RUT 4:1 - KITABI HABARI MOPIOHE

¹ Tei Boas lonao̒ mola ode tambati lo dudunggaya tohuhebu hulubangi lokota. Tou̒ tio hulohuloa̒ mola teto yilumoadeo̒ talolai̒ u moduduo̒ olei Boas yito ngaalaa̒ lei Elimelekh tamodudula daa̒. Lapatao̒ tei Boas lotiangai olio, “Wutatuu̒, dulo potihuloa̒i tewe!” Tau boito lonao̒ mai, tulusi lotihuloo̒.

RUT 4:1 ပူးပေါင်းရင်းမြစ်များ

ILOOWALI 19:1

Lapatao̒ lodumango to olei Abraham, malai̒kati duulota boito lonao̒ ode Sodom wau ledungga mola odito tou̒ hui. Tei Lot donggo hulo-huloa̒a to huhebu hulubangi lo kota, wau lapatao̒ loo̒onto mao̒ olimongolio, tio maa tilimihulao̒ wau lolutulai olimongolio. Lapatao̒ tio losujudulo mola totalu limongolio,

ILOOWALI 23:10

Tou̒ boito tei Epron lohihilao donggo hulohuloa̒ wolo tau-tauwalo Het boito totambati lo dudunggaya to huhebu hulubangi lo kota. Lapatao̒ wolo silakusia mao̒ lo ngoa̒amila taa u woluo teto, tio lolametao̒,

ILOOWALI 34:20

Lapatao̒ tei Hemor wolei Sikhem malonao̒ mota ode tambati lo dudunggaya to huhebu hulubangi lokota, wau helo bisala mao̒ ode ulipu lokota limongolio, odie,

OLUO LO SAMUEL 15:2

Timii̒du dulahu tei Absalom hemobongu didimodupo lapatao̒ timihulao̒ tobiihu dalalo membideo̒ huhebu hulubangi lobele biluloa̒ saaha li olongia. Timii̒du taa ohilaa mopo duloheo̒ palakalaalio toli olongia, hetiangolio wau hepohintua lei Absalom, ualio mao̒, “Yio̒ lonto suku toonu?” Wau wonu tau boito molametao̒, “Lonto suku utie meaambo suku uito,”

OLUO TAWARI 18:9

Tou̒ boito tei Ahab wolei Yosapat, wolo pakeyangi odudaa̒, hihuloa̒a tokadera lo yilaidia totambati hepo lumbetaa̒lo pale totalu huhebu hulubangi lo Samaria, sambela mongo nabi hinao̒wa mai motaalua wau mopo tunggulao̒ lo laamali limongolio.

AYUBA 29:7

Wonu mongo panggola lokota motihuloa̒a pee̒-pee̒enta, wau hamaau̒ mao̒ tambatiu̒ towolota limongolio,

AYUBA 31:21

Humayaalio mapee̒enta wau̒ helodeehe tadidu otiilo otiyamo, sababu yakini mamoo̒haama palakalaau̒,

JABURU 69:12

Watotia lomake kaingi kado tuotio ilopatea, bo timongolio helopo dalili olo watotia.

POHUMAYA 31:23

Dilelio talolai̒ yito taa u masa-masaahuru – tala ngota towolota mongo tau̒wa lo kota.

YESAYA 55:1

Eeya lotahuda mai, “Duloolo timongoli ngoa̒amila tamo totoa̒ngo, pongilulo, taluhu madapa-dapato. Ponao̒lo mai timongoli tadiila odoi, tolimowalo pale lou̒ diila momaayali, wau tamelalo! Angguru wau susu madapa-dapato, tolimowalo wolo beebasi.

AMOS 5:15

Lonui̒ilo u moleeto wau tolia̒ngiilo u mopiohe, wau potihulaalo u aadili. Otanu Eeya modehu hilao totau-totauwalo tahe ilolabita monto bangusa lo Isirai̒lu.

JAKARIA 2:6

Eeya lotahuda ode umati-Lio, “Wau̒ malopo bubuua̒yawa olimongoli ode totoonulalo tutulio. Bo botia wuu tau-tauwalo polayahu, teteo̒olo monto Babel wau pohualingolo ode Yerusalemu.

TINGULI 16:18

“To timii̒du kota u wohi mai lo Eeya Allahu Taa̒ala limongoli, timongoli musi momuduo̒ mongo hakimu wau tahi otuugasia wewo u momutoo̒ ulipu wolo aadili.

TINGULI 17:5

yi taa u ototala boito musi deloolo ode bulemengo kota wau pai̒yola lobotu tunggula mate.

TINGULI 21:19

Yi mongo dulaa̒lio musi modelo mota olio ode tahimuloa lokota tambati pilo tibiluloa̒ limongolio wau mohile mao̒ alihu walao̒ boito aadiliyolo.

TINGULI 25:7

Wonu tio diila mohuto monika wolo dile lowutato tailate, yi taabua boito musi monao̒ mota motaalua wolo tahimuloa lokota wau moloi̒ya mao̒, ‘Wipahu lowatia diila mohuto mohutu uwajibu olio u mongohi ode wutatio ngotaalio lo wali towolota bangusa lo Isirai̒lu.’

YOSUA 20:4

Tio mowali tumetea̒a mota ode tala tuwau lo kokoo-tawaalo boito, wau monao̒ ode tambati pomutoa̒lo tohuhebu hulubangi lokota boito, lapatao̒ motombangao̒ tomongo tau̒wa mota teto wolo u malotoduo. Mongo tau̒wa boito mamongohi olio tumuwotao̒ ode kota boito, wau mongohi olio tambati poti biluloa̒lo.

RUT 3:12

Memangi otutu, wau̒ tamusi momanta timihulao̒ to tutumulumu, sababu wau̒ yito ilaatumu tamodudulo. Bo donggo woluo poli ngotaalio wewo tamusi momanta timihulao̒ to tutumulumu. Wau tio yito ilaato talebe modudulo wolau̒.

RUT 3:18

Lapatao̒ uali Nao̒mi, “Yimailo mao̒, naa, tunggula woloolo mola sua̒li botie de mopulito. Tei Boas diila tamo tipoo̒oyo tou̒ tio diipo mopoo̒ lapato palakala botie to dulahulo botie.”