RUT 3:7 - KITABI HABARI MOPIOHE

⁷ Lapatao̒ tei Boas yilapato lolamelo wau longilu, tio maa ilolulia lohilao wau hilaalio olo sanangi. Lapatao̒ tio mota lotuluhe totili huntua lopale. Lou̒ piopio ti Rut lonao̒ mai wau lomuo̒ mao̒ pohuloto lei Boas, lapatao̒ lotibalato tio totili lo oa̒atio.

RUT 3:7 ပူးပေါင်းရင်းမြစ်များ

ILOOWALI 43:34

Timongolio yilohiyalio ua̒alo lonto meja lei Yusu, wau tei Benyamin yilintalio poo̒olimo daatalio wolo mongo mohuhulalio. Tulusi malo lamela wau longilu timongolio pee̒-pee̒enta wolei Yusu tilinggula lotolu-toluulo mao̒.

OLUO LO SAMUEL 13:28

Tio helo poa̒hu tomongo watolio, “Poo̒tuota mao̒ tio̒otutua, wonu tei Amnon mahiluwoa̒ sababu longilu angguru, wau̒ mamongohi mai palenta, lapatao̒ pateaalo tio mate-mateelo mao̒. Diila mao̒ oohe. De wau̒ tatihu-tihulo to sua̒li boito. Pohutuwalo lou̒ buheli, wau diila polawalo!”

BOHULO MONGO OLONGIA 21:7

“Yio̒ olongia to Isirai̒lu!” loi̒ya mao̒ li Isebel. “Pobongulo botia wau polamelolo. Posanangia mola hilaamu, sababu wau̒ mamongohi mai ilengi lo angguru lei Nabot boito olemu!”

ESTERI 1:10

To dulahe u opitulio, ti olongia helo ngilu-ngilu tunggula leengahe daa̒. Sababu uito tio lotiangai opitu lota tolomodu tahidihuma pantungo lipu talowali moomayawa batangalio; timongolio yito tei Mehuman, Bijta, Harbona, Bigta, Abagta, Jetar wolei Karkas.

JABURU 104:15

wau ilotilapulo taluhu lo angguru u loo̒sanangi. Wau olo winulo jaitun ulohutu bayaalio ilumoyomo, wau ua̒alo u mongohi olio lotolo.

TAMOO-HUTUBAWA 10:19

Potihunggu mohutu tau moi̒ii̒, wau angguru mohutu tau meengahu. Bo palalu odoi u momaayali mao̒.

TAMOO-HUTUBAWA 2:24

Diaaluo ulebe mopiohu to manusia lou̒ molamelo, mongilu wau molamitao̒ tilapulo kalajaalio. Wau̒ mongalati deu̒ uito olo wowohi mai lo Allahu Taa̒ala.

TAMOO-HUTUBAWA 8:15

Pulito huhamaau̒ yito deu̒ tau musi motiwengahu. Sababu todelomo tutumulio todunia diialuo usanangi wewo olio ngopohia molamelo, mongilu wau motiwengahu. Uito wambao̒ u mowali rasaalo todelomo tolopanilio wolo kalaja tio̒opatea, ngotilonggadu tutumulo uilohi mai lo Allahu Taa̒ala olio.

TAMOO-HUTUBAWA 9:7

Ntali, polameloolo wambai̒o wau motiwengahu, yilumaalo anggurumu wolo wengahu. Allahu Taa̒ala diila okabalatani, tumbao̒ Eeya motuhatawa.

1 KORINTUS 10:31

Penu boli wolo upohutuo lo Wutato – Wutato molamela meaalo mongilu – pohutua mao̒ ngoa̒amilalo boito u mopolaio̒ Allahu Taa̒ala.

EPESUS 5:18

Diila mao̒ potihuwoo̒ lo angguru timongoli, sababu uito mamoo̒luusa olimongoli. Bolii̒o mao̒, mamusi timongoli kiluwaasa lo Rohullah.

MONGO HAKIMU 19:22

Tou̒ timongolio donggo hisanangia, debolo bele boito bilaala lotau-tauwalo tahileeta lonto kota boito. Timongolio helo ngokoa̒a huhebu loo̒ohuu̒ wau loloi̒ya ode taa panggola boito, “Wuduwalo mai olami talolai̒ tadilelomu mai ode belemu. Ami ohilaa mopohuna olio!”

MONGO HAKIMU 19:6

Yi lotihuo̒olo taulo Lewi boito tulusi lolamela pee̒-pee̒enta woliyamo lotaabua boito. Bo tou̒ tio tilimihula mola mamo monggato, tiyamo lotaabua malomiyo olio alihu diila monao̒. “Potiwenga-wengahupo,” ualio mao̒, “wau potihuipo tewe.” Yi loti tolaapo taulo Lewi boito teto ngohuipo mola.

MONGO HAKIMU 19:9

Lapatao̒, tou̒ taulo Lewi boito wolo pipiaalio wau watolio mamo monggato tiyamo lotaabua luli loloi̒ya mao̒, “Dulahee mamembideo̒ lou̒ hui, bolo ngopee̒ mola mamo dio̒lomai. Lebe mopiohe motihuipo tewe wau motisana-sanangi. Lombu timongoli mowali mobongu didimodupo u momonggato wau mohualingo.”

RUT 3:6

Yi malonao̒ ti Rut ode tambati lo tahi pokalajawa hemo tontanga pale lonto panggeyangio. Mola teto tio helohutu mao̒ ngoa̒amila u pilohehulo lotiilo molohengio.

RUT 3:8

To tomutaa̒ mola lou̒ hui debolo tei Boas lohulimangu mai wau ohilaa mopo yintili lo wawaai̒o. Tio maa iloohea loo̒onto mao̒ woluo taabua ngota tuutuluhe totili lo oa̒atio.