WAHI 10:4 - KITABI HABARI MOPIOHE

⁴ Odito opitu bulonggodu boito lotuwahu, watia ohilaa moluladeo̒, bo watia loo̒dungohei suala lonto sologa lotahuda, “Tuua̒ mao̒ wolo uiloi̒ya mai lo opitu bulonggodu boito; diila mao̒ tulade!”

WAHI 10:4 ပူးပေါင်းရင်းမြစ်များ

YESAYA 29:11

Boli lo bibilohe mameituuo̒ olemu, debo odelo buku u sileeheli. Wonu buku boito deloolo ode ngotaalio tamowali mobaca alihu tio mopobaca mao̒ olemu, tio mamoloi̒ya deu̒ tio diila mowali, sababu buku boito seseeheli.

YESAYA 8:1

Eeya lotahuda mai olau̒, “Hamaawa mao̒ botulei leidaa̒ ngobotu, lapatao̒ tuladee mao̒ wolo huhuu-lupuwalo u mopatato: ‘Polohehu taa Moolato, Pololambato taa Molinggahu’.

YESAYA 8:16

Timongoli, tahidudua̒ olau̒ musi molahu wau molaalao̒ ngoa̒amila tahuli u yilohi mai lo Allahu Taa̒ala olau̒.

DANIALI 12:4

Lapatao̒ ualo malai̒kati boito poli odelaatia, “Daniali heu̒utilo buku boito botia, wau dutua mao̒ seeheli alihu debo heu̒uuta de mola pulitio lo jamani. Dadaata tau maa mohimontala motulete wolo udonggo todu-toduo. Bo tolopani limongolio boito maa paracuma ngoa̒amilalo.”

DANIALI 12:9

Tio lolametai, “Ponao̒olo botia, Daniali, sababu loi̒ya botie musi tuuo̒lo wau depuheelo de mola pulitio lo jamani.

DANIALI 8:26

Bibilohe pasali lobake lolaango wau dumodupo umaa tilombangai olemu boito, otu-otutuulo mao̒ mamotoduo mai. Bo ngoa̒amila boito mamotoduo tomaasa utalu-talu mai u donggo molaminga mola; oditolio diila mao̒ silitaawa penu boli to ngotaalio.”

TINGULI 29:29

Woluo dengolo sua̒li u hiluli lo Eeya Allahu Taa̒alanto; bo buto-I̒o mapilo ilaalo-Lio mai to olanto, wau ito wau walinto mola musi modungoheo̒ u ohiheo-hiheolo mao̒.”

WAHI 1:11

Suala boito lotahuda mai, “Tulade mao̒ wolo u iloontongamu, wau lawola mola buku boito ode pitu jamaa̒ deu̒ito-yito: ode Epesus, Smirna, Pergamus, Tiatira, Sardis, Piladelpia, wau Laodikia.”

WAHI 1:19

Sababu uito, tulade mao̒ susuu-aliyaalo u iloontongamu, deu̒ito-yito susuu-aliyaalo uwoluo masaatia botie, wau susuu-aliyaalo u de mamotoduo mai.

WAHI 10:8

Lapatao̒ suala umaa ilodungohe lowatia lonto sologa boito luli lotahuda mai olaatia. Tio lotahuda, “Ponao̒lo mota hamaawa mai lilibu buku u hua̒hua̒ato to uluu̒ lo malai̒kati taduta-dutaa̒ todeheta wau totudulio boito.”

WAHI 22:10

Lapatao̒ tio luli loloi̒ya, “Diila mao̒ depuhe loloo-iyaalo lo nubuwati todelomo buku botie, sababu malembidei wakutuulio, ngoa̒amilalo botie mamotoduo.