RUT 3:3 - KITABI HABARI MOPIOHE

³ Polihulo botia, pomakea mao̒ yilonta wau pomakea mao̒ pakeyangi u mopiohe daa̒. Lapatao̒ ponao̒lo ode tambati tou̒toonu tei Boas donggo hemokalaja hemo tontanga pale monto panggeyangio. Yimailo mota teto tunggula tio lapato molamela wau mongilu, bo diila bolo otaawalio yio̒ woluo mola teto.

RUT 3:3 ပူးပေါင်းရင်းမြစ်များ

OLUO LO SAMUEL 12:20

Yi tilimihulao̒ tio lonto wumbato lo huwaliilio, tulusi lolihu wau loheideo̒ huwoi̒o, loluloo̒ pakeyangilio. Lapatao̒ tio mota loi̒baadati to Bele lo Eeya. Lapatao̒ uito tio luli lohualingai ode bele biluloa̒ saaha li olongia, lei̒ hinta ua̒alo ode batangalio, tulusi tio lolamelo.

OLUO LO SAMUEL 14:2

sababu uito tio helei̒ lutulai ngotaalio taabua gaaga tabilu-biluloa̒ to Tekoa. Tou̒ taabua boito leidungga mai, tei Yoab loloi̒ya mao̒ olio, “Ti Ibu musi motia̒akali debo odelo tamotilimi; pomakea mao̒ pakeyangi, wau diila mao̒ pomake winulo moonu. Pohutua mao̒ debo odelo taabua tamalo hiheo hilumoyongo ilopatea lotaa u ilootohiloa.

ESTERI 5:1

To otolu dulahu lo puasaalio, ti Esteri lomake mao̒ pakeyangi liratulio, lapatao̒ lonao̒ ode paango delomo bele biluloa̒ li olongia wau timilihulao̒ totalu lohuhebu balairungi. Ti olongia donggo hulohuloa̒a toitaato bele biluloa̒ saaha li olongia talutalu ode huhebu boito.

JABURU 104:15

wau ilotilapulo taluhu lo angguru u loo̒sanangi. Wau olo winulo jaitun ulohutu bayaalio ilumoyomo, wau ua̒alo u mongohi olio lotolo.

TAMOO-HUTUBAWA 9:8

Huliilo mao̒ bayamu mopiohu wau umiyomo.

MATIUSI 6:17

Bo wonu timongoli mopuasa, polimamutao̒ wau heidi mola huwou̒mu,

RUT 3:2

Yio̒ helo huyula wolo mongobua to halabolu lei Boas, diila odito? Uito sababuulio, tei Boas boito ngaalaa̒nto. Oditolio, dungohilo mai! Hui botie tio mamonao̒ molumbetaa̒a pale to halabolulio.

RUT 3:4

Poo̒tuoti mao̒ tou̒toonu potuluhelio. Wonu tio malei tuluhu, ponao̒lo mota odito wau bua̒de mao̒ pohulotio, lapatao̒ potibalatolo totili lo oa̒atio. De tio mamo poo̒taai olemu wolo umusi pohutuwomu.”