TINGULI 17:3 - KITABI HABARI MOPIOHE

³ wau palentaa-Lio wolo lolubo wau lotiwato to ila-ila wewo meaalo ode mato lodulahu, hulalo meaalo popoo-liyamaalo,

TINGULI 17:3 ပူးပေါင်းရင်းမြစ်များ

ILOOWALI 2:1

Yi mailapatolo mola ngoilanggubu aalamu pilopowali-Lio.

OLUO MONGO OLONGIA 21:3

Tataa-mbatiyalo u hepo lubowalo dewa mai̒laantulu lei Hiskia tiyamolio luli bilongulio. Tio helo mongu memees-bawaalo u poi̒baadatiala ode Baal, wau lohutu bui̒ lo Dewi Asyera, debo odelo u hepilohutu lei Ahab olongia lo Isirai̒lu. Tei Manasye olo helolubo popoo-liyamaalo.

PILOTIMUA̒TA 22:20

Tatoonu tamopodewo bake ode ila-ila wewo ngopohia ode ola-U̒, Eeya, musi hukuu-maniyola mate.

YEREMIA 19:5

Timongolio lopotihula mesba ode Baal u lopodewo mongo walai̒ mongolio odelo bake yilalango, tumbao̒ diila pee̒enta mao̒ sua̒li debo odelo uito tilumoodei todelomo pikiilangi-U̒.

YEREMIA 32:35

Timongolio helomongu memees-bawaalo ode Baal to Lumbaya Hinom, wau helo podewo mongo walai̒ mongolio ode Dewa Molokh. Lebe-lebe pomao̒, Wau̒ diila pee̒enta mao̒ helo poa̒hu olimongolio helohutu sua̒li boito, tumbao̒ diila pee̒enta mao̒ tilumoodei todelomo pikiilangi-U̒ deu̒ timongolio mamohutu huhutu debo odelo kootolo leeto wau mohutu taulo Yehuda odusa.”

YEREMIA 7:31

Mesba tuwau u ilunte Topet mapilopo tihuli mongolio to Lumbaya Hinom u podewowalo tau̒kekeei̒ limongolio odelo bake yilalango. Lebe-lebe pomao̒ Wau̒ diila pee̒enta mao̒ lopoa̒hu olimongoli helohutu sua̒li boito, tumbao̒ diila pee̒enta mao̒ sua̒li debo odelo uito tilumoodei to delomo pikiilangi-U̒.

YEREMIA 8:2

diila u yimoo̒olo wau muli lobungolo, bo poluli mao̒ tohuta odelo puputo. Tutuu-lalowaalo tau-tauwala boito mamo-pupuulepe totalu mato lodulahu, hulalo wau popoo-liyamaalo u hepujaa limongolio, hetoli-angaalo, hebayaalo, hetuboolo, hepohileaalo potuhata.

YEHESKIEL 8:16

Dilelo-Lio mota watia ode palepelo delomio Bele lo Eeya. Totili lo huhebu potuwotalo ode huwali leidaa̒ mantali, towolota lomesba wau hulipilo, woluo dulo pulaa limo lota. Timongolio helo bulemengo huwali leidaa̒, wau losujudu ode ambahu tiimuru hipoluboa mato lodulahu butubutu mai.

TINGULI 11:16

Diila mao̒ pohuto timongoli pohalahulio monto Eeya wau motiwato ila-ila wewo.

TINGULI 17:4

yi timongoli musi motulete mao̒ wolo ulintapo. Humayaalio ololeeto boito otu-otutuulo mao̒ malo toduo to Isirai̒lu,

TINGULI 4:19

Diila mao̒ pohutu dusa sababu molubo wau motiwato tou̒ wolo u oontonga limongoli tohulungo: mato lodulahu, hulalo wau bibii-natangiyalo. Eeya Allahu Taa̒ala limongoli lopoluli mao̒ babaa-ngusawalo wewo helolubo uu̒u-pangowalo boito.

YOSUA 23:16

Wonu bolo timongoli molambanga daantia u mapiloa̒hu olimongoli lo Eeya Allahu Taa̒ala imongoli alihu dungohelo, wau timongoli mota moi̒baadati to ii̒i-lawaalo wewo wau molubo mao̒ ii̒i-lawaalo boito, yi Eeya mamo muluka, wau mohukuumani mai olimongoli. To delomo wakutu u ngoi̒ntalo mola timongoli mabinaasa monto lipu u mopiohe botie, uilohi mai lo Eeya ode limongoli.”