RUT 4:11 - KITABI HABARI MOPIOHE

¹¹ Tahimuloa lo ulipu wau taa wewo tawoluo teto malo loi̒ya, “Joo, amiaatia sakusiilio. Pohileaala dua̒ Eeya mopowali todilemu boito debo odelo ti Rakhel woli Lea tahe lopototutu mai walao̒ dadaata odelei Yako. Pohileaala dua̒ yio̒ maa̒amulu towolota lotau-tauwala lonto kaumu Eprata wau pohileaala dua̒ yio̒ mowali masa-masaahulu to Betlehemu.

RUT 4:11 ပူးပေါင်းရင်းမြစ်များ

ILOOWALI 23:10

Tou̒ boito tei Epron lohihilao donggo hulohuloa̒ wolo tau-tauwalo Het boito totambati lo dudunggaya to huhebu hulubangi lo kota. Lapatao̒ wolo silakusia mao̒ lo ngoa̒amila taa u woluo teto, tio lolametao̒,

ILOOWALI 29:16

Tutuulio tutu tei Laban owalao̒ mongohua duulota; tamohuhula ilunte Lea, wau tawali-yaliilio ilunte Rahel.

ILOOWALI 29:25

De loloombulio mola bolo ilotaawa lei Yako deu̒ taa u nilakaalio. Lapatao̒ malonao̒ mota tei Yako odelei Laban wau loloi̒ya mao̒, “Yilongola ti Oomu malo pohutu olaatia odie? Wolo watia diila helo kalaja huna moo̒tapu mao̒ oli Rahel? Yilongola ti Oomu malo himbulo olaatia?”

ILOOWALI 29:32

Ti Lea maa ilombodaa̒ tulusi lopotutu mai walao̒ talolai̒ ngota. Ualio mao̒, “Eeya maloo̒onto mai osuusa lowatia, wau botia dile lowatia mamo tolia̒ngo olaatia.” Lapatao̒ iluntelio mao̒ walai̒o boito Ruben.

ILOOWALI 35:23

Mongo walai̒ Lea yito tei Ruben (tamohuhula daa̒ lei Yako), Simeon, Lewi, Isakhar, wau Jebulon.

ILOOWALI 35:24

Mongo walai̒ Rahel yito tei Yusu wolei Benyamin.

BOHULO MONGO OLONGIA 21:8

Yi tei Isebel malo luladeo̒ to tanggulo lei Ahab wau lopodutu mao̒ seeheli li olongia totuladee boito. Tuladee boito yilaolio ode mongo tau̒wa wau tahimuloa lo ulipu to Yijreel.

BOHULO TAWARI 2:51

Tei Salma walai̒o tahe lomongu kota Betlehemu; wau tei Harep walai̒o tao̒tolulio tahe lomongu kota Bet-Gader.

JABURU 132:6

To Betlehemu ilodungohento pasali lo Bulua Daantia, tulusi ilodunggaalio tohuta datahu wau luasi lo Yaar.

POHUMAYA 14:1

Dilea u bilongu lo otinepo lotaabua, bo lohubuo lo oohulodio.

POHUMAYA 31:23

Dilelio talolai̒ yito taa u masa-masaahuru – tala ngota towolota mongo tau̒wa lo kota.

MIKHA 5:2

Oditolio, Eeya mamopoluli umati-Lio kiluwaasa lo mumuu-suuwaalo limongolio tunggula taabua tatilantu u mowali tiilo lo takaawasa boito malo potutu mai o-Lio. Lapatao̒ uito tau-tauwalo ngobangusaalio tawoluo to polayahu mamuli potuwaulo wolo bangusa limongolio.

MATIUSI 2:6

‘Yio̒ Betlehemu, tolipu lo Yehuda, yio̒ sama-samaata diila pulito ukikiio̒ towolota lo kokoo-tawaalo upolohuna daa̒ to Yehuda. Sababu monto olemu mamei dungga mai tau̒wa ngota tamamo titau̒wa to umati-U̒ Isirai̒lu.’ ”

TINGULI 25:7

Wonu tio diila mohuto monika wolo dile lowutato tailate, yi taabua boito musi monao̒ mota motaalua wolo tahimuloa lokota wau moloi̒ya mao̒, ‘Wipahu lowatia diila mohuto mohutu uwajibu olio u mongohi ode wutatio ngotaalio lo wali towolota bangusa lo Isirai̒lu.’

TINGULI 25:9

dile lowutatio tailate musi mohimbideo̒ olio totalu lo tahimuloa lokota, momahutao̒ sandale lotau boito, monula loiyohu tobayalio wau moloi̒ya mao̒, ‘Odie mola umusi pohutuo mao̒ lotaa udiila mohuto mongohi wali ode wutatio.’