TINGULI 13:1 - KITABI HABARI MOPIOHE

¹ Wonu bolo ngotaalio lonabi meaalo tamoo-tohilopoa modanti mao̒ tuwaulio lo muu̒jijati meaalo moo̒linggolabu

TINGULI 13:1 ပူးပေါင်းရင်းမြစ်များ

BOHULO MONGO OLONGIA 13:18

Yi ti nabi panggola lonto Betel boito olo helo himbulo mao̒ to olio, lou̒ loloi̒ya, “Watia olo nabi odelo Ito. To palentai lo Allahu Taa̒ala olo malai̒kati ngota malo poa̒hu mai olaatia molutulao̒ wau mohinta Olanto tobele lowatia.”

BOHULO MONGO OLONGIA 13:19

Ti Nabi lonto Yehuda boito malo dudua̒ mota ode bele linabi panggola boito wau lolamela wolio.

POHUMAYA 30:6

Wonu yio̒ moduhengao̒ wolo u pilotahuda lo Eeya, yi Eeya mamodini olemu wau mopobukuti mai deu̒ yio̒ moohimbuloa.

YESAYA 9:15

Mongo tau̒wa lo bangusa boito malo polapaalo wau lopopuuyoto ulipu.

YEREMIA 23:11

Eeya lotahuda mai, “Nabi wau iimamu diila lohuto lodungohe ola-U̒. Tumbao̒ to Bele-U̒ Wau̒ maloo̒ dungga olimongolio helohutu u moleeto.

YEREMIA 23:32

Wau̒, Eeya, mamoluwali mongo nabi boito mopotunggula totoo-hilopio u polupolu lo wimbulo. Timongolio mopolapalo umati-U̒ wolo wimbulo wau tabibo limongolio. Wau̒ diila lopoa̒hu mongo nabi boito. Timongolio sama-samaata diila ohuna ode umati-U̒. Wau̒, Eeya, malo tahuda mai.”

YEREMIA 27:9

Diila mao̒ podungohe tomongo nabi meaambo penu boli olo tatoonu wambai̒o tamodini olimongoli taa̒aluku toli olongia lo Babel, eleponu timongolio momasisi malo lolimo potuhata lonto tohiilopo, roroo-huwaalo u aaluti, meaambo wolo momake olootolo udiila oontonga.

YEREMIA 29:24

Eeya Taa Laba-labaalo kawasa, Allahu Taa̒ala lo Isirai̒lu longohi mai tahuli olaatia odelei Semaya, taulo Nehelam, sababu tei Semaya malolao tuladu to tanggulio lohihilao ode ngoilanggubu ulipu lo Yerusalemu, odeli Iimamu Jepanya walae̒e Maaseya, wau ode ngoa̒amila iimamu uwewo. To delomo tuladu boito tei Semaya loluladeo̒ odie odelei Jepanya:

YEREMIA 29:26

“Eeya malomudua̒ olemu lowali iimamu lobuulota wolei Yoyada, wau botia yio̒olo tamodihu pantungo lailaia̒ daa̒ to Bele lo Eeya. Tuugasimu yito mopoa̒hu mao̒ alihu timii̒du taa biyongo, tamomasisi batangalio nabi, punguola wolo rante wate to buloo̒lio.

YEREMIA 29:8

Wau̒ Eeya, Taa Laba-labaalo kawasa, Allahu Taa̒ala lo Isirai̒lu, mopoe̒elai olimogoli alihu batangamu diila mao̒ polulimu wimbuloa lomongo nabi tahi biluloa̒wa to huungi mongoli meaambo penu boli tatoonu wambai̒o tamoloi̒ya deu̒ timongolio mowali molaamali dulahee momooli. Diila mao̒ poo̒tuota limongoli ngoa̒amila tohiilopi mongolio.

YEREMIA 6:13

Timongolio ngoa̒amila, kikiio̒ wau udaa̒, hemopeehu untungi lou̒ diila motulidu hale. Tumbao̒ nabi wau iimamu olo hemohimbulo totau.

YEHESKIEL 13:23

Botia malo pulito ngoa̒amila bibilohe paaluti wau ngoa̒amila lamaalani lo wimbulumu. Poa̒ahuwo-U̒ umati-U̒ monto aanga lo ololeetumu. Yi mao̒taawa mao̒ limongoli deu̒ Wau̒ulo Eeya.”

