RUT 4:14 - KITABI HABARI MOPIOHE

¹⁴ Mongobua loloi̒ya mao̒ odeli Nao̒mi, “Ilopujiaalo mola Eeya! Eeya malongohi mai wombu talolai̒ ngota olemu todulahee botie u molaalao̒ olemu. Pohileaala dua̒ walao̒ boito mowali masa-masaahulu to Isirai̒lu!

RUT 4:14 ပူးပေါင်းရင်းမြစ်များ

ILOOWALI 12:2

Wau̒ mamongohi mai olemu wali u dadaata wau timongolio mamowali bangusa udaa̒. Wau̒ mamo balakati mai olemu wau mohutu tanggulumu polu-polutuo̒, tilinggula yio̒ mamowali balakati.

ILOOWALI 24:27

Ualio mao̒, “Pujiaalo mola Eeya, Allahu Taa̒ala lei Abraham tituani lo watotia. Eeya lopoilaalo mai tatapu molotolo hilao wau ohilaa mopiohe toli tuani lo watotia tei Abraham. Eeya hua̒a lodelo mai olo watotia ode mongo ilaatolio.”

ILOOWALI 29:35

Lapatao̒ luli ilombodaa̒ mola poli ti Lea wau lotutu mai walao̒ talolai̒ ngota. Ualio mao̒, “Pee̒enta botie watia mamomuji mola Eeya.” Lapatao̒ iluntelio walao̒ boito Yehuda. Lapatao̒ uito ti Lea diilalo helo potutu mai.

LUKASI 1:58

Mongo tiheedio wau mongo pohutatalio loo̒dungohe malo odito piohio Eeya toli Elisabet, wau timongolio olo lodudua̒ lotiwengahe wolio.

ROMA 12:15

Poti wengahulo wolo tau-tauwalo tahi wengahe, wau pohiyongolo woli mongolio tahe hiyonga.

1 KORINTUS 12:26

Wonu pongawaa̒ tuwau modutolo, ngoa̒amila pongawaa̒ uwewolio modutola olo; wonu pongawaa̒ tuwau pujiolio, ngoa̒amila pongawaa̒ uwewolio modudua̒ motiwengahe.

1 TESALONIKA 5:18

Todelomo totoonulalo owowoluwoa mamusi timongoli mosukuru, sababu uitolo u otohilaa lo Allahu Taa̒ala monto olimongoli odelo taa tumu-tumulo motituwau woli Isa Almasi.

2 TESALONIKA 1:3

Mongo wutato, amiaatia laito musi molapali mola oduo̒lo ode Allahu Taa̒ala sababu timongoli. Wau memangi patutilio amiaatia mohutu mao̒ odito, sababu timongoli helebe palacaya li Almasi, wau timongoli helebe motolia̒nga ngota timongota.