WAHI 10:9 - KITABI HABARI MOPIOHE

⁹ Yi watia olo malonao̒ mota ode malai̒kati boito wau lohile alihu tio mongohi mai lilibu kikiio̒ boito to olaatia. Tio loloi̒ya, “Hamaalo wau tamelalo utie. To delomo ombongumu tio mamowali mopaa̒to, bo todelomo ngangomu tio moolingo debo odelo hula lotiia̒.”

WAHI 10:9 ပူးပေါင်းရင်းမြစ်များ

AYUBA 23:12

Totoonulalo palenta lo Allahu Taa̒ala laito hedungoheu̒, kahandaki lo Eeya hedudua̒au̒, wau diila lodudua̒ hilaau̒ lohihilao.

YEREMIA 15:16

Eeya lotahuda mai odelaatia, wau watia lodungoheo̒ timii̒du tahuda lo Eeya. Watia miliki lo Eeya, yaa Eeya Taa Laba-labaalo kawasa, sababu uito ngoa̒amila tahuda lo Eeya loe̒engahu wau loposanangi tutu olaatia.

YEHESKIEL 2:8

Wuu manusia panaa, dungohilo wolo potahudaa-U̒ mai olemu. Diila mao̒ podudua̒ momalakala olo. Huo̒ilo mola tunggilumu wau tamelalo wolo u wohi-U̒ mai olemu.”

YEHESKIEL 3:14

Okokawasa lo Eeya leidungga mai odelaatia wolo laba-labaalo, wau tou̒ watia bilintai̒o wau dilelo lo Rohu-Lio hilaa lowatia lasaalo mopaa̒ato wau mopatu.

KOLOSE 3:6

Susuu-aliyaalo debo odelo uitolo u mopotoodei muluka lo Allahu Taa̒ala totau-tauwalo tadiila hipo dungohe o-Lio.

WAHI 10:10

Watia malohama lilibu kikiio̒ boito lonto uluu̒lio tulusi tilamela lowatia. To ngango lamitio debo odelo hula lotiia̒, bo tou̒ matiloloolo lowatia, todelomo ombongo laatia lilibu kikiio̒ boito tio lowali lopaa̒to.