WAHI 10:3 - KITABI HABARI MOPIOHE

³ Lapatao̒ tio longiibode wolo suala daa̒ debo odelo wuongo lo sisii-ngawaalo. Lapatio mao̒ malai̒kati boito longiibode, opitu bulonggodu lolametao̒ wolo suala hula-hulaubio.

WAHI 10:3 ပူးပေါင်းရင်းမြစ်များ

JABURU 29:3

Allahu Taa̒ala tau̒daa̒ loti bulonggodu toitaato deheto, suala-Lio toli-toliyongo toitaato auhe daa̒.

POHUMAYA 19:12

Muluka li olongia debo odelo heuwanga losinga; opopiohu li olongia debo odelo wambulo u mopobata pipii-lomulowalo.

YESAYA 31:4

Eeya lotauhda mai olaatia, “Debo odelo singa moingo daa̒ u molaahangi mangusaalio wau diila mowali pilowoohe lo wuwaatio̒ wau tingalahu lo ngopolemboa̒ diiti tahe ilambulio moluwali olio, odito olo Wau̒ mamopaatea wau momintengi Huludu Sion.

YESAYA 42:13

Eeya lomaju lotuuhua debo odelo ngotaalio lo pahalaawani, debo odelo ngotaalio lo pajule polupolu lo sumaangati u mopaatea. Eeya lomintaa̒ tingalao̒ mopaatea, wau lopobilohei oheebati-Lio to laawani.

YESAYA 5:29

Mongo pajulelio moheuwanga debo odelo singa u boheeli lodangapo mangusaalio, lapatao̒ pilotetei̒o, wau diaaluo tamowali molopatao̒.

YEREMIA 25:30

Ngoa̒amila upilo tahudaa-U̒ mai ode olemu, wuu Yeremia, maamusi posambeemu. Polelea mao̒ olimongolio, ‘Suala lo Eeya motingohu mobulonggodu monto sologa; monto biluloa̒-Lio u mantali Eeya bulo-bulontungo moluwali umati-Lio. Ngoilanggubu tuango dunia modungohe Eeya motingalao̒ debo delo tahipo kalajaawa u hipomitodea angguru to tambati polumbetaa̒lo.

YEHESKIEL 10:5

Tingohu oa̒abu polipio̒ lo mamaa-lai̒katiyalo opolipio̒ boito odungohe demota palepelo bulemengio, debo odelo suala lo Allahu Taa̒ala Taa Laba-labaalo kawasa.

HOSEA 11:10

Eeya lotahuda mai, “Umati-U̒ mamo dudua̒ ola-U̒ wonu bolo Wau̒ moheuwanga debo odelo singa wau mopo humuheela musu limongolio. Umati-U̒ mahua̒a monao̒ mai monto ambahu otolopa u molubo ola-U̒.

YOEL 3:16

Eeya lingiibode lonto Sion, hui̒-Dio; lonto Yerusalemu lobulonggodu sualaa-Lio. Hulungo wau dunia hilimeulo daa̒ sababuu-Lio. Bo Eeya madebo mopoduulua wau moduo̒la Isirai̒lu, umati-Lio.

AMOS 1:2

Uti-utieelo uiloi̒ya lei Amos, “Eeya loheuwanga lonto huludu lo Sion, sualaa-Lio lohulaube lonto Yerusalemu. Huhuu-tawaalo luasi u pilobutua lo huo̒yoto lowali lohengu, huo̒yoto to Hui̒dee Karmel lohengu-hengulo mao̒.”

AMOS 3:8

Wonu bolo singa moheuwanga, tatoonu tadiila moohe? Wonu bolo Eeya Allahu Taa̒ala motahuda, tatoonu tamowali motipoo̒yo batanga wau diila mopo malalumu mola tahulii-Lio?

WAHI 14:2

Tulusi watia loo̒dungohe suala lonto hulungo bulo-bulontungio debo odelo tingohu taluhu podehu uleidaa̒ wau debo odelo hulaubu bulonggodu ulaba-labaalo. Suala boito odungohe debo odelo suala lomuusiki lonto tahi poitohe kocapi tadonggo hemo poitohe kocapilio.

WAHI 15:1

Lapatao̒ watia loo̒onto mola tohulungo hitua-tuawua u moo̒linggolabe wau laba-labaalo polutui̒o. Woluo pitu lota malai̒kati wolo pitu baala upulitio. Uti-utieelo pulitio lo Allahu Taa̒ala lopo bangguwatai mulukaa-Lio.

WAHI 15:7

Lapatao̒ tala tuwau lo wopato mahaluku boito longohi ode opitu malai̒kati boito pitu tapahula hulawa upolu-polu wolo muluka lo Allahu Taa̒ala, – Allahu Taa̒ala tatumu-tumulo ohiheo-hiheolo mao̒.

WAHI 4:5

Monto tambati huhuloa̒ li olongia boito pukapukaa̒i tinelo ilato wau yilumualai tingohu bulonggodu u hula-hulabio. Wau totalu lotambati huhuloa̒ li olongia boito woluo pitu morongo u hilai̒ta; ui-uitolo opitu Rohullah.

WAHI 8:5

Lapatao̒ malai̒kati boito lohama podupawa boito, wau loluango wolo tulu lonto mesba, tulusi lopo mahula odeitaato dunia. Yi bulonggodu olo hula-hulaubio wau ilato malo lawode-molawode mai wau lotoduwolo mola liluhu.