RUT 3:2 - KITABI HABARI MOPIOHE

² Yio̒ helo huyula wolo mongobua to halabolu lei Boas, diila odito? Uito sababuulio, tei Boas boito ngaalaa̒nto. Oditolio, dungohilo mai! Hui botie tio mamonao̒ molumbetaa̒a pale to halabolulio.

RUT 3:2 ပူးပေါင်းရင်းမြစ်များ

ILOOWALI 50:10

Tou̒ timongolio leidungga mola totambati lotaa hemo pomolota pale to Goren-Haatad, to ambahu tiimuru lo Dutulaa Yordan, timongolio helo hilimuta wolo suukali wau suala hihunggalaa̒ daa̒. Tei Yusu helohutu mao̒ upacala ilopatea, pitu hui mola hiheolio.

RUT 2:1

Ti Nao̒mi o ilaato ngota lonto ambahu dilelio tamailate, tei Elimelekh. Tau boito kaya wau he hulumatio lotau. Tanggulio Boas.

RUT 2:8

Lapatao̒ tei Boas loloi̒ya mao̒ odeli Rut, “Nte dungohipo mai. Sambelolo yio̒ monao̒ momuluta pale to halabolu lotaa wewo. Pomulutolo tewe wolo mongobua tahe pei̒ kalajaau̒. Poo̒tuoti mao̒ ode utoonu timongolio monao̒ mongotolo. Poduduo̒lo woli mongolio laito wau diila mao̒ potilamingo monto olimongolio. Wonu yio̒ motoa̒ngo, pohama mao̒ taluhu monto boboo-linggowalo u matiluwanga lotahi pokalajawa mongo lolai̒. Wau̒ malo malentaao̒ alihu timongolio diila mao̒ momuyu olemu.”

RUT 3:1

Dengolo wakutu mola lapatio mao̒, ti Nao̒mi loloi̒ya odeli Rut, “Wau̒ musi motolopani mao̒ alihu yio̒ muli moo̒nika wau sanangi tutu.

RUT 3:3

Polihulo botia, pomakea mao̒ yilonta wau pomakea mao̒ pakeyangi u mopiohe daa̒. Lapatao̒ ponao̒lo ode tambati tou̒toonu tei Boas donggo hemokalaja hemo tontanga pale monto panggeyangio. Yimailo mota teto tunggula tio lapato molamela wau mongilu, bo diila bolo otaawalio yio̒ woluo mola teto.