TINGULI 10:9 - KITABI HABARI MOPIOHE

⁹ Masababu uito suku Lewi diila lololimo huta pusaka debo odelo suku wewo, sababu Eeyaalo tayadu waliisani limongolio, debo odelo u tilahuda mai lo Eeya Allahu Taa̒ala limongoli ode limongolio.)

TINGULI 10:9 ပူးပေါင်းရင်းမြစ်များ

YEHESKIEL 44:28

Mongo iimamu mololimo huhuloaa̒ iimamu boito odelo bagiaangi limongolio lou̒ wolo uiludu-U̒ ode bangusa lo Isirai̒lu wawaalia mola. Timongolio diila mowali ohaku wolo-wolo to Isirai̒lu: Wau̒ulo halata limongolio.

YIA̒APO 26:62

Mongo lolai̒ lonto suku Lewi tao̒ umulu ngohula ode yitaato jumulaalio dulopulaa tololihu lota. Timongolio dilaputali bubuua̒wa wolo tau-tauwalo ngobangusaalio, sababu timongolio diila loo̒tapu huta pusaka to Isirai̒lu.

WUNGGULI LOMONGO RASULU 8:21

Yio̒ diila ohaku u modudua̒ todelomo kalajaa lami, sababu hilaamu diila otutu to Allahu Taa̒ala.

TINGULI 12:12

Poti wengahulo mola totalu lo Eeya Allahu Taa̒ala limongoli, pee̒-pee̒enta wolo mongo walao̒ limongoli, mongo wato limongoli wau tau-tauwalo Lewi tabilu-biluloa̒ to kokoo-tawaalo limongoli, masababu taulo Lewi diila loo̒tapu tayadu lonto huta tolipu limongoli.

TINGULI 14:27

Diila mao̒ polulia iloloihia taulo Lewi tahi biluloa̒wa to kokoo-tawaalo; eelai mao̒ deu̒ timongolio boito diila ohuta lohihilao.

TINGULI 14:29

Ua̒alo boito ode taulo Lewi sababu timongolio diila ohuta, wau ode tau deli, walao̒ tadidu otiilo otiyamo wau tahi jaandawa tatumu-tumulo to kokoo-tawaalo limongoli. Timongolio mowali monao̒ mai wau mohama mao̒ totoonulalo upalaluo limongolio. Wonu timongoli mohutu mao̒ odito, yi Eeya Allahu Taa̒ala limongoli mamo balakati mai ngoa̒amila kelakela limongoli.”

YOSUA 14:3

Huta to ambahu otolopa lo Dutulaa Yordan mailohi lei Musa ode duluo apingo losuku bangusa u wewolio boito. (Palalu tuladulo tewe deu̒ wali mai lei Yusu leitayade todelomo dulo suku: Suku Manasye wau suku Epraim.) Tomimbihu suku Lewi, diaaluo huta uilohi lei Musa ode limongolio. Timongolio bo yilohia kokoo-tawaalo duo̒lo tambati biluloa̒, wolo huhuu-taalio datahu u luasi ode bibiahu sapi wau himba limongolio.