TINGULI 7:9 - KITABI HABARI MOPIOHE

⁹ Eelai mao̒ deu̒ Eeya Allahu Taa̒ala limongoli yito tatuwa-tuwaulo Allahu Taa̒ala, wau Tio Allahu Taa̒ala utatapu wau molotolo hilao. Eeya mopoo̒polu dantilio wau mopobilohei ponu-Lio utatapu tunggula ngolihu mola wali ode taa u motolia̒nga o-Lio wau modungohe totoonulalo palentaa-Lio.

TINGULI 7:9 ပူးပေါင်းရင်းမြစ်များ

ILOOWALI 17:7

Wau̒ mamo poo̒polu mai danti-U̒ olemu wau ode waliimu mai, wawaalia mola, wau danti boito ohiheo-hiheolo mao̒. Wau̒ mamowali Allahu Taa̒alamu wau Allahu Taa̒ala lo waliimu mola.

ILOOWALI 28:15

Eelailo mao̒, Wau̒ mamo tulungi mai wau moduo̒la olemu, penu boli deu̒toonu ponao̒wamu, wau Wau̒ mamodelo olemu muli mohualingai ode lipu botie. Wau̒ diila tamololaa olemu dilumutu mapilohutu-U̒ mai ngoa̒amila wolo u pilodanti-U̒ olemu.”

ILOOWALI 9:15

Wau̒ mamoe̒elai danti-U̒ olemu wau to ngoa̒amilalo mahaluku u hitumula, deu̒yito-yito deu̒ taluhe daa̒ diilalo mopobinasa mai totoonulalo u hitumula.

BOHULO MONGO OLONGIA 8:23

wau lodua̒, “Yaa Eeya, Allahu Taa̒ala lo Isirai̒lu! To hulungo meaambo todunia diaaluo tadebo odelo Eeya! Eeya loe̒elai danti lo Eeya wau helo poi̒laalo ponu lo Eeya ode umati lo Eeya tadebo molotolo hilao wau modungohe wolo lealeaatu lohilao to Eeya.

BOHULO TAWARI 16:15

Tio laito mamoe̒elai daantia-Lio, danti-Lio pohupohutu ohiheo-hiheolo mao̒.

OLUO TAWARI 6:14

“Eeya, Allahu Taa̒ala lo Isirai̒lu! To hulungo boli todunia diaaluo tadebo odelo Eeya! Eeya malo eelai danti lo Eeya wau lopoi̒laalo mai ponu lo Eeya to umati lo Eeya tau̒ tatapu wau molotolo hilao wau modungohe lealeaatu lohilao to Eeya.

NEHEMIA 1:5

“Yaa Eeya Allahu Taa̒ala takawa-kawasa tosologa. Eeya Allahu Taa̒ala taa Udaa̒ wau mongo watotia motitalu ode Eeya wolo lealeaatu rasa woohe. Eeya debo molotolo hilao wau hemodihu danti lo Eeya totaa u motolia̒nga to Eeya wau modungohe palenta lo Eeya.

NEHEMIA 9:32

Yaa Allahu Taa̒ala, Allahu Taa̒ala lo mongowatotia tamolotolo! Allahu Taa̒ala taa udaa̒ wau laba-labaalo! Wolo tatapu wau molotolo hilao dilihuma lo Eeya dadaanti; totoonulalo danti lo Eeya piloo̒polu mai lo Eeya wau piloponao̒ lo Eeya. Tumulalo mai mongo olongia lo Asyur helodeehe olo mongowatotia demai botia, sikisaa u helo toduo mai to mongowatotia. Mongo olongia lo mongowatotia, iimamu, nabi wau tahimuloa lo ulipu, olo loluuhuru wau ulipu, masilikisa ngoa̒amila. Ambunguolo diila mao̒ lipata totoonulalo sikisa boito! Ambunguolo diila mao̒ poo̒olia monto pikiilangi lo Eeya!

JABURU 103:18

ode taa u hemotidihu to daantia lo Eeya, wau wolo tatapu wau molotolo hilao hemoponao̒ palenta lo Eeya.

JABURU 105:8

Eeya laito moe̒elai daantia lo Eeya, danti lo Eeya pohupohutu ohiheo-hiheolo mao̒.

JABURU 119:75

Otaawa lowatia deu̒ putuusani lo Eeya aadili yaa Eeya, Eeya malo hukuumani mai olaatia sababu otatapu wau molotolo hilao lo Eeya.

