TINGULI 7:4 - KITABI HABARI MOPIOHE

⁴ alihu timongolio diila tamo pohalaheo̒ mongo walai̒ mongoli monto Eeya u molubo ila-ila wewo. Wonu timongoli molubo ila-ila wewo, Eeya muluka wau timongoli mahua̒a pobinasaa-Lio.

TINGULI 7:4 ပူးပေါင်းရင်းမြစ်များ

BOHULO MONGO OLONGIA 16:31

Diipo lotuuheta to olio olo tilumumula ilodusa debo odelo ti Olongia Yerobeam, tio tumbao̒ lonika woli Isebel walai̒ Olongia Etbaal lonto Sidon, wau tio helo ibaadati to Baal.

PILOTIMUA̒TA 20:5

Diila mao̒ polubo bui̒ debo odelo uito, sababu Wau̒lo Eeya Allahu Taa̒ala limongoli, wau Wau̒ diila motohilaa potutuu-wauwolo penu boli wolita. Tau-tauwalo tahi polonua̒wa ola-U̒, hukuu-maniyo-U̒ demola wali otolulio wau opatio.

PILOTIMUA̒TA 34:16

Wonu mongo walau̒mu monika wolo mongobua deli, timongolio mapaaluto lo mongobua boito u mololaa mao̒ ola-U̒ wau molubo ila-ila limongolio.

TINGULI 20:18

Pateyaalo timongolio mate-mateelo mao̒, alihu timongolio diila moo̒ hutu olimongoli odusa to Eeya Allahu Taa̒ala limongoli wolo mongaajali olimongoli mohutu totoonulalo huhutu umoo̒ jijio̒ duo̒lo ila-ila limongolio.

TINGULI 4:26

Potala hulungo wau dunia todulahee botie mowali sakusi deu̒ wonu timongoli diila modungoheo̒ olaatia, timongoli mahua̒a mooli monto huta u potibiluloa̒ limongoli to ngotuali lo Dutulaa Yordan boito. Timongoli diila tamohiheo motibiluloa̒ mota teto; timongoli mapo binasaalo sama-samaata.

TINGULI 6:15

Wonu timongoli molubo ila-ila wewo, yi timongoli mao̒dungga muluka lo Eeya Allahu Taa̒ala limongoli wau pobinasaa-Lio mai sama-samaata, sababu Eeya Allahu Taa̒ala limongoli tawoluo tohuungi mongoli diila mohuto potutuu-wauwola penu boli loolo.

YOSUA 22:15

Yi malei dungga mota timongolio totambati losuku Ruben, Gad wau suku Manasye tomadala lo Gilead.

YOSUA 23:12

Wonu timongoli diila tatapu wau molotolo hilao wau timongoli mou̒ulauwa wolo babaa-ngusawalo tadonggo hibiluloa̒wa towolota limongoli, wau timongoli monika woli mongolio,

MONGO HAKIMU 2:11

Lapatao̒ taulo Isirai̒lu mai̒lodusa to Eeya. Timongolio diilalo helolubo to Eeya, Allahu Taa̒ala linenemoya limongolio, deu̒yito-yito Allahu Taa̒ala tamalodelo olimongolio yilumualao̒ lonto Masiri. Timongolio lolumula helolubo Baal wau Asytoret boli dedeewaalo u hetuboo lo babaa-ngusawalo topalito limongolio. Yi Eeya lomuluka olimongolio wau helo poluli mao̒ polemboa̒ loluhu wau lolambata olimongolio. Timongolio diilalo okawasa helo taalua wolo mumuu-suuwaalo topalito limongolio.

MONGO HAKIMU 2:20

Sababu uito Eeya luluka daa̒ to umati lo Isirai̒lu, wau lotahuda, “Wau̒ malo malentao̒ oli nenemoya lobangusa botie alihu modihu mao̒ daantia towolota-U̒ woli mongolio. Bo bangusa botie lomunto buuhuta danti boito; timongolio helo lambanga palentaa-U̒.

MONGO HAKIMU 3:6

Umati lo Isirai̒lu helonika lou̒ulauwa wolo babaa-ngusawalo boito, wau lodudua̒ helolubo dedeewaalo limongolio.