JAKARIA 10:2

Tau-tauwala mohile potuhata to babaa-laahalaalo wau tahi polamalia, bo totoonulalo totameto u motapu mai limongolio yito wimbulo wau toongi wambao̒. Woluo tamo tombanga tohiilopo, bo tombangi mongolio bo mopolapalo olimongoli, wau liyango u wohilio diila oboliilio. Sababu uito ulipu mobubuu-ayaawa debo odelo himba. Timongolio mohiheo mongongoto sababu diila otau̒wa.

JAKARIA 13:4

To dulahee boito, mongonabi mamolaasa moolito u mohutu debo odelo nabi. Timongolio diila tamomake pakeyangi lonabi u mohimbulo wau mopomangga bibilohe-bibilohelio.

MATIUSI 24:11

Dadaata mongo nabi paaluti malumenetai, wau mamo ngaakali taa dadaata.

MATIUSI 24:24

Sababu malumenetai tahi poa̒ahua paaluti wau mongo nabi paluti. Timongolio mamokalaja mao̒ totoonulalo huhutu upolu-pulutuo̒ wau momoo̒o-linggolabewalo, wonu mowali, umati lo Allahu Taa̒ala olo.

MATIUSI 7:15

“Poo̒daha-dahaalo mao̒ tomongo nabi paluti. Timongolio monao̒ mai ode limongoli motihutu debo odelo himba, bo tutuulio tutu timongolio debo odelo saligala mongantau.

MARKUSI 13:22

Sababu tahi poa̒ahua paluti wau mongo nabi paluti mamei dungga mai. Timongolio mamo kalaja mai huhuu-tuwaalo upolu-polutuo̒ wau momoo̒-linggolabeyalo u mohimbulo wonu potala mowali, umati lo Allahu Taa̒ala olo.

LUKASI 6:26

Matopotala timongoli, wonu ngoa̒amila tau momujimu; sababu odito olo tinenemoya limongolio helomuji mongo nabi paaluti tojamani muloololio mai.”

TINGULI 18:20

Bo wonu ngotaalio lo nabi buheli mopo tunggulao̒ tahuli tuwau to tanggulu-U̒ lebe-lebe pomao̒ Wau̒ diila lopoa̒hu olio mohutu mao̒ odito, yi tio musi mate; odito olo timii̒du nabi tamo bisala to tanggulo ila-ila wewo musi mate.’

TINGULI 4:1

Lapatao̒ tei Musa loloi̒ya mao̒ ode bangusa boito, “Dungohe mao̒ ngoa̒amila butoo̒ upilo ngaajali mai lowatia ode limongoli, alihu timongoli mowali tumumulo tunggula motibiluloo̒ tohuta u mawohi mai lo Eeya, Allahu Taa̒ala loluuhuru limongoli ode limongoli.

TINGULI 4:2

Wolo u pomalentai lowatia, diila mao̒ duhenga meaalo ilangiyalo penu boli ngoi̒di mao̒. Dungohe mao̒ totoonulalo palenta lo Eeya Allahu Taa̒ala limongoli u wohiu̒ mai olimongoli.

2 TESALONIKA 2:9

Manusia Moleeto boito mamoti bilohei wolo kawasa tuwau uleidaa̒ monto Ibilisi. Tio mamopo woluo mai totoonulalo moo̒linggolabe u hidala-dalaala wau susuu-aliyaalo polu-polutuo̒ u polupolu loimbulo.

2 PETRUS 2:1

Tou̒ yilalu mao̒ towolota umati lo Allahu Taa̒ala mailumeneto mongo nabi paluti. Odito olo to wolotamu malumenetai guguu-ruwaalo paluti. Timongolio mamopo tuwotai totoonulalo pongajali udiila otutu, umoo̒ binasa tau. Wau timongolio mamomaahu tao̒kawasa tamalo pobebasi olimongolio. Lou̒ odito timongolio mopodungga mai obobinasa tobatanga lohihilao, u mamodeehe olimongolio lou̒ molamemeto.

1 YAHYA 4:1

Mongo wutato tao̒tolia̒ngo! Diila mao̒ palacayai to ngoa̒amila tau tahi pongakua o Rohullah, bo tesiyopo timongolio u motota mao̒ wolo Rohu uwoluo toli mongolio boito asaliilio mai lonto Allahu Taa̒ala meaalo diila. Sababu dadaata nabi paluti mabolo to utoonulalo.