JABURU 146:6

Eeyaalo talo powali hulungo wau dunia, deheto wau totoonulalo tuangio; Eeya tatapu wau molotolo hilao ohiheo-hiheolo mao̒.

JABURU 36:6

Yaa Eeya, ponu lo Eeya debo odelo langgato hulungo, wau otatapu wau olootolo hilao lo Eeya demola heengo.

PILOTIMUA̒TA 20:6

Bo Wau̒ mopo bilohei ponu-U̒ ode helihu-lihua wali mai lotau-tauwalo tahipo tolia̒ngowa ola-U̒ wau modungohe palentaa-U̒.

YESAYA 49:7

Allahu Taa̒ala tamantali Tamoo-poa̒ahua Isirai̒lu lotahuda mai totaa ulaba-labaalo hilinaa, wau tailonui̒o lo babaa-ngusawalo wau lowali wato lotahi kawaasawa, “Mongo olongia mamoo̒onto huhutuu-U̒; timongolio mamobongu mohulumati ola-U̒. Tahi kawaasawa mamoo̒onto mao̒ olo, lapatao̒ mosujudu molubo.”

YEREMIA 32:18

Eeya lopobilohei ponu lo Eeya u diila opulitio to helihu-lihua tau, bo Eeya olo mohukuumani tau sababu dusa lomongo dulaa̒lio. Eeya Allahu Taa̒ala tau̒daa̒ wau molotolo boli buheli daa̒; tanggulo Eeya yito Eeya Taa Laba-labaalo kawasa.

HIYONGO MOPOILAALO SUUSA 3:23

laito bohu timii̒du dimodupo otutu, Eeya tatapu wau molotolo hilao!

DANIALI 9:4

Totoonulalo dusa lobangusa lowatia hei̒laku lowatia to Eeya Allahu Taa̒ala lowatia. Loi̒ya lowatia, “Eeya Allahu Taa̒ala, Eeya udaa̒, wau mongowatotia mohulumati to Eeya. Eeya laito moe̒ela mai daantia lo Eeya wau hemo pobilohei ponu lo Eeya udiila opulitio ode limongolio tamo tolia̒nga to Eeya wau hemohutu wolo u pomalentai lo Eeya.

YIA̒APO 14:18

‘Wau̒, Eeya, diila hua̒a muluka. Wau̒ mopo bilohei ponu-U̒ wau otatapu wau olootolo hilaa-U̒ wolo diila o enggadelio. Wau̒ mongambungu mai taa u odusa wau tamoluwali ola-U̒. Penu boli odito, totala lomongo dulaa̒ mapomalasi-U̒ ode mongo walao̒ wau mongo wombulio, tunggula wali u otolulio wau opatio mola.’

ROMA 8:28

Otaawanto deu̒ Allahu Taa̒ala mongatulu mai totoonulalo sua̒li, tilinggula mongohi tilapulo umopiohe ode tau-tauwalo tamo tolia̒ngo o-Lio wau tatilia-Ngio motuuu̒de wolo lanjana-Lio.

1 KORINTUS 1:9

Allahu Taa̒ala mowali palacayalo lou̒ leleaatulo mao̒. Tiolo Allahu Taa̒ala tamalo tianga olimongoli u lowali tuwau wolo Wala-I̒o, deu̒ito-yito ti Isa Almasi, Eeyanto.

1 KORINTUS 10:3

Timongolio ngoa̒amilalo helo lamela ua̒alo rohu u tutuuwauwa,

1 KORINTUS 8:3

Bo taa u otu-otutuulo mao̒ motolia̒ngo to Allahu Taa̒ala, tio otaawa lo Allahu Taa̒ala.

2 KORINTUS 1:18

Domi Allahu Taa̒ala tamowali palacayalo, danti lowatia to Wutato diila “Joo” wau “Diila”.

TINGULI 32:39

Bilohilo, Wau̒ Allahu Taa̒ala Taa Tuwa-tuwaulo, diaaluo Allahu Taa̒ala ngopohia Wau̒. Wau̒ momate-mateelo mao̒ wau mopotumulo, momali wau mopoo̒luli mao̒. Wonu Wau̒ mopohutu mai, diaaluo penu boli ngotaa mao̒ tamowali moluwali.

