilodungohe lowatia malai̒kati ungota poli lolametao̒, “Tunggula ngolihu wau ngohetuto limo lopulu hui mola poli. Ngotilonggadu uito bake lolaango wau bake dumodupo diila podewolo. Lapatao̒ uito bolo bele potobiaalo mapo nguliyolo.”

YIA̒APO 14:34

Timongoli mamomanta totoonulalo akiibati lodusaamu wopato pulu lotaunu mola hiheolio; ngotaunu lekeniyolo duo̒lo ngohui monto timii̒du wopato puluhui mola upilomake limongoli u helo tulete huta boito. Timongoli mamotota mao̒ woloolo mola rasaalio wonu Wau̒ moluwali olimongoli!

MATIUSI 27:53

Timongolio lumualai monto kukuu-buluwalo lapatio mao̒ ti Isa mobongu mai monto opopate, wau timongolio tumuwoto mola ode Yerusalemu. Wau mola teto dadaata taa moo̒onto olimongolio.

MATIUSI 4:5

Lapatao̒ uito ti Isa dilelo lo Ibilisi ode Yerusalemu, tokota mantali, wau pilopo tihulio Tio tobilinga Bele lo Eeya.

MATIUSI 5:13

“Timongoli watingo lodunia. Wonu watingo diilalo olamita, wolo donggo mowali poo̒ panggelolo? Diduluo mao̒ hunalio, bo mapomahulio wau podudutaa̒ lotau.

LUKASI 21:24

Woluo tamaa pateelio lobanggo mate-mateelo mao̒, woluo olo tamaa deloolio odelo tatilawalo ode lilii-puwaalo lotau; wau tau-tauwalo tadiila motota lo Allahu Taa̒ala mamo dutadutaa̒a Yerusalemu tunggula mopulito wakutuulio u matilantu lo Eeya ode limongolio.”

IBRANI 10:29

Malo lebe mobuuhetao̒ hukuumani u musi podehuwolo totaa u hemo dutadutaa̒ Walao̒ Allahu Taa̒ala. Tau boito hemo nganggapu hina duhu daantia lo Allahu Taa̒ala, deu̒ito-yito opopate li Almasi tamo poo̒belesi monto dusa. Tio mohina Rohu tamoongohia odehu hilao̒.

WAHI 11:11

Lapatao̒ otolu lodulahu wau ngoputu, medunggalo mai napasi lo tutumulo monto Allahu Taa̒ala wau muli tumuwoto ode delomo nabi duulota boito. Timongolio olo mamobongu wau timihulo, tilinggula ngoa̒amila tamoo̒onto olimongolio mowali moohe daa̒.

WAHI 11:3

Wau̒ mamolao mai duulota sakusii-U̒ tapakepake boo̒ limilimi, wau timongolio mamopo malalumu habari lo Allahu Taa̒ala ngotilonggadu ngolihu dulo hetuto wolomo pulu hui mola.”

WAHI 12:6

Yi taabua boito tilumetea̒ ode huta datahu u luasi daa̒ wau delita, ode tambati u mapilo dapato Allahu Taa̒ala olio. Totambati boito tio mataalaalo hiheolio ngolihu dulo hetuto wolomo pulu hui mola.

WAHI 21:10

Yi Rohullah longawasa mai olaatia wau malai̒kati boito lodelo mola olaatia ode balitutuo̒ hui̒du u molanggato daa̒. Tio lopobilohe olaatia Yerusalemu, kota mantali boito, kota boito lotuhutai lonto sologa, lonto Allahu Taa̒ala,

WAHI 21:2

Yi watia loo̒onto mola kota mantali boito, deu̒ito-yito Yerusalemu u bohu, lolaahei lonto sologa lonto Allahu Taa̒ala. Kota boito mapilo dapato debo odelo ngotaalio li bulentiti taabua diladai u modunggaya wolo bulentiti talolai̒.

WAHI 22:19

Wau wonu taa mopo kulangi mao̒ hitua-tuawua monto loloo-iyaala lo nubuwati botie, yi Allahu Taa̒ala olo mamopo kulangi tayadio upilo bayahei todelomo buku botie – deu̒ito-yito tayade monto bungo lo ayu tutumulo wau monto kota mantali boito.