RUT 4:13 - KITABI HABARI MOPIOHE

¹³ Yi tei Boas olo lohama oli Rut lowali dilelio. Eeya helo balakati mai oli Rut tilinggula tio maa ilombodaa̒ mola lapatao̒ lopotutu mai walao̒ talolai̒ ngota.

RUT 4:13 ပူးပေါင်းရင်းမြစ်များ

ILOOWALI 20:17

Eeya malohutu mao̒ bintela ngoa̒amila mongobua to bele biluloa̒ saaha li olongia lei Abimelekh sababu uilowali mai woli Sara, dile lei Abraham boito. Lapatao̒ tei Abraham lodua̒ mola ode Allahu Taa̒ala, wau Allahu Taa̒ala lopoo̒luli mao̒ olei Abimelekh, dilelio wau mongo watolio mongobua, tilinggula mongobua boito muli mowali mopotutu mai.

ILOOWALI 25:21

Sababu ti Ribka diila loo̒tapu walao̒, tei Isihaka malodua̒ ode Eeya duo̒lo dilelio. Wau Eeya lodungohei dua̒ lei Isihaka, tilinggula ti Ribka maa ilombodaa̒.

ILOOWALI 29:31

Tou̒ Eeya loo̒onto mao̒ deu̒ ti Lea diila boti otolia̒ngio lei Yako debo odelo ti Rahel, yi Eeya lopoluasi oli Lea mopotutu mai walao̒, bo ti Rahel debo diila loo̒tapu walao̒.

ILOOWALI 30:2

Tei Yako maloingo toli Rahel wau loloi̒ya mao̒, “Wau̒ botie diila Allahu Taa̒ala. Tio-tiolo tahelohutu olemu diila loo̒tapu mai walao̒.”

ILOOWALI 33:5

Tou̒ tei Esau loo̒onto mao̒ ngoa̒amila mongobua wau tau̒kekeei̒ boito, tio malohintu, “Tatoonu timongolio tapee̒-pee̒enta wolemu botie?” “Timongolio mongo walao̒ lowatia,” tametao̒ lei Yako, “Allahu Taa̒ala malomonu mai mongo walao̒ boito ode laatia.”

JABURU 113:9

Eeya longohi mai tau̒ kekeei̒ ode dile tahunusa, lopowali olio tiilo tasanangi tutu wau huru-hurumati tobelelio. Pujiaalo mola Eeya!

JABURU 127:3

Tau̒ kekeei̒ yito wowohi mai lo Allahu Taa̒ala, tutuulio tutu, timongolio boito wowohi mai.

RUT 3:11

Sababu uito, diila mao̒ polawalo, Rut. Ngoa̒amila u pohilemu boito mapo hutuwou̒; sababu ngoa̒amila taa tokota botie malotota deu̒ yio̒ yito taabua ngota mopiohu.

RUT 4:12

Pohileaala dua̒ tau̒kekeei̒ tamaa wohi mai lo Eeya olemu motimbulude to taabua muda botie mamopo toduo mai ngaalaa̒mu debo odelo tei Peres, walao̒ lonto olei Yehuda wau ti Tamar.”

BOHULO SEMUEL 1:27

Walao̒ botie tamaa pilohile lowatia lonto Eeya. Dua̒ lowatia madilungohei lo Eeya,

BOHULO SEMUEL 2:5

Taa u muloololio mai hibutuhe sababu ilolaabawa tutu lou̒ aalo, botia lowali buru tahe wuupaalo bo u moo̒tapu mao̒ ua̒alo. Taa u muloololio mai hipolaanga, botia ilolulia lohilao, ilotuheta lou̒ aalo. Dile bintela, botia meengahu, pitulota walao̒ mapilo tutulio mai! Bo tiilo tadadaata walai̒o, tilolaalio, pilolulilio mao̒ modutolo.