TINGULI 32:4

Eeya Tamoo-duulua olemu tamolotolo boli buheli, ilomata-Lio ngoa̒amilalo wimu-wimumuto, wau ngoa̒amila dala-Lio aadili. Allahu Taa̒ala limongoli tatapu wau molotolo hilao, diaaluo udiila juujulu to Olio, Tio hemohutu mai u mopiohe wau otutu.

TINGULI 4:35

Ngoa̒amila boito pilobilohei lo Eeya ode limongoli u mopobukuti mao̒ deu̒ bo Eeya boito Allahu Taa̒ala, wau diaaluo taweewo.

TINGULI 4:39

Sababu uito pototaalo lou̒ tau todulahee botie wau diila mao̒ lipata: Eeya tatuwa-tuwaulo Allahu Taa̒ala tohulungo wau todunia; diaaluo taweewo.

TINGULI 5:10

Bo Wau̒ mopo bilohei ponu-U̒ ode hilihu-lihua wali monto tau-tauwalo tamo tolia̒nga ola-U̒ wau modungohe palentaa-U̒

1 TESALONIKA 5:24

Allahu Taa̒ala, tamalo tianga olimongoli, mamohutu mai sua̒li boito sababu Tio tatapu wau molotolo hilao.

2 TESALONIKA 3:3

Bo Eeya tatapu wau molotolo hilao, Tio mamo poo̒lotolai olimongoli wau moduo̒la olimongoli monto Ibilisi.

2 TIMOTIUS 2:13

Wonu ito diila tatapu wau molotolo hilao, Tio debo tatapu wau molotolo hilao, sababu diila mowali Tio mobulemenga wolo batanga-Lio lohihilao.”

TITUSI 1:2

Pongaajali boito patopatoa̒ to halapani deu̒ ito mamololimo tutumulo u tutuulio tutu wau ohiheo-hiheolo mao̒. Allahu Taa̒ala malo danti mai tutumulo boito tou̒ diipo bohulo jamani – wau Allahu Taa̒ala diila pongalo aakali mohimbulo.

IBRANI 10:23

Mamusi ito motidihu tio̒otutua to halapani upilo ngakuwanto, sababu Allahu Taa̒ala mowali palacayalo wau Tio mamoe̒elai danti-Lio.

IBRANI 11:11

Sababu o iimani, yi tei Abraham loo̒toduo wali lonto oli Sara, eleponu tei Abraham mapanggola daa̒, wau ti Sara lohihilao hunusa. Tei Abraham yakini deu̒ Allahu Taa̒ala mamo poo̒polu mai danti-Lio.

IBRANI 6:18

Dulo sua̒li boito diila mowali mobolio̒: Allahu Taa̒ala diila pongalo aakali mohimbulo tomimbihu danti wau tadia-Lio. Sababu uito, ito tamaa lotiduo̒la to Allahu Taa̒ala, yiluntula-Lio daa̒ u motidihu tio̒otutua to halapani ubua̒-bua̒adu to talunto.

YAKOBUS 1:12

Potisanangilo tutu taa sabali tou̒ tio odungga loimontala. Sababu lapatao̒ tio moo̒ tahangi toimontala boito, tio mamolimo wuupalio, deu̒ito-yito tutumulo u mapilo danti mai lo Allahu Taa̒ala totau-tauwalo tamo tolia̒ngo Allahu Taa̒ala.

1 YAHYA 1:9

Bo wonu ito motolo akuo duduu-saanto to Allahu Taa̒ala, Tio mamoe̒elai danti-Lio wau mohutu wolo u aadili. Tio mamo ngambungu duduu-saanto wau mopobelesi olanto monto totoonulalo huhutuunto utilala.

MONGO HAKIMU 2:1

Malai̒kati lo Eeya lonao̒ lonto Gilgal ode Bokhimi wau lotahuda mao̒ ode tau-tauwalo Isirai̒lu, “Wau̒ malo polualai olimongoli lonto Masiri, wau lodelo olimongoli ode lipu u mapilo danti-U̒ odeli nenemoya limongoli. Matilahuda-U̒ mai olo, ‘Buuhuta danti towolota-U̒ woli mongoli diila tabuntoo-U̒.

MONGO HAKIMU 5:31

Pohileaala dua̒ mumuu-suuwaalo Eeya, yaa Eeya, mate debo odelo tei Sisera, bo ngoa̒amila sahaabati lo Eeya ilotilapulo debo odelo mato lodulahu to dulente! Lapatao̒ uito, mai̒laamani lomola lipu boito wopato pulu lotaunu mola hiheolio.